ໂດຍປະຕິບັດຕາມລັດຖະທໍາມະນູນ ແຫ່ງສາທາລະນະລັດປະຊາທິປະໄຕປະຊາຊົນລາວ, ກົດໝາຍວ່າດ້ວຍອົງການໄອຍະການປະຊາຊົນ ສະບັບເລກທີ 21/ສພຊ, ລົງວັນທີ 10 ພຶດສະພາ 2017. ຄະນະປະຈໍາສະພາແຫ່ງຊາດ ໄດ້ອອກມະຕິຕົກລົງສະບັບເລກທີ 223/ຄປຈ, ລົງວັນທີ 10 ກັນຍາ 2021 ວ່າດ້ວຍການແຕ່ງຕັ້ງຄະນະກໍາມະການໄອຍະການປະຊາຊົນສູງສຸດ. ໃນວັນທີ 29 ຕຸລາ 2021 ຢູ່ທີ່ຫ້ອງປະຊຸມອົງການໄອຍະການປະຊາຊົນສູງສຸດ ໄດ້ໄຂກອງປະຊຸມຄັ້ງປະຖົມມະລືກ ຂອງຄະນະກໍາມະການໄອຍະການປະຊາຊົນສູງສຸດ ຊຸດທີ II ຢ່າງເປັນທາງການ ໂດຍພາຍໃຕ້ການເປັນປະທານກອງປະຊຸມຂອງ ສະຫາຍ ໄຊຊະນະ ໂຄດພູທອນ ກໍາມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ, ປະທານຄະນະກໍາມະການໄອຍະການປະຊາຊົນສູງສຸດ, ມີ ບັນດາທ່ານຮອງຫົວໜ້າອົງການໄອຍະການປະຊາຊົນສູງສຸດ, ຮອງປະທານຄະນະກໍາມະການໄອຍະການປະຊາຊົນສູງສຸດ ແລະ ບັນດາທ່ານຫົວໜ້າກົມ, ຫ້ອງການ ແລະ ສະຖາບັນຄົ້ນຄວ້າ ແລະ ຝຶກອົບຮົມໄອຍະການ ທັງເປັນຄະນະກໍາມະການໄອຍະການປະຊາຊົນສູງສຸດເຂົ້າຮ່ວມຢ່າງພ້ອມພຽງ.ກອງປະຊຸມຄັ້ງປະຖົມມະລືກນີ້ ໄດ້ຜ່ານເນື້ອໃນເອກະສານ ແລະ ພ້ອມກັນຄົ້ນຄວ້າບັນຫາສໍາຄັນຕົ້ນຕໍດັ່ງນີ້:1. ກອງປະຊຸມໄດ້ຮັບຟັງການຜ່ານມະຕິຕົກລົງຂອງຄະນະປະຈໍາສະພາແຫ່ງຊາດ ວ່າດ້ວຍການແຕ່ງຕັ້ງຄະນະກໍາມະການໄອຍະການປະຊາຊົນສູງສຸດ ລວມທັງໝົດ 13 ທ່ານ, ຍິງ 2 ທ່ານ;2. ກອງປະຊຸມໄດ້ຄົ້ນຄວ້າ, ປຶກສາຫາລື ກ່ຽວກັບການກໍານົດ ພາລະບົດບາດ, ສິດ ແລະ ໜ້າທີ່ຂອງຄະນະກໍາມະການໄອຍະການປະຊາຊົນສູງສຸດ, ການແບ່ງຄວາມຮັບຜິດຊອບໃນການຊີ້ນໍາ-ນໍາພາວຽກງານຍຸດທະສາດໃນລະບົບອົງການໄອຍະການປະຊາຊົນ ທັງຢູ່ຂັ້ນສູນກາງ ແລະ ທ້ອງຖິ່ນ;3. ກອງປະຊຸມໄດ້ຄົ້ນຄວ້າ, ປຶກສາຫາລື, ປະກອບຄໍາເຫັນ ກ່ຽວກັບການຈັດຕັ້ງຜັນຂະຫຍາຍມະຕິຂອງກົມການເມືອງສູນກາງພັກ ກໍຄືການຈັດຕັ້ງຜັນຂະຫຍາຍ 2 ວາລະແຫ່ງຊາດ ເຂົ້າໃນວຽກງານໄອຍະການປະຊາຊົນໃຫ້ປະກົດຜົນເປັນຈິງ. ໃນຕອນທ້າຍຂອງກອງປະຊຸມ ປະທານກອງປະຊຸມຍັງສັງລວມບັນດາຄຳຄິດເຫັນ ແລະ ໃຫ້ທິດຊີ້ນຳເໜັ້ນໜັກ ຈົ່ງໄດ້ພ້ອມຈັດຕັ້ງປະຕິບັດຕາມເນື້ອຂອງກອງປະຊຸມຢ່າງມີຄວາມຮັບຜິດຊອບສູງ. ກອງປະຊຸມຄັ້ງປະຖົມມະລືກຂອງຄະນະກໍາມະການໄອຍະການປະຊາຊົນສູງສຸດ ຊຸດທີ II ໄດ້ດໍາເນີນໄປດ້ວຍບັນຍາກາດທີ່ດີ ແລະ ໄດ້ຮັບຜົນສໍາເລັດຕາມຈຸດປະສົງຄາດໝາຍທີ່ວາງໄວ້.ໂດຍ: ຈະເລີນສິນ

อาจเป็นรูปภาพของ 1 คน, กำลังยืน และ สถานที่ในร่ม
อาจเป็นรูปภาพของ 1 คน และ กำลังยืน
อาจเป็นรูปภาพของ 1 คน, กำลังยืน และ ชุดเครื่องแบบทหาร
อาจเป็นรูปภาพของ 2 คน, ผู้คนกำลังยืน และ ชุดเครื่องแบบทหาร
อาจเป็นรูปภาพของ 1 คน, กำลังยืน และ ดอกไม้
อาจเป็นรูปภาพของ 1 คน และ กำลังยืน
อาจเป็นรูปภาพของ 1 คน และ กำลังยืน
อาจเป็นรูปภาพของ 1 คน, กำลังยืน และ ชุดเครื่องแบบทหาร
อาจเป็นรูปภาพของ 1 คน, กำลังยืน และ ชุดเครื่องแบบทหาร
อาจเป็นรูปภาพของ 1 คน, กำลังยืน และ ชุดเครื่องแบบทหาร
อาจเป็นรูปภาพของ 3 คน และ ผู้คนกำลังยืน
อาจเป็นรูปภาพของ 1 คน, กำลังยืน และ ชุดเครื่องแบบทหาร
อาจเป็นรูปภาพของ 3 คน และ สถานที่ในร่ม
อาจเป็นรูปภาพของ 1 คน และ กำลังยืน
อาจเป็นรูปภาพของ 2 คน และ ผู้คนกำลังยืน
อาจเป็นรูปภาพของ สถานที่ในร่ม

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao