ເຂົ້າຮ່ວມທັດສະນະສືກສາ ແລະ ທ່ຽວຊົມງານວາງສະແດງຮູບພາບ 45 ປີ ຢູ່ຫໍພິພິທະພັນ ໄກສອນ ພົມວິຫານ

ໂດຍ ອານຸສັກ ກວາງວັນ

    ໃນຕອນເຊົ້າຂອງວັນທີ  22 ມັງກອນ 2021 ຕາງໜ້າຄະນະບໍລິຫານງານຊາວໜຸ່ມອົງການໄອຍະການປະຊາຊົນສູງສຸດ ນຳໂດຍ ສະຫາຍ ສະນັ່ນ ຜິວວັນນາ  ຄະນະບໍລິຫານງານຊາວໜຸ່ມ  ພ້ອມດ້ວຍຄະນະ 12 ສະຫາຍ.ໄດ້ເຂົ້າຮ່ວມທັດສະນະສືກສາ ແລະ ທ່ຽວຊົມງານວາງສະແດງຮູບພາບ 45 ປີ ແຫ່ງການເຕີບໃຫຍ່ຂະຫຍາຍຕົວຂອງ ສປປ ລາວ ແລະ ການເຄື່ອນໄຫວປະຕິວັດ ຂອງ ປະທານ ໄກສອນ ພົມວິຫານ ຢູຫໍພິພິທະພັນ ໄກສອນ ພົມວິຫານໃນການເຂົ້າຮ່ວມທັດສະນະສືກສາໃນຄັ້ງນີ້ຍັງໄດ້ທ່ຽວຊົມ ແລະ ຮັບຟັງປະຫວັດຄວາມເປັນມາ ແລະ ການເຄື່ອນໄຫວມູນເຊື້ອການປະຕິວັດ ເຕິບໃຫ່ຍຂະຫຍາຍຕົວຂອງພັກປະຊາຊົນ ປະຕິວັດລາວ  ເຊີ່ງ ຜູ້ບັນຍາຍໄດ້ຫວນຄືນເຖີງຊີວະປະຫວັດ ປະທານ ໄກສອນ ພົມວິຫານ ໃນການດຳລົງຊີວິດກ່ອນການປະຕິວັດ ແລະ ຫລັງການປະຕິວັດ ໃນການເຂົ້າຮ່ວມການປະຕິວັດຕໍ່ສູ້ກູ້ຊາດຈາກພວກລ່າເມືອຂື້ນທັງແບບເກົ່າ ແລະ ແບບໃໝ່ ຮ່ວມກັບຜູ້ນຳອື່ນໆ ຈົນສາມາດປົດປ່ອຍປະເທດຊາດໄດ້ຢ່າງສົມບູນຈົນປະກາດສະຖາປະນາເປັນ ສາທາລະນະ ລັດ ປະຊາທິປະໄຕ ປະຊາຊົນລາວ ເມື່ອວັນທີ 2 ທັນວາ ຄ.ສ 1975.  ປະທານ ໄກສອນ ພົມວິຫານ ເປັນນັກຕໍ່ສູ້ທີ່ກ້າແກ່ນສະຫຼຽວສະຫຼາດ, ມີພິບໄຫວ,ເປັນຜູ້ລິເລີ່ມນໍາພາການປະຕິວັດລາວ ນໍາພາປະຊາຊົນລາວບັນດາເຜົ່າ ກໍ່ຄືນໍາພາກອງທັບດ້ວຍຄວາມປີຊາສາມາດ ນໍາພາຂະບວນການປະຕິວັດລາວສຸດກົກສຸດປາຍ,ທ່ານແມ່ນຜູ້ນໍາພາທີ່ຍິ່ງໃຫ່ຍ ,ແມ່ນນັກປະຕິວັດຜູ້ເລີດເດັ່ນ,ແມ່ນນັກທິດສະດີທີ່ປີຊາສາມາດ,ເປັນວິລະບູລຸດທີ່ຊາດ ແລະ ປະຊາຊົນລາວຈົດຈໍາໄວ້ໃນປື້ມປະຫວັດສາດຕະຫຼອດຊົ່ວກາລະນານ    

By admin

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

EnglishLao