ໃນຕອນເຊົ້າຂອງວັນທີ 16 ກັນຍາ 2021 ທີ່ຫ້ອງຮັບແຂກອົງການໄອຍະການປະຊາຊົນສູງສຸດ ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ໄດ້ຕ້ອນຮັບທ່ານ ນາງ ປອ. ເພຍ ເລເບໂລ ບຣິດໂຕ (Pia Rebello Britto), ຜູ້ຕາງໜ້າອົງການ ຢູນິເຊັບ ປະຈຳ ສປປ ລາວ ຄົນໃໝ່ ເຂົ້າຢ້ຽມຄຳນັບ ໂດຍມີພະນັກງານສອງຝ່າຍເຂົ້າຮ່ວມຢ່າງພ້ອມພຽງ.ໃນໂອກາດດັ່ງກ່າວ ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ໄດ້ສະແດງຄວາມຕ້ອນຮັບອັນອົບອຸ່ນ ແລະ ຄວາມຊົມເຊີຍ ທີ່ທ່ານ ນາງ ປອ. ເພຍ ເລເບໂລ ບຣິດໂຕ ທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງ ເປັນຜູ້ຕາງໜ້າອົງການ ຢູນີເຊັບ ຄົນໃໝ່ ປະຈຳ ສປປ ລາວ ແລະ ເຊື່ອໝັ້ນຢ່າງຍິ່ງວ່າ ໃນວາລະທີ່ທ່ານດຳລົງຕຳແໜ່ງເປັນຜູ້ຕາງໜ້າ ອົງການ ຢູນີເຊັບ ຄົນໃໝ່ ປະຈຳ ສປປ ລາວນີ້ ການພົວພັນຮ່ວມມື ລະຫວ່າງ ອົງການຢູນີເຊັບ ກັບ ສປປ ລາວ ເວົ້າລວມ, ລະຫວ່າງ ອົງການຢູນີເຊັບ ແລະ ອົງການໄອຍະການປະຊາຊົນສູງສຸດ ເວົ້າສະເພາະ ຈະໄດ້ຮັບການເສີມຂະຫຍາຍເຂົ້າສູ່ລວງເລີກ ຢ່າງບໍ່ຢຸດຢັ້ງ. ສອງຝ່າຍ ຕີລາຄາສູງ ຜົນສຳເລັດຂອງການຮ່ວມມື ລະຫວ່າງ ສປປ ລາວ ແລະ ອົງການ ຢູນີເຊັບ ໃນໄລຍະຜ່ານມາ ເວົ້າລວມ, ການຮ່ວມມື ລະຫວ່າງ ອົງການໄອຍະການປະຊາຊົນສູງສຸດ ແລະ ອົງການ ຢູນີເຊັບ ນັບແຕ່ຊຸມປີ 2003 ເປັນຕົ້ນມາ ເວົ້າສະເພາະ ໂດຍໄດ້ສະໜອງງົບປະມານ, ວິຊາການ, ພາຫະນະ, ຄອມພິວເຕີ້, ປີ່ນເຕີ້, ເຄື່ອງສາຍແອວຊີດີ ໃຫ້ແກ່ອົງການໄອຍະການປະຊາຊົນສູງສຸດ. ອັນໄດ້ເຮັດໃຫ້ວຽກງານຍຸຕິທຳສຳລັບເດັກ ຢູ່ປະເທດເຮົາ ກໍຄື ຢູ່ອົງການໄອຍະການປະຊາຊົນ ໄດ້ຮັບການພັດທະນາດີຂຶ້ນເປັນກ້າວໆ. ພ້ອມກັນນັ້ນ, ໃນທ່າມກາງທີ່ ສປປ ລາວ ກໍຄື ບັນດາປະເທດໃນໂລກ ໄດ້ຮັບຜົນກະທົບອັນໃຫຍ່ຫຼວງຈາກການແຜ່ລະບາດຂອງພະຍາດໂຄວິດ 19 ອົງການ ຢູນີເຊັບ ກໍແມ່ນໜຶ່ງ ໃນບັນດາອົງການຈັດຕັ້ງສາກົນ ທີ່ໄດ້ໃຫ້ການສະໜັບສະໜູນຢາວັກຊິນ ແລະ ອຸປະກອນທາງການແພດອັນຈໍາເປັນ ໃນການຕ້ານໂຄວິດ 19 ໃຫ້ແກ່ ສປປ ລາວ. ໃນປີ 2021 ນີ້ ແລະ ດ້ວຍງົບປະມານ 150.000 ໂດລາສະຫະລັດ. ໂດຍ ອົງການໄອຍະການປະຊາຊົນສູງສຸດ ແລະ ອົງການຢູນີເຊັບ ຈະຮ່ວມກັບສານປະຊາຊົນສູງສຸດ, ກະຊວງຍຸຕິທຳ, ກະຊວງປ້ອງກັນຄວາມສະຫງົບ ສ້າງຄວາມເຂັ້ມແຂງໃຫ້ພະນັກງານໄອຍະການກ່ຽວກັບການຕິດຕາມ ກວດກາ ແລະ ການສັ່ງຟ້ອງຄະດີເດັກ; ພິມປື້ມຄູ່ມືການຕິດຕາມກວດກາການດໍາເນີນຄະດີເດັກ; ສືບຕໍ່ຈັດຕັ້ງປະຕິບັດໂຄງການ ຊ່ວຍເຫຼືອດ້ານກົດໝາຍ ແລະ ສັງຄົມ ແກ່ເດັກທີ່ເຂົ້າມາກ່ຽວຂ້ອງກັບລະບົບຍຸຕິທໍາ ໂດຍສະເພາະ ເດັກກະທໍາຜິດ, ເດັກທີ່ຖືກເຄາະຮ້າຍ ແລະ ເດັກທີ່ເປັນພະຍານ ຢູ່່ເມືອງໄຊທານີ ນະຄອນຫຼວງວຽງຈັນ, ເມືອງແປກ ແລະ ເມືອງຄູນ ແຂວງຊຽງຂວາງ, ນະຄອນ ໄກສອນ ພົມວິຫານ ແລະ ເມືອງອາດສະພັງທອງ, ແຂວງສະຫວັນນະເຂດ ແລະ ສ້າງລະບົບ ປົກປ້ອງເດັກທີ່ເປັນລະບົບຄົບຊຸດຢູ່ແຂວງຊຽງຂວາງ ຊຶ່ງຈະປະກອບສ່ວນທີ່ສຳຄັນ ເຂົ້າໃນການພັດທະນາວຽກງານຍຸຕິທຳສຳລັບເດັກ ຢູ່ ສປປ ລາວ ເວົ້າລວມ, ວຽກງານຍຸຕິທຳສຳລັບເດັກ ຢູ່ອົງການໄອຍະການປະຊາຊົນ ເວົ້າສະເພາະ ໃຫ້ມີຄວາມເຂັ້ມແຂງ ແລະ ຍືນຍົງ, ປົກປ້ອງສິດ ແລະ ຜົນປະໂຫຍດຂອງເດັກດີຂຶ້ນ ຢ່າງບໍ່ຢຸດຢັ້ງ.ຂ່າວ ແລະ ພາບ: ສຸກ ອອປສ

อาจเป็นรูปภาพของ หนึ่งคนขึ้นไป, ผู้คนกำลังนั่ง, ผู้คนกำลังยืน และสถานที่ในร่ม
อาจเป็นรูปภาพของ 2 คน, ผู้คนกำลังนั่ง และสถานที่ในร่ม
อาจเป็นรูปภาพของ 2 คน, ผู้คนกำลังนั่ง, ผู้คนกำลังยืน และสถานที่ในร่ม
อาจเป็นรูปภาพของ 11 คน และผู้คนกำลังยืน

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao