ໃນຕອນເຊົ້າຂອງ ວັນທີ 09 ມີນາ 2021 ອົງການໄອຍະການປະຊາຊົນສູງສຸດ ໄດ້ໄຂກອງປະຊຸມສະຫລຸບວຽກງານໄອຍະການ ປະຈຳປີ 2020 ແລະ ວາງແຜນການເຄື່ອນໄຫວ ປະຈຳປີ 2021 ຂຶ້ນຢ່າງເປັນທາງການ; ໂດຍເປັນປະທານຂອງ ທ່ານ ຄຳສານ ສຸວົງ ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສຸງສຸດ, ມີບັນດາທ່ານຮອງຫົວໜ້າອົງການໄອຍະການປະຊາຊົນສູງສຸດ,  ອົງການໄອຍະການ ທະຫານຂັ້ນສູງ, ອົງການໄອຍະການປະຊາຊົນພາກ, ແຂວງ-ນະຄອນຫລວງວຽງຈັນ ແລະ ບັນດາກົມອ້ອມຂ້າງອົງການໄອຍະການປະຊາຊົນສູງສຸດ ເຂົ້າຮ່ວມທັງໝົດ 100 ກວ່າທ່ານ.

ກອງປະຊຸມໄດ້ດຳເນີນໄປໂດຍການສະຫລຸບຕີລາຄາຄືນການຈັດຕັ້ງປະຕິບັດວຽກງານໄອຍະການທົ່ວປະເທດໃນໜຶ່ງປີຜ່ານມາ, ໂດຍໄດ້ຊີ້ໃຫ້ເຫັນເຖິງຜົນງານດ້ານດີ, ດ້ານອ່ອນ ແລະ ຂໍ້ຄົງຄ້າງທີ່ຈະຕ້ອງໄດ້ປັບປຸງໃນຕໍ່ໜ້າ ເປັນຕົ້ນ ການຊີ້ນຳ-ນຳພາ ຂອງຄະນະພັກ, ຄະນະນຳແຕ່ລະຂັ້ນໃນການຕິດຕາມການຕິດຕາມກວດກາການຈັດຕັ້ງປະຕິບັດກົດໝາຍໃນທົ່ວສັງຄົມ ແລະ ການສັ່ງຟ້ອງຜູ້ຖືກຫາຕາມພາລະບົດບາດສິດ ແລະ ໜາ້ທີ່ຂອງອົງການໄອຍະການປະຊາຊົນ ຊຶ່ງສະແດງອອກໃນສະທິຕິຄະດີທີ່ສານທັງສາມຂັ້ນພິຈາລະນາຕັດສີນ ແລະ ພິພາກສາ ເອົາຕາມການຖະແຫຼງຂອງຫົວໜ້າອົງການໄອຍະການປະຊາຊົນສູງສຸດ ໂດຍສະເລ່ຍຂະດີອາຍາ 98,68% ລື່ນຄາດໝາຍທີ່ໄດ້ວາງໄວ້ 95%, ສຳລັບຄະດີແພ່ງຂັ້ນຕົ້ນ ສານຕັດສີນເອົາຕາມລື່ນຄາດໝາຍ 98,81%. ວຽກງານອະໄພຍະໂທດ ປີ 2020 ໄດ້ຄົ້ນຄ້ວາສະເໜີອະໄພຍະໂທດໃຫ້ແກ່ນັກໂທດທີ່ມີຄວາມກ້າວໜ້າໃນທົ່ວປະເທດ ເນື່ອງໃນໂອກາດວັນຊາດທີ 2 ທັນວາ ຄົບຮອບ 45 ປີ ຈຳນວນທັງໜົດ 1,791ຄົນ, ຍິງ 280 ຄົນ. ໃນນີ້ອະໄພຍະໂທດຜ່ອນໂທດ 1,761 ຄົນ, ຍິງ 277 ຄົນ ແລະ ອະໄພຍະໂທດປ່ອຍຕົວ 30 ຄົນ, ຍິງ 03 ຄົນ.

ເຖິງຢ່າງໃດກໍ່ຕາມອົງການໄອຍະການປະຊາຊົນສູງສຸດ ຍັງຈະໄດ້ສຸມໃສ່ປັບປຸງແກ້ໄຂບາງບັນຫາໃນການປະຕິບັດພາລະບົດບາດຂອງຕົນດັ່ງນີ້ : ໜຶ່ງ, ການຄົ້ນຄວ້າເຊື່ອມຊຶມແນວທາງນະໂຍບາຍຂອງພັກ, ກົດໝາຍຂອງລັດບໍ່ທັນເລິກເຊິ່ງ, ການຈັດຕັ້ງຜັນຂະຫຍາຍບໍ່ທັນການ ແລະ ຂາດຈຸດສຸມຈະແຈ້ງ ໃນການຈັດຕັ້ງປະຕິບັດຕົວຈິງ ສອງ, ກົງຈັກການຈັດຕັ້ງຂັ້ນຕ່າງໆ ເວົ້າລວມບໍ່ທັນເຂັ້ມແຂງໜັກແໜ້ນ, ຄຸນນະພາບຂອງຖັນແຖວບຸກຄະລາກອນຈໍານວນບໍ່ໜ້ອຍຍັງຈໍາກັດ ສາມ, ກົນໄກປະສານງານລະຫວ່າງ ສາຍຕັ້ງ-ສາຍຂວາງ ເປັນຕົ້ນແມ່ນລະຫວ່າງບັນດາອົງການດໍາເນີນຄະດີຕາມຂະບວນຍຸຕິທໍາບໍ່ທັນກົມກຽວ, ໂລ່ງລ່ຽນ, ວ່ອງໄວ ແລະ ເປັນເອກະພາບຕາມກົດໝາຍ ແລະ ສີ່, ຄວາມຮຽກຮ້ອງຕ້ອງການໜ້າທີ່ການເມືອງນັບມື້ນັບສູງ ແຕ່ຄວາມສາມາດການຕອບສະໜອງຍັງຈໍາກັດ ເປັນຕົ້ນທາງດ້ານງົບປະມານ, ພາຫະນະ, ອຸປະກອນຮັບໃຊ້ເຂົ້າໃນວຽກງານວິຊາສະເພາະ.

ກອງປະຊຸມຍັງໄດ້ພ້ອມກັນຄົ້ນຄວ້າ ແລະ ກຳນົດທິດທາງການເຄື່ອນໄຫວວຽກງານຂອງຕົນໃນໜຶ່ງປີຕໍ່ໜ້າ ໂດຍສຸມໃສ່ບາງດ້ານ ດ່ັງນີ້: ການຍົກສູງຄຸນນະພາບການຕິດຕາມກວດກາການເຄົາລົບ ແລະ ປະຕິບັດກົດໝາຍ ແລະ ການສັ່ງຟ້ອງຜູ້ຖືກຫາຂຶ້ນສານ ໄດ້ຮັບການຍົກລະດັບໂດຍບັນລຸ 95% ຂຶ້ນໄປ ຂອງການຄົ້ນຄວ້າແກ້ໄຂຄະດີ ແລະ ໃຫ້ບັນລຸ 95% ທີ່ສານຕັດສິນເອົາຕາມຄໍາຖະແຫຼງຂອງໄອຍະການ;   ກົງຈັກ​ການຈັດຕັ້ງຂອງອົງການໄອຍະການປະຊາຊົນ ແລະ ອົງການໄອຍະການທະຫານຂັ້ນຕ່າງໆ ໃຫ້ເຂັ້ມແຂງໜັກແໜ້ນ, ສາມາດປະຕິບັດພາລະບົດບາດ, ສິດ ແລະ ໜ້າທີ່ ມີປະສິດທິພາບສູງຂຶ້ນ; ຖັນແຖວພະນັກງານໄອຍະການປະຊາຊົນ ແລະ ໄອຍະການທະຫານທຸກລະດັບ ໄດ້ຮັບການພັດທະນາທັງທາງດ້ານຈໍານວນ ແລະ ຄຸນນະພາບເປັນກ້າວໆ ໂດຍຖືສໍາຄັນທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ ໄປຄຽງຄູ່ກັບຍົກລະດັບຄວາມຮູ້ຄວາມສາມາດດ້ານວິຊາສະເພາະ, ສາມາດເຮັດຫຼອດໜ້າທີ່ທີ່ມອບໝາຍ; ພື້ນຖານວັດຖຸເຕັກນິກທີ່ເປັນປັດໃຈສໍາຄັນ ຈະຕ້ອງໄດ້ຮັບການພັດທະນາ ແລະ

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao