ໃນຕອນເຊົ້າຂອງວັນທີ 30 ມິ​ຖຸ​ນາ 2021 ທີ່ຫ້ອງຮັບແຂກອົງການໄອຍະການປະຊາຊົນສູງສຸດ ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ໄດ້ຕ້ອນຮັບ ທ່ານ ປີເຕີ ເຮມ້ອນ (Dr. Peter M. HAYMOND), ເອກອັກຄະລັດ​ຖະ​ທູດ ແຫ່ງ ສະຫະລັດ ອາເມລິກາ ປະຈຳ ສປປ ລາວ ເຂົ້າຢ້ຽມຂໍານັບ ໂດຍມີພະນັກງານສອງຝ່າຍເຂົ້າຮ່ວມຢ່າງພ້ອມພຽງ.ໃນໂອກາດດັ່ງກ່າວ ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ໄດ້ສະແດງຄວາມຕ້ອນຮັບອັນອົບອຸ່ນ ແລະ ຄວາມຊົມເຊີຍ ທີ່ ທ່ານ ປີເຕີ ເຮມ້ອນ Dr. Peter M. HAYMOND, ເອກອັກຄະລັດ​ຖະ​ທູດ ແຫ່ງ ສະຫະລັດ ອາເມລິກາ ປະຈຳ ສປປ ລາວ ໄດ້ຮັບການແຕ່ງຕັ້ງໃຫ້ດໍາລົງຕຳແໜ່ງ ເປັນເອກອັກຄະລັດ​ຖະ​ທູດ ສະຫະລັດ ອາເມລິກາ ປະຈຳ ສປປ ລາວ ແລະ ເຊື່ອໝັ້ນຢ່າງຍິ່ງວ່າ ໃນວາລະທີ່ທ່ານດຳລົງຕຳແໜ່ງເປັນທ່ານ ເອກອັກຄະ​ລັດ​ຖະ​ທູດ ປະຈຳ ສປປ ລາວ ນີ້ ການພົວພັນຮ່ວມມື ລະຫວ່າງ ສປປ ລາວ ກັບ ສະຫະລັດ ອາເມລິກາ ເວົ້າລວມ, ລະຫວ່າງ ອົງການໄອຍະການປະຊາຊົນ ແຫ່ງ ສປປ ລາວ ກັບ ສະຖານເອກອັກຄະລັດ​ຖະ​ທູດ ແຫ່ງ ສະຫະລັດ ອາ ເມລິກາ ປະຈຳ ສປປ ລາວ ເວົ້າສະເພາະ ຈະໄດ້ຮັບການເສີມຂະຫຍາຍເຂົ້າສູ່ລວງເລີກຢ່າງບໍ່ຢຸດຢັ້ງ. ສອງຝ່າຍ ຕີລາຄາສູງ ຜົນສຳເລັດຂອງການຮ່ວມມື ລະຫວ່າງ ສປປ ລາວ ແລະ ສະຫະລັດ ອາເມລິກາ ໃນ​ໄລຍະຜ່ານມາ ເວົ້າລວມ, ການຮ່ວມມື ລະຫວ່າງ ອົງການໄອຍະການປະຊາຊົນ ແຫ່ງ ສປປ ລາວ ແລະ ສະຖານເອກອັກຄະລັດ​ຖະ​ທູດ ແຫ່ງ ສະຫະລັດ ອາເມລິກາ ປະຈຳ ສປປ ລາວ ເວົ້າສະເພາະ ໂດຍໄດ້ຮັບການຊ່ວຍເຫຼືອໃນການສ້າງຄວາມເຂັ້ມແຂງທາງດ້ານວິຊາການ ໃຫ້ແກ່ອົງການ ໄອຍະການປະຊາຊົນ ຂອງ ສປປ ລາວ ເປັນຢ່າງດີ ອັນໄດ້ເຮັດໃຫ້ວຽກງານໄອຍະການປະຊາຊົນຂອງ ສປປ ລາວ ໄດ້ຮັບການພັດທະນາດີຂຶ້ນເປັນກ້າວໆ, ຮັບປະກັນການປະຕິບັດໜ້າທີ່ວຽກງານໄອຍະການໃຫ້ມີປະສິດທິພາບສູງ ແນໃສ່ປົກປ້ອງຜົນປະໂຫຍດຂອງລັດ, ສັງຄົມ, ສິດ ແລະ ຜົນປະໂຫຍດອັນຊອບທຳຂອງພົນລະເມືອງ, ເຮັດໃຫ້ສັງຄົມມີຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ເພີ່ມທະວີນິຕິທຳ, ປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດ ຢ່າງບໍ່ຢຸດຢັ້ງ.ນັກຂ່າວ ອອປສ

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao