ຄືດັ່ງທີ່ພວກເຮົາຮູ້ນໍາກັນແລ້ວວ່າ ໃນທົ່ວໂລກການລະບາດຂອງພະຍາດໂຄວິດ-19 ນັບມືນັບເພີ່ມຂຶ້ນ ຜູ້ຄົນທີ່ຕິດເຊື້ອມີຈໍານວນເພີ່ມຂຶ້ນຢ່າງບໍ່ລົດລະ, ສໍາລັບຢູ່ ສປປ ລາວ ຂອງພວກເຮົາ ໂດຍສະເພາະຢູ່ນະຄອນຄອນຫຼວງວຽງຈັນ ຕາມຖະແຫຼງຂ່າວຂອງຄະນະສະເພາະກິດລະດັບຊາດ ກໍເຫັນວ່າໄດ້ມີຜູ້ຕິດເຊື້ອພະຍາດດັ່ງກ່າວ.

ສະນັ້ນ, ດ້ວຍຄວາມເປັນຫ່ວງເປັນໃຍຂອງພັກ ແລະ ລັດຖະບານ ກໍຄືກະຊວງສາທາລະນະສຸກ ແລະ ຄວາມເອົາໃຈໃສ່ຢ່າງຕັ້ງໜ້າຂອງຄະນະພັກ-ຄະນະນໍາ ອົງການໄອຍະການປະຊາຊົນສູງສຸດ ຕໍ່ສຸຂະພາບຂອງພະນັກງານ-ລັດຖະກອນ ທັງປະຈໍາການ ແລະ ອອກພັກຜ່ອນຮັບອຸດໜູນບໍານານ ຕະຫຼອດຮອດຄອບຄົວຍາດພີ່ນ້ອງຂອງບັນດາທ່ານ ໂດຍສະເພາະການສ້າງພູມຕ້ານທານຕໍ່ການລະບາດຂອງພະຍາດໂຄວິດ-19, ທັງເປັນການຍົກລະດັບມາດຕະການປ້ອງກັນການລະບາດຂອງພະຍາດໂຄວິດ-19 ຕາມຄໍາສັ່ງຂອງນາຍົກລັດຖະມົນ ຕີ.

ເພື່ອຜັນຂະຫຍາຍຄໍາສັ່ງຂອງນາຍົກລັດຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021 ອົງການໄອຍະການປະຊາຊົນສູງສຸດ ໄດ້ແຕ່ງຕັ້ງຄະນະຮັບຜິດຊອບ ເພື່ອເຝົ້າລະວັງ ແລະ ປ້ອງກັນການລະບາດຂອງພະຍາດດັ່ງກ່າວ, ແຕ່ງຕັ້ງຄະນະຮັບຜິດຊອບກວດກາ, ເຂັ້ມງວດໃນການເຂົ້າ-ອອກບໍລິເວນສໍານັກງານອົງການໄອຍະການປະຊາຊົນສູງສຸດ, ຈັດແບ່ງພະນັກງານ-ລັດຖະກອນ ປະຈໍາການແກ້ໄຂວຽກງານ ເພື່ອຮັກສາໄລຍະຫ່າງຕາມຄໍາແນະນໍາຂອງຄະນະສະເພາະກິດລະດັບຊາດ ກ່ຽວກັບການປ້ອງກັນການລະບາດຂອງພະຍາດໂຄວິດ-19. ສິ່ງສໍາຄັນແມ່ນເປີດຂະບວນການຊັກວັກຊີນໃຫ້ຄະນະພັກ-ຄະນະນໍາ, ພະນັກງານອາວຸໂສບໍານານ, ພະນັກງານ-ລັດຖະກອນ ຕະຫຼອດນອດສະມາຊິກໃນຄອບຄົວ ເພື່ອປ້ອງກັນພະຍາດໂຄວິດ-19, ຊຶ່ງໄດຈັດຂຶ້ນໃນວັນທີ 25 ເມສາ 2021. ໂດຍ ສະຫາຍ ໄຊຊະນະ ໂຄດພູທອນ ກໍາມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ ເປັນຜູ້ນໍາພາຊັກວັກຊີນ ແລະ ການເຂົ້າຮ່ວມຂອງ ສະຫາຍ ປອ ດຣ ບຸນແຝງ ພູມມະໄລສິດ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງສາທາລະນະສຸກ. ພ້ອມນັ້ ກໍໄດ້ມີບັນດາສະຫາຍຄະນະພັກ-ຄະນະນໍາ, ພະນັກງານອາວຸໂສບໍານານ, ຄະນະນໍາບັນດາກົມ, ພະນັກງານ-ລັດຖະກອນ ຫ້ອງການ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ ຕະຫຼອດຮອດສະມາຊິກໃນຄອບຄົວຂອງເຂົ້າຊັກວັກຊີນເກືອບ 400 ທ່ານ.
ຂະບວນການຊັກວັກຊີນດັ່ງກ່າວ ດໍາເນີນໄປເປັນເວລາໜຶ່ງວັນ ແລະ ສໍາເລັດລົງຢ່າງຈົບງາມ.

ນ ສຸກພາວະດີ

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao