ໃນຕອນບ່າຍຂອງວັນທີ 02 ກັນຍາ 2021 ທີ່ຫ້ອງປະຊຸມ ອົງການໄອຍະການປະຊາຊົນສູງສຸດ ໄດ້ມີກອງປະຊຸມປຶກສາຫາລືກ່ຽວກັບການດຳເນີນຄະດີຢາເສບຕິດ ລະຫວ່າງ ອົງການໄອຍະການປະຊາຊົນສູງສຸດ ຊຶ່ງນຳໂດຍ ທ່ານ ຄຳເພັດ ສົມວໍລະຈິດ ຫົວໜ້າກົມແຜນການ ແລະ ຮ່ວມມືກັບຕ່າງປະເທດ ແລະ ສະຖານເອກອັກຄະຣາຊະທູດໄທ ປະຈຳ ສປປ ລາວ ຊຶ່ງນຳໂດຍ ທ່ານ ອະນິສອນ ພາພີລະນົນ ສະຖານເອກອັກຄະຣາຊະທູດແຫ່ງ ຣາຊະອານາຈັກໄທ ປະຈຳ ສປປ ລາວ ພ້ອມດ້ວຍຄະນະສອງຝ່າຍເຂົ້າຮ່ວມ.ໃນໂອກາດດັ່ງກ່າວ ທ່ານ ຄຳເພັດ ສົມວໍລະຈິດ ຫົວໜ້າກົມແຜນການແລະຮ່ວມມືກັບຕ່າງປະເທດ ອົງການໄອຍະການປະຊາຊົນສູງສຸດ ໄດ້ສະແດງຄວາມຕ້ອນຮັບອັນອົບອຸ່ນ ແລະ ຄວາມຊົມເຊີຍ ທີ່ທາງສະຖານທູດ ໄດ້ມອບເງິນຈຳນວນ 200,000 ບາດ ໃນການສະໜັບສະໜູນການຈັດຝຶກອົບຮົມໃຫ້ພະນັກງານໄອຍະການທີ່ຮັບຜິດຊອບວຽກງານກ່ຽວກັບການດຳເນີນຄະດີຢາເສບຕິດ.ກອງປະຊຸມດັ່ງກ່າວຈະເປັນການຍົກລະດັບຄວາມຮູ້ຂອງພະນັກງານໄອຍະການປະຊາຊົນ ກ່ຽວກັບການດຳເນີນຄະດີຢາເສບຕິດ, ປະກອບສ່ວນສຳຄັນເຂົ້າໃນການຈັດຕັ້ງປະຕິບັດວາລະແຫ່ງຊາດຂອງລັດຖະບານ ແຫ່ງ ສປປ ລາວ ທີ່ຈະເຮັດໃຫ້ບັນຫາຢາເສບຕິດ ໄດ້ຮັບການແກ້ໄຂຢ່າງເຂັ້ມງວດ, ເຮັດໃຫ້ປະເທດເຮົາມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ເສດຖະກິດໄດ້ຮັບການພັດທະນາຕໍ່ເນື່ອງ, ດີຂຶ້ນຢ່າງບໍ່ຢຸດຢັ້ງ.ໂດຍ: ອານຸສັກ ກວາງວັນ

อาจเป็นรูปภาพของ 1 คน และกำลังนั่ง
อาจเป็นรูปภาพของ 3 คน, ผู้คนกำลังยืน, ผู้คนกำลังนั่ง และสถานที่ในร่ม
อาจเป็นรูปภาพของ 2 คน, ผู้คนกำลังนั่ง และสถานที่ในร่ม
อาจเป็นรูปภาพของ 3 คน, ผู้คนกำลังนั่ง และสถานที่ในร่ม
อาจเป็นรูปภาพของ 2 คน และผู้คนกำลังนั่ง
อาจเป็นรูปภาพของ 4 คน, ผู้คนกำลังนั่ง, ผู้คนกำลังยืน และสถานที่ในร่ม
อาจเป็นรูปภาพของ 1 คน, กำลังนั่ง และสถานที่ในร่ม
อาจเป็นรูปภาพของ 1 คน และกำลังนั่ง
อาจเป็นรูปภาพของ หนึ่งคนขึ้นไป, ผู้คนกำลังยืน, ผู้คนกำลังนั่ง และสถานที่ในร่ม

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao