ຂປລ. ກອງປະຊຸມໃຫຍ່ ສະມາຊິກພັກ ຂອງອົງຄະນະພັກ ອົງການໄອຍະການປະຊາຊົນສູງສຸດ ຄັ້ງທີ V ໄດ້ໄຂຂຶ້ນຢ່າງເປັນທາງການ ໃນວັນທີ 9 ພະຈິກ 2021 ໂດຍການເປັນປະທານຂອງ ສະຫາຍ ໄຊຊະນະ ໂຄດພູທອນ ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ, ໃຫ້ກຽດເຂົ້າຮ່ວມໂດຍ ສະຫາຍ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ຮອງປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ມີສະຫາຍ ນາງ ບຸດສະດີ ທະນະເມືອງ ກໍາມະການສູນກາງພັກ, ຮອງຫົວໜ້າຄະນະຈັດຕັ້ງສູນກາງພັກ, ສະຫາຍ ບຸນທັນ ບຸນທະວິໄລ ຄະນະບໍລິຫານງານພັກ, ຮອງຫົວໜ້າອົງການໄອຍະການປະຊາຊົນສູງສຸດ, ມີສະມາຊິກພັກອາວຸໂສບຳນານ ພ້ອມດ້ວຍແຂກຖືກເຊີນ ແລະ ຜູ້ແທນສົມບູນເຂົ້າຮ່ວມ.ໂອກາດນີ້, ສະຫາຍ ໄຊຊະນະ ໂຄດພູທອນ ໄດ້ສະເໜີຮ່າງລາຍງານການ ເມືອງ ໂດຍໄດ້ຍົກໃຫ້ເຫັນເຖິງຜົນສໍາເລັດ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ສະມາ ຊິກພັກ ຂອງອົງຄະນະພັກ ອົງການໄອຍະການປະຊາຊົນສູງສຸດ ຄັ້ງທີ IV (2016-2020) ຜ່ານມາ. ໃນນັ້ນ, ໄດ້ຖືວຽກງານນໍາພາການເມືອງ-ແນວຄິດເປັນກົກ ໂດຍເອົາໃຈໃສ່ສຶກສາອົບຮົມເປັນປົກກະຕິ ດ້ວຍການເຊື່ອມຊຶມ ແລະ ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ສະມາຊິກພັກ ຂອງອົງຄະນະພັກອົງການໄອຍະການປະຊາຊົນສູງສຸດ ຄັ້ງທີ IV ໂດຍຫັນເປັນ 5 ແຜນການ 21 ໂຄງ ການຈັດຕັ້ງປະຕິບັດຢ່າງມີປະສິດທິຜົນ. ຜ່ານການປະເມີນໜ່ວຍພັກ, ສະມາຊິກພັກໃນປີ 2016 ມີ 6 ໜ່ວຍພັກ ກວມ 54,54% ໄດ້ຮັບໃບຢັ້ງຢືນໜ່ວຍພັກແຂງ-ຮູ້ນໍາພາຮອບດ້ານ, ສະມາຊິກພັກກວມ 97,27% ເປັນສະມາຊິກພັກແຂງ-ຮູ້ນໍາພາຮອບດ້ານ, ໃນປີ 2017 ມີ 3 ໜ່ວຍພັກກວມ 30% ໄດ້ຮັບໃບຢັ້ງຢືນໜ່ວຍພັກແຂງ-ຮູ້ນໍາພາຮອບດ້ານ, ສະມາຊິກພັກກວມ 79,88% ເປັນສະມາຊິກພັກແຂງ-ຮູ້ນໍາພາຮອບດ້ານ, ປີ 2020 ມີ 4 ໜ່ວຍພັກກວມ 40% ໄດ້ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ສະມາຊິກພັກກວມ 80% ເປັນສະມາຊິກພັກປອດໃສ, ເຂັ້ມແຂງ, ໜັກແໜ້ນ. ພິເສດ ໃນປີ 2020 ທົ່ວລະບົບອົງການໄອຍະການປະຊາຊົນ ແລະ ອົງການໄອຍະການທະຫານ ໄດ້ເປີດບັ້ນດໍາເນີນຊີວິດການເມືອງ, ປຸກລະດົມສ້າງຂະບວນການແຂ່ງຂັນຮັກຊາດ ແລະ ພັດທະນາ ເພື່ອຂໍ່ານັບຮັບຕ້ອນການສະເຫລີມສະຫລອງວັນສ້າງຕັ້ງອົງການໄອຍະການປະຊາຊົນ ຄົບຮອບ 30 ປີ ຢ່າງຄຶກຄື້ນ ແລະ ໄດ້ຄັດເລືອກວຽກດີ, ຄົນເດັ່ນ ເພື່ອຍ້ອງຍໍສັນລະເສີນປະເພດຕ່າງໆຢ່າງສົມກຽດ; ຕະຫລອດໄລຍະຜ່ານມາ ຄະນະບໍລິຫານງານພັກ ເອົາໃຈໃສ່ປັບປຸງແບບ ແຜນນໍາພາ-ວິທີເຮັດວຽກ ໂດຍເຄົາລົບຫລັກການລວມສູນປະຊາທິປະໄຕ, ປຶກສາຫາລືເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບຈະແຈ້ງໃນການຊີ້ນຳ-ນຳພາວຽກງານແຕ່ລະດ້ານ, ມີການວາງແຜນວຽກ, ຕິດຕາມຊຸກຍູ້, ສະຫລຸບຕີລາຄາປະເມີນຜົນ ແລະ ປະຕິບັດລະບອບສ່ອງແສງລາຍງານເປັນປົກກະຕິ.ຜ່ານການເອົາໃຈໃສ່ຂ້າງເທິງນັ້ນ, ເຮັດໃຫ້ການປະຕິບັດ ພາລະບົດບາດຕິດຕາມກວດກາການເຄົາລົບ, ປະຕິບັດກົດໝາຍ ແລະ ສັ່ງຟ້ອງຜູ້ຖືກຫາຂຶ້ນສານຕາມກົດໝາຍ ໄດ້ບັນລຸຄາດໝາຍທີ່ວາງໄວ້. ໃນນັ້ນ, ການແກ້ໄຂຄະດີບັນລຸ 98,64% ເກີນຄາດໝາຍທີ່ວາງໄວ້ 3,64%, ຄຸນນະພາບໃນການດໍາເນີນຄະດີ ໄດ້ຮັບການປັບປຸງ ແລະ ພັດທະນາດີຂຶ້ນ, ການປະຕິບັດໜ້າທີ່ຂອງພະນັກງານໄອຍະການປະຊາຊົນ ໄດ້ຮັບການຍົກລະດັບສູ່ຄຸນນະພາບດີຂຶ້ນ, ເຊິ່ງສະແດງອອກໃນສະຖິຕິຄະດີທີ່ສານຕັດສິນ ແລະ ພິພາກສາຕາມຄໍາຖະແຫລງກວມເຖິງ 97,29% ເກີນຄາດໝາຍທີ່ວາງໄວ້ 2,29%.ຂ່າວ: ສົມຫວັງ

อาจเป็นรูปภาพของ 1 คน, กำลังยืน และ สถานที่ในร่ม
อาจเป็นรูปภาพของ 1 คน, กำลังยืน และ ดอกไม้

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao