ວັນທີ 12 ມັງກອນ 2022, ທີ່ ຫ້ອງປະຊຸມອົງການໄອຍະການປະຊາຊົນສູງສຸດ ໄດ້ມີພິທີປາຖະກະຖາວັນສ້າງຕັ້ງອົງການໄອຍະການປະຊາຊົນ ຄົບຮອບ 32 ປີ ໂດຍພາຍໃຕ້ການເປັນປະທານຂອງ ທ່ານ ໄຊຊະນະ ໂຄດພູທອນ ກໍາມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ, ມີບັນດາຄະນະພັກ, ຄະນະນໍາ, ພະນັກງານຂັ້ນກົມ, ຂັ້ນພະແນກ ອົງການໄອຍະການປະຊາຊົນສູງສຸດ ແລະ ອົງການໄອຍະການທະຫານຂັ້ນສູງ ເຂົ້າຮ່ວມ ຢ່າງພ້ອມພຽງ. ໃນໂອກາດດັ່ງກ່າວ, ປະທານກອງປະຊຸມ ໄດ້ຍົກໃຫ້ເຫັນ ປະຫວັດແຫ່ງການກໍາເນີດ, ການເຕີບໃຫ່ຍຂະຫຍາຍຕົວ ຂອງອົງການໄອຍະການປະຊາຊົນ ກ່ອນ ແລະ ຫຼັງ ປີ 1975, ມູນເຊື້ອ ແລະ ທິດທາງກ້າວເດີນ ຂອງອົງການໄອຍະການປະຊາຊົນ ຕາມທິດກ້າວໜ້າ, ທັນສະໄໝ ແລະ ວິທະຍາສາດ ພາຍໃຕ້ການນໍາພາຂອງພັກ. ນັບແຕ່ໄດ້ຮັບການສ້າງຕັ້ງຂຶ້ນໃນປີ 1990 ຕາມກົດໝາຍວ່າດ້ວຍອົງການໄອຍະການປະຊາຊົນ ຊຶ່ງມາຮອດປີນີ້ ມີອາຍຸຄົບຮອບ 32 ປີພໍດີ (ວັນທີ 9 ມັງກອນ 1990 – ວັນທີ 9 ມັງກອນ 2022) ອົງການໄອຍະການປະຊາຊົນ ກໍໄດ້ຕັ້ງໜ້າເຄື່ອນໄຫວປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ ຕາມລັດຖະທຳມະນູນ ແລະ ກົດໝາຍ ຢ່າງເຂັ້ມງວດ ແລະ ເຕີບໃຫຍ່ເຂັ້ມແຂງໃນທຸກດ້ານ. ອົງການໄອຍະການປະຊາຊົນ ໄດ້ຜ່ານຜ່າຄວາມຫຍຸ້ງຍາກ, ສັບສົນ ແລະ ໄດ້ປະເຊີນໜ້າກັບສິ່ງທົດສອບ ແລະ ທ້າທາຍຫຼາຍປະການ ແຕ່ໂດຍພາຍໃຕ້ການນຳພາຂອງສູນກາງພັກ, ໂດຍຍຶດໝັ້ນລັດ ຖະທຳມະນູນ ແຫ່ງ ສປປ ລາວ ແລະ ຄວາມບຸກບືນຜ່ານຜ່າຂອງພະນັກງານ-ສະມາຊິກພັກທຸກທົ່ວໜ້າ, ອົງການໄອຍະ ການປະຊາຊົນ ແຕ່ສູນກາງລົງຮອດຖ້ອງຖິ່ນ ໄດ້ຮັບການພັດທະນາຢ່າງຮອບດ້ານ ແລະ ເຮັດລ້ອນໜ້າທີ່ການເມືອງທີ່ພັກ-ລັດ ມອບໝາຍໃຫ້ເປັນຢ່າງດີ. ມາຮອດປະຈຸບັນ ອົງການໄອຍະການປະຊາຊົນ ປະກອບດ້ວຍອົງການໄອຍະການປະຊາຊົນສູງສຸດ, ມີອົງການໄອຍະການປະຊາຊົນ 3 ພາກ, ອົງການໄອຍະການປະຊາຊົນ 17 ແຂວງ ແລະ ນະຄອນຫຼວງ, ມີອົງການໄອຍະການປະຊາຊົນ 44 ເຂດ, ມີພະນັກງານໄອຍະການປະຈຳເມືອງ ແລະ ອົງການໄອຍະການທະຫານປະກອບດ້ວຍອົງການໄອຍະການທະຫານຂັ້ນສູງ, ອົງການໄອຍະການທະຫານພາກ, ກອງພົນ, ກອງພັນໃຫຍ່, ວິທະຍາຄານ, ໂຮງຮຽນ-ໂຮງໝໍໃຫຍ່ ແລະ ກອງບັນຊາການທະຫານແຂວງ-ນະຄອນຫຼວງ ຊຶ່ງປະຕິບັດໜ້າທີ່ຕິດຕາມກວດກາການເຄົາລົບ ແລະ ປະຕິບັດກົດໝາຍໃນທົ່ວ ກອງທັບ ແລະ ສັ່ງຟ້ອງຜູ້ຖືກຫາຂຶ້ນສານ ຕາມກົດໝາຍ; ລະບົບການຈັດຕັ້ງຂອງອົງການໄອຍະການປະຊາຊົນ ໄດ້ຮັບການປັບປຸງໃຫ້ມີຄວາມໜັກແໜ້ນ, ເຂັ້ມແຂງ ເປັນກ້າວໆ ແລະ ຮັດກຸມກວ່າເກົ່າ; ຮັບປະກັນໄດ້ການປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ; ຖັນແຖວພະນັກງານໄອຍະການ ສ່ວນຫຼວງຫຼາຍ ໄດ້ຮັບການກໍ່ສ້າງ-ບຳລຸງຍົກລະດັບທາງດ້ານຄຸນທາດການເມືອງ ແລະ ວິຊາສະເພາະ, ມີທັດສະນະຫຼັກໝັ້ນການເມືອງ, ມີຄຸນສົມບັດສິນທຳປະຕິວັດຮັບໃຊ້ປະຊາຊົນ ແລະ ຄູ່ຄວາມດ້ວຍຄວາມໂປ່ງໃສ ແລະ ຍຸຕິທຳ, ມີຈິດໃຈສູ້ຊົນຜ່ານຜ່າຄວາມຫຍຸ້ງຍາກ ເຮັດລ້ອນໜ້າທີ່ອັນໜັກໜ່ວງ, ສັບສົນ ເປັນຢ່າງດີ; ໃຕ້ຮົ່ມທຸງຂອງພັກ ອົງການໄອຍະການປະຊາຊົນ ໄດ້ມີຄວາມເຕີບໃຫຍ່ ເຂັ້ມແຂງ ຮອບດ້ານ, ສາມາດປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ ໃນການຕິດຕາມກວດກາການປະຕິບັດກົດໝາຍຂອງທົ່ວສັງຄົມ ແລະ ສັ່ງຟ້ອງຜູ້ຖືກຫາຂຶ້ນສານ ຕາມລັດຖະທຳມະນູນ ແລະ ກົດໝາຍ ຢ່າງສັກສິດ, ປະກອບສ່ວນເຮັດໃຫ້ສັງຄົມ ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ສ້າງເງື່ອນໄຂໃຫ້ປະຊາຊົນ ໄດ້ທໍາມາຫາກິນ, ດໍາລົງຊີວິດຢ່າງຜາສຸກ, ປະເທດຊາດ ໄດ້ຮັບການພັດທະນາທາງດ້ານເສດຖະກິດ-ສັງຄົມ ຂະຫຍາຍຕົວ ແລະ ຈະເລີນຮຸ່ງເຮືອງ ຢ່າງບໍ່ຢຸດຢັ້ງ ສູ່ຈຸດໝາຍສັງຄົມນິຍົມ.ໂດຍ: ຈະເລີນສິນ

อาจเป็นรูปภาพของ 6 คน, ผู้คนกำลังยืน, ผู้คนกำลังนั่ง และ สถานที่ในร่ม
อาจเป็นรูปภาพของ 9 คน และ ผู้คนกำลังยืน
อาจเป็นรูปภาพของ 10 คน และ ผู้คนกำลังยืน
อาจเป็นรูปภาพของ 13 คน, ผู้คนกำลังยืน และ สถานที่ในร่ม
อาจเป็นรูปภาพของ 8 คน, ผู้คนกำลังยืน และ ชุดเครื่องแบบทหาร

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao