ຄະນະຜູ້ແທນຂັ້ນສູງອົງການໄອຍະການປະຊາຊົນສູງສຸດ ສສ ຫວຽດນາມ ປາຖະກະຖາ ໃນ ຫົວຂໍ້ ບາງບັນຫາປັບປຸງໃໜ່ກ່ຽວກັບປະມວນກົດໜາຍແພ່ງ ແລະ ກົດໜາຍປົກຄອງ ແຫ່ງ ສສ ຫວຽດນາມ

      ເພື່ອເປັນການຮ່ວມມື ແລະ ພົວພັນຮອບດ້ານໃນຂົງເຂດກົດໜາຍ ແລະ  ສາຍພົວພັນມິດຕະພາບ ລະຫວ່າງ     ສ ປປ ລາວ ແລະ ສສ ຫວຽດນາມ, ໃນຕອນເຊົ້າຂອງວັນທີ 29  ມີນາ 2018 ທີ່ ອົງການໄອຍະການປະຊາຊົນສູງສຸດ ໄດ້ຈັດ ປາຖະກະຖາ ຂື້ນ ໂດຍ ການເປັນປະທານຮ່ວມຂອງ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ທ່ານ ນາງ ຫງວຽນທິທຸຍ ຄຽມ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ, ໂດຍການ ປາຖະກະຖາ ຄັ້ງນີ້ ແມ່ນ ຄະນະຜູ້ແທນຂັ້ນສູງຂອງອົງການໄອຍະການປະຊາຊົນສູງສຸດ ສສ ຫວຽດນາມ 2 ທ່ານ ເປັນຜູ້ຂື້ນກ່າວປະຖະກະຖາ ໂດຍ ທ່ານ  ເວືອງວັນ ແບບ ຮອງກົມຕິດຕາມກວດກາແກ້ໄຂຄະດີປົກຄອງ ແລະ ທ່ານ ນາງ ຟ້າມຮ່ວງຢຽວ ລິງ ຮອງກົມນິຕິກຳ ແລະ ຄຸມຄອງວິທະຍາດສາດ ໃນນັ້ນ ຂື້ຫົວຂໍ້ ບາງບັນຫາປັບປຸງໃໜ່ກ່ຽວກັບປະມວນກົດໜາຍແພ່ງ ແລະ ກົດໜາຍວ່າດ້ວຍການດຳເນີນຄະດີປົກຄອງ ແຫ່ງ ສສ ຫວຽດນາມ, ເຂົ້າຮ່ວມ ມີ ຄະນະພັກ-ຄະນະນຳ ອອປສ, ບັນດາຫົວໜ້າກົມ-ຮອງກົມ,ຫົວໜ້າຫ້ອງການ,ຫົວໜ້າພະແນກ ແລະ ພະນັກງານທີ່ກ່ຽວຂ້ອງເຂົ້າຮ່ວມ ຈຳນວນ 100 ກວ່າທ່ານ.

 

      ການປາຖະກະຖາໃນຄັ້ງນີ້ແມ່ນໄດ້ມີການສະເໜີກ່ຽວກັບ 2 ຫົວຂໍ້ໃຫ່ຍ ດັ່ງນີ້:ຫົວຂໍ້ທີ່ 1 ບາງບັນຫາປັບປຸງໃໜ່ກ່ຽວກັບປະມວນກົດໜາຍແພ່ງ ແຫ່ງ ສສ ຫວຽດນາມ ເຊີ່ງ ມີເນື້ອໃນໂດຍສັງເຂບຄື:ຈຸດປະສົງ, ທັດສະນະໃນການຊີ້ນຳໃນການສ້າງປະມວນກົດໜາຍແພ່ງ ປີ 2015, ໂຄງສ້າງ ແລະ ເນື້ອໃນພື້ນຖານຂອງການປະມວນກົດໜາຍແພ່ງ ປີ 2015; 

 

ຫົວຂໍ້ທີ່ 2   ບາງບັນຫາປັບປຸງໃໜ່ຂອງກົດໜາຍວ່າດ້ວຍການດຳເນີນຄະດີກົດໜາຍປົກຄອງ ແຫ່ງ ສສ ຫວຽດນາມ ເຊີ່ງມີເນື້ອໃນ ແລະ ຈຸດປະສົງ, ທັດສະນະໃນການຊີ້ນຳການສ້າງປະມວນຜົນກົດໜາຍວ່າດ້ວຍການດຳເນີນຄະດີປົກຄອງ, ທີ່ຕັ້ງ ແລະ ພາລະບົດບາດ,ສິດ ແລະ ໜ້າທີ່ ຂອງອົງການໄອຍະການປະຊາຊົນໃນກົດໜາຍວ່າດ້ວຍການດຳເນີນຄະດີປົກຄອງ ປີ 2015, ໂຄງສ້າງ ແລະ ເນື້ອໃນພື້ນຖານຂອງກົດໜາຍວ່າດ້ວຍການດຳເນີນຄະດີປົກຄອງ.

ການປາຖະກະຖາໃນຄັ້ງນີ້ແມ່ນມີຄວາມໜາຍ ແລະ ຄວາມສໍາຄັນຫຼາຍເພາະໄດ້ເຮັດໃຫ້ພະນັກງານອົງການໄອຍະການປະຊາຊົນ ແຫ່ງ ສປປ ລາວ ໄດ້ຮັບຮູ້ກ່ຽວກັບບົດຮຽນອັນໃໜ່ ແລະ ອັນຄ້າຍຄື ແລະ ຄວາມແຕກຕ່າງລະຫວ່າງ ລະບົບກົດໜາຍຂອງສອງປະເທດ ໂດຍສະເພາະ ແມ່ນກົດໜາຍວ່າດ້ວຍການດຳເນີນຄະດີປົກຄອງ, ໃນປັດຈຸບັນກົດໜາຍວ່າດ້ວຍການດຳເນີນຄະດີປົກຄອງ ຢູ່ ສປປ ລາວ ເຮົາຍັງບໍ່ທັນມີກົດໜາຍສະບັບນີ້ເທື່ອ.

                                                            

 ສະນັ້ນ, ຈື່ງເປັນບົດຮຽນອັນສຳຄັນ ແລະ ມີຄຸນປະໂຫຍດຢ່າງຫຼວງຫຼາຍເຂົ້າໃນການຄົ້ນຄ້ວາ ແລະ ເປັນຂໍ້ມູນໃນການສ້າງກົດໜາຍສະບັບນີ້ໃນອານາຄົດ.

                                                      

by:sack

29/03/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ