ໃນຕອນບ່າຍຂອງວັນທີ 8 ກໍລະກົດ 2021 ທີ່​ຫ້ອງ​ຮັບ​ແຂກ ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ທ່ານ ບົວລີ ເພັດມີໄຊ ຮັກສາ​ການຫົວໜ້າ ກົມຕິກຕາມກວດກາການດຳເນີນຄະດີແພ່ງ ອົງການໄອຍະການປະຊາຊົນສູງສຸດ ໄດ້ຕ້ອນຮັບ ທ່ານ ມາເອະດະ ໂຢຊິຢູ່ກິ ຫົວໜ້າ ຊ່ຽວຊານໂຄງການໄຈກາ (JICA) ປະຈໍາ ສປປ ລາວ.

ໃນໂອກາດດັ່ງກ່າວ ທ່ານ ບົວລີ ເພັດມີໄຊ ຮັກສາ​ການຫົວໜ້າ ກົມຕິດຕາມກວດກາການດຳເນີນຄະດີແພ່ງ ອົງການໄອຍະການປະຊາຊົນສູງສຸດ ໄດ້ສະແດງ​ຄວາມຮັບຕ້ອນອັນອົບອຸ່ນ ແລະ ຄວາມຊົມເຊີຍ ​ແລະ ຂອບ​ໃຈ ທີ່ ທ່ານ ມາເອະດະ ໂຢຊິຢູ່ກິ ຫົວໜ້າ ຊ່ຽວຊານໂຄງການໄຈກາ (JICA) ປະຈໍາ ສປປ ລາວ ໄດ້ໃຫ້ການຊ່ວຍເຫຼືອມອບອຸປະກອນເຄື່ອງນຳໃຊ້ການປະຊຸມທາງອອນລາຍ ໃຫ້ແກ່ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ເພື່ອນຳໃຊ້ເຂົ້າໃນວຽກງານການເຄື່ອນໄຫວບັນດາກິດຈະກຳຂອງ ໂຄງການສົ່ງເສີມການພັດທະນາ ແລະ ສ້າງຄວາມເຂັ້ມແຂງລັດທີ່ປົກຄອງດ້ວຍກົດໝາຍໃນຂົງເຂດຍຸຕິທຳຂອງ ສປປ ລາວ ທີ່ກຳລັງ ເຄື່ອນໄຫວໃຫ້ສຳເລັດຕາມແຜນການທີ່ກຳນົດໄວ້ ແລະ ເຊື່ອ​ໝັ້ນ​ຢ່າງ​ຍິ່ງວ່າ ການຊ່ວຍເຫຼືອໃນຄັ້ງນີ້ຈະເປັນການ​ເສີມຂະຫຍາຍການພົວ​ພັນ​ຮ່ວມ​ມື ​ລະ​ຫວ່າງ ອົງ​ການໄຈກາ ກັບ ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ແຫ່ງ ສ​ປ​ປ ລາວ ເຂົ້າສູ່ລວງເລິກ ພ້ອມທັງເປັນການ​ພັດ​ທະ​ນາ​ຊັບພະຍາກອນມະນຸດ ​ໃນວຽກ​ງານ​ໄອ​ຍະ​ການ​ປະ​ຊາ​ຊົນ, ຂະ​ແໜງ​ການ​ຍຸ​ຕິ​ທຳ ແລະ ການ​ສ້າງ​ລັດ​ທີ່ປົກ​ຄອງດ້ວຍກົດໝາຍ ຢູ່ ສປປ ລາວ ​ໃຫ້​ມີ​ຜົນສັກສິດ ເທື່ອລະກ້າວຢ່າງ​ບໍ່​ຢຸດຢັ້ງ.

ສຸກພາວະດີ

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao