ກອງປະຊຸມຝຶກອົບຮົມສ້າງຄວາມເຂັ້ມແຂງໃນວຽກງານຕ້ານການສໍ້ລາດບັງຫຼວງ, ການແກ້ໄຂຄໍາຮ້ອງ, ການຕ້ານການຟອກດງິນ ແລະ ການສະໜອງທຶນໃຫ້ແກ່ຜູ້ກໍ່ການຮ້າຍ ຊຶ່ງຈັດຂຶ້ນໃນລະຫວ່າງວັນທີ 2 – 4 ມີນາ 2021 ທີ່ຜ່ານມາ ຢູ່ເມືອງວັງວຽງ, ແຂວງ ວຽງຈັນ.

ກອງປະຊຸມຈັດຂຶ້ນໂດຍກົມກວດກາ ອົງການໄອຍະການປະຊາຊົນສູງສຸດ ເປັນກຽດເຂົ້າຮ່ວມເປັນປະທານກອງປະຊຸມຂອງ ທ່ານ ບຸນຍັງ ຈັນດາລະສານ ຮອງຫົວໜ້າອົງການໄອຍະການປະຊາຊົນສູງສຸດ ແລະ ທ່ານ ຈອນ ຄອນລໍລີ ຜູ້ອໍານວຍການສະຖາບັນຊ່ວຍເຫຼືອທາງດ້ານກົດໝາຍ ຈາກປະເທດລຸກຊໍາບວກ.

ກອງປະຊຸມຝຶກອົບຮົມເທື່ອນີ້ ມີຜູ້ເຂົ້າຮ່ວມມາຈາກອົງການໄອຍະການປະຊາຊົນ 6 ແຂວງ ພາກກາງ. ນອກນີ້, ກໍຍັງມີການເຂົ້າຮ່ວມຈາກອົງການໄອຍະການປະຊາຊົນສູງສຸດ, ຈາກອົງການໄອຍະການທະຫານຂັ້ນສູງ, ຈາກອົງການໄອຍະການປະຊາຊົນພາກກາງ ແລະ ມີນັກວິທະຍາກອນທີ່ມາຈາກອົງການໄອຍະການປະຊາຊົນສູງສຸດ, ຈາກອົງການກວດກາລັດຖະບານ ເຂົ້າຮ່ວມລວມທັງໝົດ 57 ທ່ານ.

ກອງປະຊຸມຝຶກອົບຮົມແມ່ນເພື່ອສ້າງຄວາມຮັບຮູ້ ແລະ ເຂົ້າໃຈໃຫ້ພະນັກງານອົງການໄອຍະການປະຊາຊົນແຕ່ຂັ້ນສູງກາງລົງຮອດທ້ອງຖິ່ນ ກ່ຽວກັບວຽກງານກວດກາ ໂດຍເນັ້ນກົດໝາຍວ່າດ້ວຍການຕ້ານການສໍ້ລາດບັງຫຼວງ, ການດໍາເນີນຄະດີສໍ້ລາດບັງຫຼວງ ຢູ່ ສປປ ລາວ, ກົດໝາຍວ່າດ້ວຍການແກ້ໄຂຄໍາຮ້ອງ, ການຕ້ານການຟອກເງິນ ແລະ ການສະໜອງທຶນໃຫ້ແກ່ຜູ້ກໍ່ການຮ້າຍ.

ໃນກອງປະຊຸມຝຶກອົບຮົມ ທ່ານ ບຸນຍັງ ຈັນດາລະສານ ຮອງຫົວໜ້າອົງການໄອຍະການປະຊາຊົນສູງສຸດ ປະທານກອງປະຊຸມ ໄດ້ມີຄໍາເຫັນຊີ້ນໍາໃຫ້ພະນັກງານໄອຍະການແຕ່ສູນກາງຮອດທ້ອງຖິ່ນທີ່ເຮັດວຽກງານກວດກາ ຕ້ອງໄດ້ຍົກສູງຄວາມຮັບຜິດຊອບ ແລະ ໜ້າທີ່ຂອງຕົນ ເພື່ອນໍາເອົາບົດຮຽນຄັ້ງນີ້ໄປຈັດຕັ້ງເຂົ້າສູ່ວຽກງານຕົວຈິງໃຫ້ເກີດຜົນປະໂຫຍດສໍາເລັດ ຕາມລະດັບຄາດໝາຍ

ກອງປະຊຸມຄັ້ງນີ້ ​ເປັນ​ການ​ສືບ​ຕໍ່​ກອງ​ປະ​ຊຸມ​ປະ​ກອບ​ຄຳ​ເຫັນໃສ່​ຮ່າງ​ກົດ​ໝາຍ​ວ່າ​ດ້ວຍ​ການ​ປົກ​ຄອງ​ໃນ​ເດືອນ​ຜ່ານ​ມາ​ທີ່​ເມືອງວັງ​ວຽງ ໃນເດືອນມັງກອນຜ່ານມາ ໂດຍ​ສືບ​ຕໍ່ຄົ້ນຄວ້າ ປະກອບຄຳຄິດເຫັນໃສ່ຮ່າງກົດໝາຍວ່າດ້ວຍການປົກຄອງໃຫ້ມີ ເນື້ອໃນຄົບຖ້ວນ ແລະ ອຸດົມສົມບູນຂຶ້ນເທື່ອລະກ້າວນີ້ ຊຶ່ງຈະ​ສຸມ​ໃສ່​ປະ​ກອບ​ຄຳ​ເຫັນບັນ​ດາເນື້ອ​ໃນ​ຂອງ​ແຕ່​ລະ​ມາດ​ຕາ​ໃຫ້​ສຳ​ເລັດ ເປັນ​ຮ່າງ​ທີ 1 ເພື່ອ​ເປັນ​ພື້ນ​ຖານ​ໃຫ້​ແກ່​ການ​ປະ​ກອບ​ຄຳ​ເຫັນ, ​ການສະ​ເໜີຂອງອົງ​ການ​ປົກ​ຄອງ, ອົງ​ການ​ນິ​ຕິ​ບັນ​ຍັດ, ສະ​ພະ​ຊາ​ຊົນ​ຂັ້ນ​ແຂວງ ແລະ ພາກ​ສ່ວນ​ທີ່​ກ່ຽວ​ຂ້ອງຂອງ​ການ​ຈັດ​ຕັ້ງ​ພັກ-ລັດ​ໃນ​ຂັ້ນ​ສູນ​ກາງ ແລະ ທ້ອງ​ຖິ່ນໃນ​ອັນ​ດັບ​ຕໍ່​ໄປ ແລ້ວ​ນຳ​ເອົາ​ຄຳ​ເຫັນ, ຂໍ້​ສະ​ເໜີນັ້ນດັ່ງ​ກ່າວ ມາ​ຄົ້ນຄວ້າ ປັບ​ປຸງ​ກົດ​ໝາຍ​ ເປັນ​ຮ່າງ​ທີ 2, ຮ່າງທີ 3 ແລະ ​ຮ່າງທີ 4 ​ ຈົນ​ກວ່າຈະ​ເປັນ​ຮ່າງ​ສົມ​ບູນ ເພື່ອ​ສາ​ມາດນຳ​ສະ​ເໜີ​ຕໍ່​ກະ​ຊວງ​ຍຸ​ຕິ​ທຳ ກໍ​ຄື ລັດ​ຖະ​ບານພິ​ຈາ​ນາໃຫ້​ທິດ​ຊີ້​ນຳໃນກາງປີ​ໜ້າ.

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao