ກົມຕິດຕາມກວດກາຄ້າຍຄຸມຂັງ-ດັດສ້າງ ໄດ້ຈັດກອງປະຊຸມຫລຸບວຽກງານການເຄື່ອນໄຫວປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2021, ຊື່ງໄດ້ຈັດຂຶ້ນໃນຕອນເຊົ້າ ຂອງວັນທີ 3 ສິງຫາ 2021 ຜ່ານມາ. ໂດຍການເປັນປະທານຂອງທ່ານ ບຸນຍັງ ຈັນດາລະສານ ຮອງຫົວໜ້າອົງການໄອຍະການປະຊາຊົນສູງສຸດ ຜູ້ຊີ້ນຳກົມຕິດຕາມກວດກາຄ້າຍຄຸມຂັງ-ດັດສ້າງ ມີ ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ ແລະ ພະນັກງານວິຊາການເຂົ້າຮວມຢ່າງພ້ອມພຽງ. ຜ່ານການສະຫລຸບວຽກງານປະຈຳ 6 ເດືອນຕົ້ນປີ ປະທານກອງຊຸມກໍ່ໄດ້ເນັ້ນໜັກໃຫ້ເອົາໃຈໃສ່ບາງວຽກງານຂອງທິດທາງແຜນການ 6 ເດືອນທ້າຍປີ 2021. 1. ເພີ້ມທະວີສືກສາອົບຮົມການເມືອງແນວຄິດໃຫ້ພະນັກງານພາຍໃນກົມ ໃຫ້ມີຄວາມອຸ່ນອຽ່ນທຸ່ນທ່ຽງໜັກແໜ້ນ ເອົາໃຈໃສ່ການເຄົາລົບ ແລະ ປະຕິບັດລະບຽບລັດຖະກອນຢ່າງເຂັ້ມງວດ; 2. ປະສານສົມທົບກັບຕຳຫລວດຄຸມຂັງ-ດັດສ້າງ, ອົງການໄອຍະການປະຊາຊົນແຂວງ-ນະຄອນຫລວງ ສັງລວມເກັບກຳສະຖິຕິນັກໂທດ, ຜູ້ຖືກຫາ ແລະ ຜູ້ຖືກດັດສ້າງ ຄ້າຍຄຸມຂັງສູນກາງຄຸ້ມຄອງ, ແຂວງ-ນະຄອນຫລວງ ກັບໜ່ວຍງານອື່ນຕາມພາລະບົບບາດຂອງກົມທີ່ກຳນົດໄວ້; 3. ຕິດຕາມຊຸກຍູ້ໃຫ້ອົງການໄອຍະການປະຊາຊົນທ້ອງຖິ່ນ, ຈັດຕັ້ງປະຕິບັດແຜນງານ, ໂຄງການຂອງວຽກງານຕິດຕາມກວດກາຄ້າຍຄຸມຂັງ-ດັດສ້າງ ຕາມພາລະບົດບາດໃນຂອບເຂດຄວາມຮັບຜິດຊອບ; 4. ກອງເລຂາຄະນະກຳມະການອະໄພຍະໂທດລະດັບຊາດກະກຽມເປີດກອງປະຊຸມຜ່ານການຄົ້ນຄວ້າບັນຊີສະເໜີອະໄພຍະໂທດ, ຫລຸດຜອນໂທດ ໃຫ້ແກ່ນັກໂທດຂອງຄະນະກຳມະການອະໄພຍະໂທດ ຂັ້ນກະຊວງ, ແຂວງ-ນະຄອນຫລວງ, ພ້ອມກວດກາສັງລວມບັນຊີສະເໜີອະໄພຍະໂທດຂອງພາກສ່ວນດັ່ງກ່າວເຂົ້າໃນກອງປະຊຸມຂອງກອງເລຂາໃຫ້ທັນກຳນົດເວລາ; 5. ສືບຕໍ່ປະຕິບັດວຽກງານອື່ນໆ ຕາມການມອບໝາຍຂອງຄະນະພັກ, ຄະນະນຳ ອອປສ.ຂ່າວ-ພາບ: ຈະເລີນສິນ