ພິທີປະກາດພະນັກງານການນຳ ອົງການໄອຍະການປະຊາຊົນສູງສຸດ ອອກພັກການ-ຮັບອຸດໜູນບຳນານ ພິທີໄດ້ຈັດຂຶ້ນໃນຕອນເຊົ້າຂອງວັນທີ 10 ກັນຍາ 2021, ທີ່ອົງການໄອຍະການປະຊາຊົນສູງສຸດ ໂດຍການໃຫ້ກຽດເຂົ້າຮ່ວມຂອງ ທ່ານ ໄຊຊະນະ ໂຄດພູທອນ

ກໍາມະການສູນກາງພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ, ໃນພິທີ ທ່ານ ສີອຳພອນ ຈັນລາຕີ ຮອງກົມຄຸ້ມຄອງພະນັກງານ ຄະນະຈັດຕັ້ງສູນກາງ ໄດ້ຜ່ານດໍາລັດຂອງປະທານປະເທດ ສະບັບເລກທີ 195/ປປທ ລົງວັນທີ 28ກໍລະກົດ 2021 ວ່າດ້ວຍການອະນຸມັດໃຫ້ພະນັກງານພັກການ-ຮັບອຸດໜູນບໍານານ ຂອງ ທ່ານ ບຸນຍັງ ຈັນດາລະສານ ກຳມະການປະຈຳພັກ, ຮອງຫົວໜ້າອົງການໄອຍະການປະຊາຊົນສູງສຸດ. ໃນພິທີອັນສະຫງ່າ ແລະ ສົມກຽດນີ້ ທ່ານຫົວໜ້າອົງການໄອຍະການປະຊາຊົນສູງສຸດ ກໍໄດ້ກາ່ວສະແດງຄວາມຂອບໃຈ ແລະ ສະແດງຄວາມຮູ້ບຸນຄຸນ, ທັງກ່າວຍ້ອງຍໍຊົມເຊີຍຕໍ່ກັບຜົນງານ ແລະ ໄດ້ຍົກບາງບົດຮຽນ, ປະສົບການຂອງອະດີດ ຮອງຫົວໜ້າອົງການໄອຍະການປະຊາຊົນສູງສຸດ ໃນໄລຍະຜ່ານມາ ໂດຍສະເພາະແມ່ນປະກອບສ່ວນເຂົ້າໃນວຽກງານໄອຍະການປະຊາຊົນ ລ້ວນແຕ່ມີຜົນສໍາເລັດ ແລະ ລ້ອນໜ້າທີ່ເປັນຢ່າງດີ ເປັນຕົ້ນແມ່ນການຊີ້ນຳວຽກງານກວດກາ, ວຽກງານຄ້າຍຄຸມຂັງ-ດັດສ້າງ, ວຽກງານກອງເລຂາຄະນະກໍາມະການອະໄພຍະໂທດ ລະດັບຊາດ, ໃນໄລຍະການຊີ້ນຳຂອງສະຫາຍແມ່ນໄດ້ມີບາດກ້າວຂະຫຍາຍຕົວ ແລະ ມີການປ່ຽນແປງໃໝ່ທີ່ກ້າວໜ້າຮອບດ້ານ. ໃນຂະນະດຽວກັນ ທ່ານປະທານພິທີຍັງໄດ້ຮຽກຮ້ອງໃຫ້ພະນັກງານການນຳລຸ້ນສືບທອດໄດ້ສຶກສາບົດຮຽນ, ປະສົບການ ຂອງອະດີດຮອງຫົວໜ້າ ອອປສ ເພື່ອປັບປຸງແບບແຜນການຊີ້ນໍາ-ນໍາພາ ໃຫ້ມີຜົນສໍາເລັດໃນໜ້າທີ່ວຽກງານໃນຕໍ່ໜ້າ.ໂດຍ:ອານຸສັກ ກວາງວັນ

อาจเป็นรูปภาพของ 3 คน และผู้คนกำลังยืน
อาจเป็นรูปภาพของ 2 คน, ผู้คนกำลังยืน และสถานที่ในร่ม
อาจเป็นรูปภาพของ 1 คน และกำลังยืน
อาจเป็นรูปภาพของ 1 คน, กำลังยืน และสถานที่ในร่ม
อาจเป็นรูปภาพของ สถานที่ในร่ม
อาจเป็นรูปภาพของ 4 คน และผู้คนกำลังยืน
อาจเป็นรูปภาพของ 5 คน, ผู้คนกำลังยืน และสถานที่ในร่ม

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao