ພາຍໃຕ້ການເປັນປະທານຂອງ ທ່ານ ຄຳພັນ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ມີບັນດາທ່ານສະມາຊິກລັດຖະບານ, ທ່ານເຈົ້າຄອງນະຄອນຫຼວງວັນຈັນ ແລະ ບັນດາທ່ານເຈົ້າແຂວງ, ບັນດາທ່ານຫົວໜ້າອົງການທຽບເທົ່າກະຊວງ ຂັ້ນສູນກາງ (ຕາງໜ້າອົງການຈັດຕັ້ງພັກ, ອົງການຈັດຕັ້ງສູນກາງແນວລາວສ້າງຊາດ,

ອົງການຈັດຕັ້ງມະຫາຊົນຂັ້ນສູນກາງ, ອົງການນິຕິບັດຍັດ, ອົງການຕຸລາການ) ທີ່ເຂົ້າຮ່ວມ. ກອງປະຊຸມລັດຖະບານຊຸດທີ IX ເປີດກວ້າງ ຄັ້ງທີ II ປີ 2021 ກອງປະຊຸມດັ່ງກ່າວ ໄດ້ພ້ອມກັນຕີລາຄາ, ຄົ້ນຄວ້າ, ປຶກສາຫາລື ປະກອບຄຳເຫັນໃສ່ 03 ຫົວຂໍ້ທີ່ສຳຄັນ ດັ້ງນີ້: 1. ຜ່ານຮ່າງບົດສະຫຼຸບວຽກງານຮອບດ້ານ ຂອງລັດຖະບານ ແລະ ວຽກງານຄວາມຄືບໜ້າ ໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດການເງິນ ຕາມມະຕິຂອງລັດຖະບານ ສະບັບເລກທີ 07/ລບ, ລົງວັນທີ 04 ຕຸລາ 2021 ວ່າດ້ວຍການແບ່ງຄວາມຮັບຜິດຊອບ ໃນການຈັດຕັ້ງຜັນຂະຫຍາຍວາລະແຫ່ງຊາດດັ່ງກ່າວ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຕາມຄຳສັ່ງຂອງນາຍົກລັດຖະມົນຕີ ສະບັບເລກທີ 19/ນຍ, ລົງວັນທີ 04 ຕຸລາ 2021 ກ່ຽວກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຍາເສບຕິດ (2021-2023) ແລະ ສະເໜີແຜນປະຕິບັດຕົວຈິງບັນດາວຽກຈຸດສຸມ ປີ 2022 ຂອງລັດຖະບານ; 2. ສະເໜີຮ່າງດຳລັດ ຂອງນາຍົກລັດຖະມົນຕີ ວ່າດ້ວຍການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ ແລະ ແຜນງົບປະມານແຫ່ງຊາດ ປະຈຳປີ 2022 ເພື່ອເປັນການຜັນຂະຫຍາຍມະຕິຂອງກອງປະຊຸມ ສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX; 3. ສະຫຼຸບລາຍການຈັດຕັ້ງປະຕິບັດວຽກງານ ຂະບວນການແຂ່ງຂັນຮັກຊາດ, ສ້າງບ້ານພັດທະນາ ແລະ ຜັນຂະຫຍາຍວຽກງານ 3 ສ້າງ ເຂົັ້າສູ່ລວງເລິກ ແລະ ທິດທາງແຜນການໃນຕໍ່ໜ້າ. ທ່ານ ນາຍົກລັດຖະມົນຕີ ຍັງໄດ້ມີຄຳເຫັນຕໍ່ບັນດາຫົວຂໍ້ທີ່ນໍາມາລາຍງານ ແລະ ປຶກສາຫາລື ໃນກອງປະຊຸມຄັັ້ງນີ້ ລ້ວນແຕ່ເປັນຫົວຂໍ້ທີ່ສໍາຄັນ. ດັ່ງນັັ້ນ, ທ່ານຈຶ່ງຮຽກຮ້ອງມາຍັງບັນດາທ່ານ ທີ່ເຂົ້າຮ່ວມປະຊຸມ ພ້ອມກັນເອົາໃຈໃສ່ຄົ້ນຄວ້າ ແລະ ປະກອບຄໍາເຫັນດ້ວຍຄວາມຮັບຜິດຊອບສູງ, ການສະເໜີບົດລາຍງານຕ່າງໆໃຫ້ຮັກສາເວລາຕາມທີ່ໄດ້ກໍານົດໄວ້, ການປະກອບຄໍາເຫັນຢ່າງກົງໄປກົງມາ, ກະທັດຮັດ, ມີຈຸດສຸມ ແລະ ມີທາງອອກທີ່ຈະແຈ້ງ ເພື່ອໃຫ້ກອງປະຊຸມຄັັ້ງນີ້ ມີປະສິດທິຜົນສູງ ແລະ ບັນລຸຕາມຄາດໝາຍທີີ່ໄດ້ ກໍານົດໄວ້.ຂ່າວ ແລະ ຮູບພາບ:ແສງພະຈັນ ຄຳມະນີ

อาจเป็นรูปภาพของ 1 คน, กำลังนั่ง และ กำลังยืน
อาจเป็นรูปภาพของ 3 คน, ผู้คนกำลังยืน และ สถานที่ในร่ม

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao