ໃນໂອກາດດັ່ງກ່າວທ່ານ ບຸນທັນ ບຸນທະວິໄລ, ຮອງຫົວໜ້າ ອົງການໄອຍະການປະຊາຊົນສູງສຸດ ໄດ້ສະແດງ​ຄວາມຊົມເຊີຍທີ່ກະຊວງຍຸຕິທໍາ, ປະເທດຢີ່ປຸນ ໄດ້ມີແຜ່ນການຈັດກອງປະຊຸມ ກ່ຽວກັບການບໍລິຫານຄວາມຍຸຕິທໍາທາງ ອາຍາ ໃນຂົງເຂດ ອາຊີ-ປາຊີຟິກ ເຊິ່ງເຫັນວ່າມີຄວາມສໍາຄັນ ແລະ ມີຜົນປະໂຫຍດຫຼາຍໃຫ້ແກ່ອົງການໄອຍະການປະຊາຊົນ ແລະ ພາກສ່ວນທີ່ກ່ຽວຂ້ອງ ເວົ້າລວມ ການຍົກລະດັບຄວາມຮູ້ຂອງພະນັກງານໄອຍະການປະຊາຊົນ ກ່ຽວກັບການບໍລິຫານຄວາມ ຍຸຕິທຳທາງອາຍາ ຢູ່ ສປປ ລາວ  ເວົ້າສະເພາະ ເປັນຢ່າງດີ. ພ້ອມກັນນັ້ນ ກໍເຫັນວ່າ ໃນໄລຍະຜ່ານມາ ລັດຖະບານ ຢີ່ປຸນ ກໍໄດ້ໃຫ້ການຊ່ວຍເຫຼືອ ສປປ ລາວ ທາງ​ດ້ານງົບປະມານ, ການສົ່ງສາດສະດາຈານ, ຜູ້ຊ່ຽວຊານ, ພະນັກງານວິຊາການ, ຜູ້ຊ່ຽວຊານ ມາປະຈໍາຢູ່ ສ​ປ​ປ ລາວ; ສ້າງປະມວນກົດໝາຍແພ່ງ ສະບັບປະຫວັດສາດຂອງຊາດລາວເຮົາ, ​ປື້​ມຄູ່​ມືໃນຂົງເຂດກົດໝາຍແພ່ງ, ການຄ້າ, ເສດຖະກິດ, ແຮງງານ, ກົດໝາຍອາຍາ, ການດໍາເນີນຄະດີແພ່ງ, ການດໍາເນີນຄະດີອາຍາ, ​​ການ​ສືບສວນ-ສອບ​ສວນ, ​ພັດທະນາ​ຫຼັກສູດ​ການ​ສຶກສາ, ການ​ຝຶກ​ອົບຮົມ​ກົດໝາຍ​ ຂອງ ສ​ປປ ລາວ ພ້ອມທັງໄດ້ເອົາປື້ມທີ່ຂຽນສໍາເລັດ ລົງໄປເຜີຍແຜ່, ຝຶກອົບຮົມໃຫ້ພະນັກງານທີ່ກ່ຽວຂ້ອງ​ໃນ​ຂອບ​ເຂດ​ທົ່ວ​ປະ​ເທດ ຢ່າງ​ໄດ້​ຮັບ​ຜົນ​ດີ​ ຊຶ່ງ​ໄດ້​ປະ​ກອບ​ສ່ວນ​ຢ່າງ​ຕັ້ງ​ໜ້າ​ເຂົ້າ​ພັດ​ທະ​ນາ​ຊັບພະຍາກອນມະນຸດ, ວຽກ​ງານ​ໄອ​ຍະ​ການ​ປະ​ຊາ​ຊົນ, ຂະ​ແໜງ​ການ​ຍຸ​ຕິ​ທຳ ແລະ ການ​ສ້າງ​ລັດ​ທີ່ປົກ​ຄອງດ້ວຍກົດໝາຍ ຢູ່ ສປປ ລາວ ຢ່າງສັກສິດ ເທື່ອລະກ້າວ.

ສຸກພາວະດີ

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao