ປະເທດ ແລະ ສາກົນມາພັດທະນາລະບົບກົດໝາຍຂອງຕົນຢ່າງໄດ້ຮັບຜົນດີ, ຊຶ່ງໃນກົດໝາຍດັ່ງກ່າວມີກົດໝາຍປົກຄອງຫຼາຍກວ່າ 96 ສະບັບກອງປະຊຸມປຶກສາຫາລືກ່ຽວກັບການສ້າງກົດໝາຍວ່າດ້ວຍການປົກຄອງ ໄດ້ໄຂຂື້້ນໃນວັນທີ 25 ຫາ 27 ມັງກອນ 2021, ທີ່ເມືອງວັງວຽງ, ແຂວງວຽງຈັນ ໂດຍພາຍໃຕ້ການເປັນປະທານ ທ່ານ ຄຳມູນ ວິພົງໄຊ  ຮອງລັດຖະມົນຕີກະຊວງພາຍໃນ ຊຶ່ງມີຄະນະຄົ້ນຄວ້າ, ກອງເລຂາເຂົ້າຮ່ວມ.

ການສ້າງກົດໝາຍສະບັບນີ້ ແມ່ນເພື່ອເປັນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ IX ຂອງພັກປະຊາຊົນປະຕິວັດລາວໃນຂົງເຂດຕ່າງໆໃຫ້ເປັນອັນລະອຽດ ໂດຍສະເພາະກ່ຽວກັບນະໂຍບາຍຂອງພັກໃນການ ສ້າງ ລາວ ເປັນລັດທີ່ປົກຄອງດ້ວຍກົດໝາຍຂອງປະຊາຊົນ, ໂດຍປະຊາຊົນເພື່ອຜົນປະໂຫຍດຂອງປະຊາຊົນ, ສ້າງຄວາມໝັ້ນຄົງໃຫ້ແກ່ລະບອບປະຊາທິປະໄຕປະຊາຊົນຂອງປະເທດເຮົາ ຕາມທິດກ້າວຂຶ້ນສູ່ຈຸດໝາຍສັງຄົມນິຍົມ.

ນັບແຕ່ປະ­ເທດຊາດໄດ້ຮັບການສະ­ຖາ­ປະ­ນາເປັນລະ­ບອບສາ­ທາ­ລະ­ນະລັດປະ­ຊາ­ທິ­ປະ­ໄຕປະຊາຊົນລາວ ຂຶ້ນໃນວັນທີ 2 ທັນ­ວາ 1975 ເປັນ­ຕົ້ນມາ, ພັກ ແລະ ລັດແຫ່ງ ສປປ ລາວ ກໍໄດ້ສຸມທຸກຄວາມພະ­ຍາ­ຍາມສ້າງ ສປປ ລາວ ໃຫ້ເປັນລັດທີ່ປົກຄອງດ້ວຍກົດໝາຍ ເທື່ອລະກ້າວໂດຍໄດ້ພັດທະນາກົດໝາຍ ເວົ້າລວມກົດໝາຍປົກຄອງ ເວົ້າສະເພາະຢ່າງເປັນລະບົບ, ເປັນຫຼັກການຮັບປະກັນໃຫ້ການປົກຄອງລັດ, ຄຸ້ມຄອງສັງຄົມດ້ວຍກົດໝາຍຢູ່ປະເທດເຮົາຢ່າງສັກສິດ, ຊຶ່ງມາຮອດປັດຈຸບັນ ລາວ ໄດ້ຮັບຮອງເອົາກົດໝາຍຫຼາຍກວ່າ 152 ສະບັບ, ໂດຍອີງໃສ່ສະພາບຈຸດພິເສດທາງດ້ານສັງຄົມຂອງປະເທດຊາດ, ໜ້າທີ່ການເມືອງຂອງການປະຕິວັດໃນໄລຍະໃໝ່ ແລະ ບົດຮຽນຈາກພຶດຕິກຳ ຂອງການຄຸ້ມຄອງລັດໃນແຕ່ລະໄລຍະ, ກໍຄືການເລືອກເຟັ້ນເອົາບົດຮຽນທີ່ດີ, ສອດຄ່ອງຂອງຕ່າງສ່ວນທີ່ເຫຼືອນັ້ນແມ່ນກົດໝາຍພາກລັດ ແລະ ກົດໝາຍເອກະຊົນ, ເຊິ່ງໄດ້ເປັນພື້ນຖານອັນສຳຄັນໃຫ້­ການປົກ ຄອງລັດຄຸ້ມຄອງສັງຄົມ, ດ້ວຍກົດໝາຍໃນຂັ້ນສູນກາງ  ແລະ ທ້ອງຖິ່ນເປັນລະບົບລະບຽບຖືກຕ້ອງຕາມກົດໝາຍ, ເຮັດໃຫ້ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ ໂດຍພື້ນຖານ, ເສດຖະກິດມີການຂະຫຍາຍ ຕົວຕໍ່ເນື່ອງ, ການແກ້ໄຂຂໍ້ຂັດແຍ່ງຮັບປະກັນໄດ້ຄວາມຖືກຕ້ອງເປັນທຳ ຫຼາຍຂຶ້ນເປັນກ້າວໆ

ຜ່ານພຶດຕິກຳຕົວຈິງໃນການພັດທະນາລະບົບກົດໝາຍ, ກົດໝາຍປົກຄອງຂອງ ສປປ ລາວມາຮອດປັດຈຸບັນ ເຫັນວ່າໄດ້ມີດ້ານດີພົ້ນເດັ່ນຄື ໄດ້ມີກົດໝາຍວ່າດ້ວຍການສ້າງນິຕິກຳທີ່ກຳນົດລະບຽບການ,ຂັ້ນຕອນ ແລະ ວິທີການສ້າງກົດໝາຍ ເປັນບ່ອນອີງພື້ນຖານໃຫ້ແກ່ວຽກງານສ້າງກົດໝາຍຢ່າງເປັນລະບົບຕໍ່ເນື່ອງ; ໄດ້ມີແຜນການສ້າງກົດໝາຍໃນແຕ່ລະໄລຍະ; ມີການປະສານສົມທົບລະຫວ່າງພາກສ່ວນທີ່ກ່ຽວຂ້ອງພ້ອມທັງສ້າງເງື່ອນໄຂຂອງການມີສ່ວນຮ່ວມຂອງປະຊາຊົນໄດ້ດີ, ໂດຍພື້ນຖານການພິຈາລະນາຮ່າງກົດໝາຍແຕ່ລະສະບັບໄດ້ຜ່ານກອງປະຊຸມລັດຖະ ບານ ແລະ ສະພາແຫ່ງຊາດ ໂດຍຮັບປະກັນຫຼັກການປະຊາທິປະໄຕ ແລະ ນັບມື້ມີປະສິດທິຜົນສູງຂຶ້ນ; ບັນດາກົດໝາຍ ທີ່ໄດ້ສ້າງຂຶ້ນ ໂດຍລວມແລ້ວ ມີຄວາມສອດຄ່ອງກັບສະພາວະຄວາມເປັນຈິງທາງດ້ານເສດຖະກິດສັງຄົມຂອງຊາດ, ເປັນເຄື່ອງມືທີ່ດີໃນການຄຸ້ມຄອງລັດ, ຄຸ້ມຄອງສັງຄົມ, ປົກປ້ອງຜົນປະໂຫຍດຂອງລັດ, ລວມໝູ່, ປົກປ້ອງ ເສີມຂະຫຍາຍສິດ ແລະ ຜົນປະໂຫຍດອັນຊອບທຳຂອງພົນລະເມືອງ, ພ້ອມທັງຮັບປະກັນການເສີມຂະຫຍາຍສາຍພົວ ພັນຮ່ວມມືກັບບັນດາປະເທດໃນພາກພື້ນສາກົນນັບມື້ນັບກວ້າງຂວາງ ແລະ ແໜ້ນແຟ້ນ; ບັນດາກົດໝາຍທີ່ໄດ້ປະ ກາດໃຊ້ໄດ້ຖືກນຳໃຊ້ຢ່າງກວ້າງຂວາງເຂົ້າສູ່ຊີວິດຕົວຈິງຂອງສັງຄົມ, ຄວາມຮັບຮູ້ເຂົ້າໃຈກ່ຽວກັບການປົກຄອງລັດ, ຄຸ້ມຄອງສັງຄົມດ້ວຍກົດໝາຍ ແລະ ການສ້າງແບບແຜນວິທີເຮັດວຽກ ຕາມກົດໝາຍຂອງລະບົບການເມືອງຂັ້ນຕ່າງໆນັບມື້ນັບດີຂຶ້ນ, ສະຕິເຄົາລົບ ແລະ ປະຕິບັດກົດໝາຍທົ່ວສັງຄົມ ໄດ້ຮັບການເຊີດຊູສູງຂຶ້ນຢ່າງບໍ່ຢຸດຢັ້ງ.

ເຖິງວ່າພວກເຮົາໄດ້ມີຄວາມພະຍາຍາມພັດທະນາກົດໝາຍຢ່າງຕັ້ງໜ້າກໍຕາມແຕ່ເຫັນວ່າຍັງມີຫຼາຍອັນທີ່ຈະ ຕ້ອງໄດ້ປັບປຸງ ແລະ ແກ້ໄຂເປັນຕົ້ນການນຳໃຊ້ກົດໝາຍເຂົ້າສູ່ຊີວິດຕົວຈິງຂອງສັງຄົມຍັງບໍ່ທັນເຮັດໄດ້ຢ່າງເລິກເຊິ່ງ ກວ້າງຂວາງ, ການເປັນເຈົ້າການປະຕິບັດກົດໝາຍຂອງຂະແໜງການຍັງບໍ່ທັນເຂັ້ມງວດ ແລະ ສັກສິດເທົ່າທີ່ຄວນ, ສະຕິເຄົາລົບກົດໝາຍຂອງສັງຄົມຍັງບໍ່ທັນສູງ, ການນຳໃຊ້ກົດໝາຍປົນເປກັນລະຫວ່າງກົດໝາຍແພ່ງ, ກົດໝາຍປົກຄອງ, ກົດໝາຍອາຍາ; ປາກົດ ການລະເມີດກົດໝາຍຂອງພະນັກງານ, ລັດຖະກອນ, ປະຊາຊົນເຮົາຍັງມີຢ່າງແຜ່ຫຼາຍ. ທັງໝົດນັ້ນມີຫຼາຍສາເຫດໃນຕົວ ແລະ ນອກຕົວ ແຕ່ສາເຫດຕົ້ນຕໍນັ້ນ ແມ່ນ ລາວ ຍັງບໍ່ທັນມີກົດໝາຍວ່າດ້ວຍການປົກຄອງທີ່ເປັນພື້ນຖານໃຫ້ແກ່ການເຄື່ອນໄຫວປົກຄອງຂອງອົງການປົກຄອງແຕ່ຂັ້ນສູນກາງລົງຮອດທ້ອງຖິ່ນຢ່າງມີປະສິດທິຜົນ.

ດ້ວຍເຫດນີ້, ຈຶ່ງມີຄວາມຈຳເປັນໃນການສ້າງກົດໝາຍວ່າດ້ວຍການປົກຄອງສະບັບນີ້ ດ້ວຍຈຳເປັນດັ່ງກ່າວ ແລະ ໂດຍປະຕິບັດຕາມກົດໝາຍວ່າດ້ວຍການສ້າງນິຕິກຳ ແລະ ແຈ້ງການຂອງຫ້ອງວ່າການສໍານັກງານນາຍົກລັດຖະ ມົນຕີກ່ຽວກັບການສ້າງກົດໝາຍວ່າດ້ວຍການປົກຄອງ ເຊິ່ງເປັນກົດໝາຍໜຶ່ງທີ່ປະກອບສ່ວນສຳຄັນເຂົ້າໃນການສ້າງ ລັດທີ່ປົກຄອງດ້ວຍກົດໝາຍຂອງປະເທດເຮົາ; ກະຊວງພາຍໃນຈຶ່ງໄດ້ເຮັດໜັງສືສະເໜີກ່ຽວກັບເຫດຜົນ ແລະ ຄວາມຈໍາເປັນໃນການຄົ້ນຄວ້າ, ສ້າງກົດໝາຍດັ່ງກ່າວເພື່ອພິຈາລະນາເອົາເຂົ້າແຜນການສ້າງ ແລະ ປັບປຸງກົດໝາຍຫ້າປີຂອງລັດຖະບານ ແລະ ສະພາແຫ່ງຊາດໃນເດືອນສິງຫາ ປີ 2020.

ກົດໝາຍສະບັບນີ້ ເປັນກົດໝາຍພື້ນຖານກ່ຽວກັບການປົກຄອງ ຊຶ່ງເຊື່ອໝັ້ນວ່າເມື່ອສ້າງສຳເລັດແລ້ວ ກໍຈະເປັນເຄື່ອງມືອັນສໍາຄັນໃນການປົກຄອງລັດ-ຄຸ້ມຄອງສັງຄົມຢ່າງສັກສິດ, ເປັນລະບົບກົມກຽວ, ລວມສູນຖືກຕ້ອງ, ມີປະສິດທິພາບ ແລະ ມີຄວາມເປັນເອກະພາບ, ເສດຖະກິດປະເທດເຮົາຂະຫຍາຍຕົວຕໍ່ເນື່ອງ, ສັງຄົມມີຄວາມເປັນລະ ບຽບຮຽບຮ້ອຍ, ຍຸຕິທຳ ແລະ ສີວິໄລ.

 

 

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao