ໃນຕອນເຊົ້້າຂອງວັນທີ 15 ມິຖຸນາ 2021 ທີ່ຫ້ອງຮັບແຂກອົງການໄອຍະການປະຊາຊົນສູງສຸດ ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ໄດ້ຕ້ອນຮັບທ່ານ ເຈດສະດາ ກະຕະເວທິນ, ເອກອັກຄະຣາຊະທູດໄທ ປະຈຳ ສປປ ລາວ

ຄົນໃໝ່ເຂົ້າຢ້ຽມຄຳນັບ ໂດຍມີພະນັກງານສອງຝ່າຍເຂົ້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ໄດ້ສະແດງຄວາມຕ້ອນຮັບອັນອົບອຸ່ນ ແລະ ຄວາມຊົມເຊີຍ ທີ່ ທ່ານ ເຈດສະດາ ກະຕະເວທິນ ທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງ ເປັນທ່ານເອກອັກຄະຣາຊະທູດໄທ ປະຈຳ ສປປ ລາວ ຄົນໃໝ່ແລະ ເຊື່ອໝັ້ນຢ່າງຍິ່ງວ່າ ໃນວາລະທີ່ທ່ານດຳລົງຕຳແໜ່ງເປັນທ່ານ ເອກອັກຄະຣາຊະທູດໄທ ປະຈຳ ສປປ ລາວ ຄົນໃໝ່ນີ້ ການພົວພັນຮ່ວມມື ລະຫວ່າງ ສປປ ລາວ ກັບ ຣາຊະອານາຈັກໄທ  ເວົ້າລວມ, ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ກັບ ອົງການໄອຍະການສູງສຸດ ແຫ່ງ ຣາຊະອານາຈັກໄທ ເວົ້າສະເພາະ ຈະໄດ້ຮັບການເສີມຂະຫຍາຍເຂົ້າສູ່ລວງເລີກ ຢ່າງບໍ່ຢຸດຢັ້ງ. ສອງຝ່າຍ ຕີລາຄາສູງ ຜົນສຳເລັດຂອງການຮ່ວມມື ລະຫວ່າງ ສປປ ລາວ ແລະ ຣາຊະອານາຈັກໄທ ໃນໄລຍະຜ່ານມາ ເວົ້າລວມ, ການຮ່ວມມື ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ອົງການໄອຍະການສູງສຸດ ແຫ່ງ ຣາຊະອານາຈັກໄທ ນັບແຕ່ປີ 2002 ເປັນຕົ້ນມາ ເວົ້າສະເພາະ ໂດຍໄດ້ແລກປ່ຽນຄະນະຜູ້ແທນ, ໄປມາຢ້ຽມຢາມ, ແລກປ່ຽນບົດຮຽນວຽກງານໄອຍະການ ຊຶ່ງກັນ ແລະ ກັນ ໂດຍດີຕະຫຼອດມາ. ອັນໄດ້ເຮັດໃຫ້ວຽກງານໄອຍະການຂອງ ສປປ ລາວ ໄດ້ຮັບການພັດທະນາດີຂຶ້ນເປັນກ້າວໆ, ຮັບປະກັນການປະຕິບັດໜ້າທີ່ວຽກງານໄອຍະການໃຫ້ມີປະສິດທິພາບສູງ ແນໃສ່ປົກປ້ອງຜົນປະໂຫຍດຂອງລັດ, ສັງຄົມ, ສິດ ແລະ ຜົນປະໂຫຍດອັນຊອບທຳຂອງພົນລະເມືອງ, ເຮັດໃຫ້ສັງຄົມມີຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ເພີ່ມທະວີນິຕິທຳ, ປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດ ຢ່າງບໍ່ຢຸດຢັ້ງ.

ນ ສຸກພາວະດີ

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao