ຄະນະພັກ ແລະ ຄະນະນຳຂອງອົງການໄອຍະການປະຊາຊົນແຂວງຈຳປາສັກ

      ວັນທີ 03 ພະຈິກ 2017  ຫົວໜ້າອົງການໄອຍະການປະຊາຊົນແຂວງຈຳປາສັກ ໄດ້ລົງເຄື່ອນໄຫວວຽກງານຫ້ອງການຢູ່ອົງການໄອຍະການປະຊາຊົນເຂດ I ຂື້ນທີ່ຫ້ອງປະຊຸມອົງການໄອຍະການປະຊາຊົນເຂດ I ແຂວງຈຳປາສັກ ພາຍໃຕ້ການເປັນປະທານຂອງ ທ່ານ ສອນສະຫວັນ  ສີວິໄລ  ເລຂາໜ່ວຍພັກ, ຫົວໜ້າອົງການໄອຍະການປະຊາຊົນແຂວງຈຳປາສັກ, ມີຫົວໜ້າອົງການໄອຍະການປະຊາຊົນເຂດ I, ຮອງຫົວໜ້າອົງການໄອຍະການປະຊາຊົນເຂດ I,ຫົວໝ້າ ໜ່ວຍງານຫ້ອງການໄອຍະການປະຊາຊົນ ເຂດ I, ຮອງຫົວໜ້າໜ່ວຍງານຫ້ອງການໄອຍະການປະຊາຊົນ ເຂດ I, ຮອງຫົວໜ້າຫ້ອງການໄອຍະການປະຊາຊົນ ແຂວງ, ພະນັກງານວິຊາການພາຍໃນອົງການໄອຍະການປະຊາຊົນ ແຂວງ ແລະ ເຂດ ເຂົ້າຮ່ວມ.

     

         ຫົວໜ້າອົງການໄອຍະການປະຊາຊົນ ເຂດI ຍັງໄດ້ຜ່ານບົດສະຫຼຸບຫຍໍ້ວຽກງານຫ້ອງການໃນໄລຍະຜ່ານມາ ເຊິ່ງທ່ານຍັງໄດ້ຍົກໃຫ້ເຫັນເຖິງຜົນງານ,ດ້ານດີ,ຂໍ້ຄົງຄ້າງ,ສາເຫດ,ບົດຮຽນທີ່ຖອດຖອນໄດ້ຢ່າງຄົບຖ້ວນແລະຂະບວນການວຽກງານຕ່າງໆທີ່ພະນັກງານ-ລັດຖະກອນພວກເຮົາຍາດມາໄດ້.

 

 

     

        ໃນວາລະ ທ່ານ ສອນສະຫວັນ ສີວິໄລ  ເລຂາໜ່ວຍພັກ, ຫົວໜ້າອົງການໄອຍະການປະຊາຊົນ ແຂວງ ຈຳປາສັກ ຍັງໄດ້ໃຫ້ກຽດໂອ້ລົມ ເພື່ອຊຸກຍູ້ໃຫ້ພະນັກງານ-ລັດຖະກອນຕ້ອງໄດ້ສືບຕໍ່ປະຕິບັດໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍ, ເປັນແບບຢ່າງໃຫ້ແກ່ມະຫາຊົນ, ມີຫົວຄິດປະ ດິດສ້າງໃນການປະຕິບັດວຽກງານວິຊາສະເພາະຂອງຕົນ ແລະ ເຮັດສຳເລັດໜ້າທີ່ໆການຈັດຕັ້ງມອບໝາຍໃຫ້, ອອກແຮງແຂ່ງຂັນປະຕິບັດຄຳຂັວນ 3 ມີ 4 ຮັບປະກັນ ຂອງ ອົງການໄອຍະການປະຊາຊົນໃຫ້ປະສົບຜົນສຳເລັດ.

    

 

ພາບ - ຂ່າວ ຈາກ : ໄອຍະການປະຊາຊົນ ແຂວງ ຈຳປາສັກ

 

 

by:anousack

10/11/2017

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ