ພິທີປະກາດການຈັດຕັ້ງ​ ອົງການໄອຍະການປະຊາຊົນພາກກາງໄດ້ຈັດຂຶ້ນໃນ ວັນທີ 1 ກໍລະກົດ 2021 ທີ່ອົງການໄອຍະການປະຊາຊົນພາກກາງ ໂດຍການເຂົ້າຮ່ວມເປັນປະທານຂອງ ທ່ານ ບຸນຍັງ ຈັນດາລະສານ  ຄະນະປະຈຳພັກ, ປະທານກວດກາພັກ, ຮອງຫົວໜ້າ ອົງການໄອຍະການປະຊາຊົນສູງສຸດ, ມີພະນັກງານຫຼັກແຫຼ່ງ ອົງການໄອຍະການປະຊາຊົນພາກກາງ ເຂົ້າຮ່ວມ.

        ໃນພິທີດັ່ງກ່າວ, ທ່ານ ຄໍານູທອນ ສູນວິເລີດ ຮອງຫົວໜ້າກົມຈັດຕັ້ງ-ພະນັກງານໄດ້ຜ່ານບັນດາຂໍ້ຕົກລົງວ່າດ້ວຍການຍົກຍ້າຍ ແລະ ແຕ່ງຕັ້ງວ່າດ້ວຍການແຕ່ງຕັ້ງ ທ່ານ ຈັນທີ ໂປລີວັນ ເປັນຫົວໜ້າອົງການໄອຍະການ ປະຊາຊົນພາກກາງ; ແຕ່ງ​ຕັ້ງ ທ່ານ ນາງ ບຸນໄທ ປັນແກ້ວ ຫົວໜ້າກົມຈັດຕັ້ງ-ພະນັກງານ ອົງການໄອຍະການປະຊາຊົນສູງສຸດ ເປັນ ຮອງຫົວໜ້າອົງການໄອຍະການປະຊາຊົນພາກກາງ ແລະ ຊີ້ນໍາວຽກງານຫ້ອງການ, ຈັດຕັ້ງ-ພະນັກງານ ແລະ ວຽກງານການເງິນ ອົງການໄອຍະການປະຊາຊົນພາກກາງ; ແຕ່ງ​ຕັ້ງ ທ່ານ ພູວຽງ ວົງໄຊ ຮອງຫົວໜ້າກົມກວດກາ ເປັນ ຮອງຫົວໜ້າອົງການໄອຍະການປະຊາຊົນພາກກາງ ແລະ ຊີ້ນຳພະແນກຕິດຕາມກວດກາການດຳເນີນຄະດີແພ່ງ; ​ແຕ່ງ​ຕັ້ງ ທ່ານ ຄຳແກ່ນ ສີຊົມພູ  ຫົວໜ້າ ອົງການໄອຍະການປະຊາຊົນເຂດ 4  ເປັນຫົວໜ້າຫ້ອງການອົງການໄອຍະການປະຊາຊົນພາກກາງ; ​ແຕ່ງ​ຕັ້ງ ທ່ານ ຂັນທະວີ ວິໄລສັກ ຮອງຫົວໜ້າອົງການໄອຍະການປະຊາຊົນພາກກາງ ເປັນຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ ;

ໃນໂອກາດນີ້, ທ່ານ ບຸນຍັງ ຈັນດາລະສານ  ຄະນະປະຈຳພັກ, ປະທານກວດກາພັກ, ຮອງຫົວໜ້າ ອົງການໄອຍະການປະຊາຊົນສູງສຸດຜູ້ຊີ້ນຳ ອົງການໄອຍະການປະຊາຊົນພາກກາງ ໄດ້ໃຫ້ກຽດໂອ້ລົມຕໍ່ພິທີດັ່ງກ່າວວ່າ: ການປັບປຸງກົງຈັກການຈັດຕັ້ງໃນຄັ້ງນີ້, ແມ່ນບາດລ້ຽວທີ່ສຳຄັນໃນດ້ານການຈັດຕັ້ງໄດ້ມີການຄົ້ນຄວ້າຈາກຄະນະນຳຂັ້ນສູງ, ດ້ານສະພາບແນວຄິດຂອງພະນັກງານ, ດ້ານຄວາມສາມັກຄີ, ດ້ານວິຊາສະເພາະ ແລະ ດ້ານແບບແຜນວິທີເຮັດວຽກ ແລະ ວິທີນຳພາ ພ້ອມເນັ້ນໜັກໃຫ້ບັນດາທ່ານທີ່ຖືກແຕ່ງຕັ້ງໜ້າທີ່ໃໝ່ ຈົ່ງເອົາໃຈໃສ່ຍົກສູງຄວາມຮັບຜິດຊອບຂອງຕົນໃນການຊີ້ນໍາ-ນໍາພາການຈັດຕັ້ງທີ່ໄດ້ຮັບມອບໝາຍຈາກຂັ້ນເທິງ, ມີແບບແຜນວິທີເຮັດວຽກ ລວມສູນປະຊາທິປະໄຕ ເປັນໝູ່ຄະນະ, ຕິດພັນກັບການສຶກສາອົບຮົມ ການເມືອງ-ແນວຄິດໃຫ້ສະມາຊິກ, ພະ ນັກງານ-ລັດຖະກອນ ໃນການປະຕິບັດຂໍ້ກຳນົດ, ກົດລະບຽບລັດຖະກອນໃຫ້ເຂັ້ມງວດ ແລະ ການຈັດຕັ້ງປະຕິ ບັດວິຊາສະເພາະໃຫ້ມີຜົນສໍາເລັດດີຂຶ້ນເປັນກ້າວໆ.

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao