ໃນຕອນບ່າຍ ຂອງວັນທີ່ 29 ມິຖຸນາ 2021 ທີ່ຜ່ານມາ, ໄດ້ຈັດພິທີເປີດຊຸດຝຶກອົບຮົມວິຊາຊີບຄູໄລຍະສັ້ນ 3 ວັນ ໃຫ້ແກ່ພະນັກງານອົງການໄອຍະການສຸງສູດ, ຢູທີ່ທ່າລາດ, ແຂວງວຽງຈັນ.ເຊິ່ງໃນພິທີທີ່ມີຄວາມໝາຍສຳຄັນດັ່ງກ່າວ, ເປັນກຽດປະທານຂອງ ທ່ານ ນາງ ພອນເພັດ ອຸ່ນແກ້ວ ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ມີບັນດາຄະນະຮັບຜິດຊອບ ແລະ ບັນດານັກຝຶກອົບຮົມ ເຂົ້າຮ່ວມຕາມຂໍ້ຕົກລົງຂອງທ່ານຫົວໜ້າອົງການໄອຍະການປະຊາຊົນສູງສຸດ ສະບັບເລກທີ208/ອອປສ, ລົງວັນທີ 08/04/2021, ວ່າດ້ວຍການອະນຸມັດໃຫ້ໄຂຊຸດຝຶກອົບຮົມ ໃນຄັ້ງນີ້ຍັງໄດ້ຮັບຟັງການຜ່ານກ່ຽວກັບເນື້ອໃນແຜນການ ແລະ ກົດລະບຽບຂອງຊຸດຝຶກອົບຮົມ, ຈະໄດ້ດຳເນີນເປັນເວລາທັງໝົດ 03 ວັນ ໂດຍເລີ່ມແຕ່ວັນທີ 29 ມິຖຸນາ  ຫາ 02 ກໍລະກົດ 2021,ໃນນັ້ນໄດ້ນຳໃຊ້ເຂົ້າໃນການສິດສອນມີທັງໝົດ 03 ວິຊາຫລັກຄື: ວິຊາ ຈິດຕະວິທະຍາ ແລະ ການທົດສອບ, ວິຊາ ຈິດຕະວິທະຍາ ແລະ ການສຶກສາ, ວິຊາ ສຶກສາສາດ ແລະ ປະສົບການວິຊາຄູ.

ໃນຕອນທ້າຍ ທ່ານ ນາງ ພອນເພັດ ອຸ່ນແກ້ວ ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການໄດ້ໃຫ້ກຽດຂຶ້້ນກ່າວເປີດພິທີຝຶກອົບຮົມ ແລະ ມີຄຳເຫັນໂອລົມຕໍ່ພິທີ, ຊຶ່ງທ່ານໄດ້ຍົກໃຫ້ເຫັນຄວາມສໍາຄັນຂອງວຽກງານການຝຶກອົບຮົມ, ມີຄວາມຈໍາເປັນພາວະວິໄສສໍາລັບພະນັກງານ , ພ້ອມກັນນີ້; ທ່ານຍັງໄດ້ຮຽກຮ້ອງມາຍັງຄະນະຮັບຜິດຊອບ, ຕະຫຼອດເຖິງບັນດານັກສຳມະນາຝຶກອົບຮົມທຸກຄົນ ໃຫ້ເອົາໃຈ ໃສ່ປະຕິບັດລະບຽບຂອງຊຸດຝຶກອົບຮົມໃນຄັ້ງນີ້ໃຫ້ເຂັ້ມງວດ, ຕັດສິນໃຈຜ່ານຜ່າ, ເອົາໃຈໃສ່ໃນການຄົ້ນ ຄວ້າຮໍ່າຮຽນໃຫ້ດີ, ຈະໄດ້ຍົກລະດັບຄວາມຮູ້ພື້ນຖານທາງດ້ານວິຊາຊີບຄູ ແລະ ນໍາເອົາບົດຮຽນໃນຄັ້ງນີ້ໄປຈັດຕັ້ງປະຕິບັດໝູນໃຊ້ເຂົ້າໃນວຽກງານຂອງຕົນໃຫ້ມີປະສິດທິພາບ ແລະ ໃຫ້ມີໝາກຜົນສໍາເລັດ.

(ນັກຂ່າວ ອອປສ ນ ສຸກພາວະດີ)

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao