ການລົງເຄື່ອນໄຫວວຽກງານ ທາງລັດຖະການຢູ່ອົງການໄອຍະການປະຊາຊົນແຂວງຄຳມ່ວນ, ສະຫວັນນະເຂດ, ຈຳປາສັກ, ສາລະວັນ, ເຊກອງ ແລະ ແຂວງອັດຕະປື

​     ໃນ​ວັນທີ 31 ກໍລະກົດ 2016 ຫາ ວັນ​ທີ 5 ສິງຫາ 2016. ທ່ານ ​ໄຊຊະນະ ​ໂຄດ​ພູທອນ ຮອງ​ເລຂາ​ຄະນະ​ພັກ ຜູ້​ປະຈຳການ, ຮ​ອງຫົວໜ້າ​ອົງການ​ໄອຍະ​ການ​ປະຊາຊົນ​ສູງ​ສຸດ ພ້ອມ​ດ້ວຍ​ຄະນະ 8 ທ່ານ ​ໃນ​ນັ້ນ​ໄດ້ມີ​ການ​ເຄື່ອນ​ໄຫວ​ເຮັດ​ວຽກ​ທາງ​ລັດຖະການ​ຢູ່​ພາກ​ໄຕ້ ຄື: ອົງການ​ໄອ​ຍະ​ການ​ປະຊາຊົນ ​ແຂວງ ອັດ​ຕະປື, ອົງການ​ໄອ​ຍະ​ການ​ປະຊາຊົນ ​ແຂວງ ​ເຊ​ກອງ, ອົງການ​ໄອ​ຍະ​ການ​ປະຊາຊົນ ​ແ​ຂວງ ຈຳປາ​ສັກ, ອົງການ​ໄອ​ຍະ​ການ​ປະຊາຊົນ ​ແຂວງ ສາລະ​ວັນ, ອົງ​ການ​ໄອ​ຍະ​ການ​ປະຊາຊົນ ​ແຂວງ ສະຫວັນ​ນະ​ເຂດ ​ແລະ ອົງການ​ໄອ​ຍະ​ການ​ປະຊາຊົນ ​ແຂວງ ຄຳ​ມ່ວນ.

 

​        ການ​ມາ​ເຄື່ອນ​ໄຫວ​ເຮັດ​ວຽກທາງ​ລັດ​ຖະການໃນ​ຄັ້ງນີ້​ ເພື່ອ​ຕິດຕາ​ມຊູ​ກຍູ້ ​ແລະ ຮັບ​ຟັງ​ການ​ລາຍ​ງານ​ສະພາບ​ການຈັດ​ຕັ້ງ​ປະຕິບັດ​ໜ້າ​ທີ່​ວຽກ​ງານ​ຂອງ​ອົງການ​ໄອຍະ​ການ​ປະຊາຊົນ​ແຂວງ ​ແລະ ອົງການ​ໄອຍະ​ການ​ປະຊາຊົນ​ເຂດ ພ້ອມ​ທັງ​ປະກາດ​ການຈັດ​ຕັ້ງ​ ຂອງ ​ອົງການ​ໄອ​ຍະ​ການ​ປະຊາຊົນ​ແຂວງ​ໃນ​ແຕ່ລະ​ແຂວງ. ​ໂດຍ​ໄດ້​ມີ​ແຂກ​ເຂົ້າ​ຮ່ວມ​ຖືກ​ຮັບ​ເຊີນ​ອ້ອມ​ຂ້າງ​ແມ່ນ ຄະນະ​ຈັດ​ຕັ້ງ​ແຂວງ, ສານ​ປະຊາຊົນ​ແຂວງ, ພະ​ແນ​ກຍຸຕິ​ທຳ, ຕຳ ຫລວດ ​ແລະ ພະນັກງານ​ຫລັກ​ແຫ​ລ່ງຂອງ​ແຂວງ ​ແລະ ​ເຂດ​ເຂົ້າ​ຮ່ວມ ຈຳ​ນວນ 100 ກວ່າ​ທ່ານ ພ້ອມ​ນັ້ນ ທ່ານ ​ໄຊ​ຊະນະ​ ​ໂຄ​ດພູທອນ ຮອງ​ຫົວ ໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ​ກໍ​ໄດ້​ມີ​ຄວາມ​ເຫັນ​​ໂອ້​ລົມ ​ແລະ ​ໃຫ້​ທິດ​ຊີ້​ນໍາ​ຕໍ່​ການ​ປະຕິ​ບັດ​ໜ້າ​ທີ່​ ຂອງ​ ພະນັກງານ​ອົງການ​ໄອຍ​ະການປະຊາຊົນ​ແຕ່ລະ​ແຂວງໂດຍ​ເນັ້ນ​ໃສ່​ວຽກ​ງານ​ສຶກສາ​ອົບຮົມ, ການ​ເມືອງ-​ແນວ​ຄິດ, ​ແບບ​​ແຜນ​ວິທີ​ເຮັດ​ວຽກ, ​ແບບ​​ແຜນ​ວີ​ທີ​ນຳພາ, ວິຊາ​ສະ​ເພາະ, ຍົກ​ລະດັບພະນັກງານ ​ແລະ ການ​ເພີ່ມ​ທະວີ​ຄວາມ​ສາມັກຄີ​ທາງ​ພາຍ​ໃນເພື່ອ​ໃຫ້​ພະນັກງານ​ໄອ​ຍະ​ການ​ປະຊາ​ຊົນນຳ​ໄປ​ຈັດ​ຕັ້ງ​ປະຕິບັດ​ເຂົາ​ໃນ​ວຽກ​ງານ​ຕົວ​ຈິງ.

by:

07/09/2016

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ