ແລກປ່ຽນບົດຮຽນລະຫວ່າງອົງການໄອຍະການ ສປປ ລາວ ແລະ ສ. ສິງກະໂປ

       ຕອນບ່າຍຂອງວັນທີ 21 ກຸມພາ 2018 ທີ່ອົງການໄອຍະການປະຊາຊົນສູງສຸດ, ທ່ານ ໄຊຊະນະ ໂຄດພູທອນ ຮອງຫົວໜ້າ ອົງການໄອຍະການປະຊາຊົນສູງສຸດ ພ້ອມດ້ວຍພະນັກງານຫຼັກແຫຼ່ງຂອງ ກົມຕິດຕາມກວດກາ ຄະດີອາຍາ ໄດ້ຕ້ອນຮັບການເຂົ້າຢ້ຽມຄ່ຳນັບຂອງຄະນະຜູ້ແທນອົງການໄອຍະການສູງສຸດ ແຫ່ງ ສ. ສິງກະໂປ ຊື່ນຳພາໂດຍ: ທ່ານ Mr. Luck, SC Solicilor-Genral ( ຜູ້ຊ່ວຍຫົວໜ້າອົງການໄອຍະການສູງສຸດ ), ຈາກນັ້ນທັງສອງຝ່າຍກໍ່ໄດ້ແລກປ່ຽນບົດຮຽນຫຼາຍບັນຫາ ຊຶ່ງຕ່າງຝ່າຍກໍມີຄວາມສົນໃຈກັບພາລະບົດບາດສິດໜ້າທີ່ຂອງອົງການໄອຍະການແຕ່ລະປະເທດ ຊື່ງມີບັນຫາຍົກຂື້ນສົນທະນາດັ່ງນີ້:

  1. ກ່ຽວກັບໂຄງການປະກອບການຈັດຕັ້ງ, ພາລະບົດບາດຂອງອົງການໄອຍະການ ແຫ່ງ ສປປ ລາວ ແລະ ສິງກະໂປ;
  2. ລະບົບກົດໝາຍ ແລະ ລະບົບຄວາມຍຸຕິທຳທາງອາຍາ ຂອງສອງປະເທດ;
  3. ຂອບເຂດສິດ ແລະ ໜ້າທີ່ຂອງອົງການໄອຍະການ ນການດຳເນີນຄະດີອາຍາ;
  4. ການດຳເນີນຄະດີອາຍາ ໃນຂັ້ັນຕອນການສືບສວນ - ສອບສວນ, ການສັ່ງຟ້ອງຜູ້ຖືກຫາຂຶ້ນສານ ແລະ ການພິຈາລະ ນາຄຳຕັດສີນຄະດີຂອງສານ;
  5. ການກະທຳໃດແດ່ທີ່ກໍ່ຄວາມເສຍຫາຍແກ່ສັງຄົມ, ແຕ່ກົດໝາຍອາຍາ ແຫ່ງ ສປປ ລາວ ບໍ່ໄດ້ກຳນົດເປັນການກະທຳຜິດທາງອາຍາ ແລະ ບໍ່ກຳນົດໂທດ;
  6. ຄວາມຫຍຸ້ງຍາກໃນການສືບສວນ-ສອບສວນ ແລະ ການເກັບໂຮມຂໍ້ມູນຫຼັກຖານໃນກໍລະນີ ຜູ້ຖືກສົງໃສຢູ່ຕ່າງປະ ເທດ;
  7. ຫຼັກການ ແລະ ການປະຕິບັດຕົວຈິງໃນການຈັດຕັ້ງປະຕິບັດຄຳຮ້ອງຂໍຂອງຕ່າງປະເທດ ສຳລັບການສົ່ງຜູ້ຮ້າຍຂ້າມແດນ ຫຼື ການຮ້ອງຂໍຄວາມຊ່ວຍເຫຼືອເຊີ່ງກັນ ແລະ ກັນໃນບັນຫາທາງອາຍາ.

   ນອກຈາກ 07 ປະເດັ່ນນີ້ແລ້ວ ທັງສອງຝ່າຍຫຍັງໄດ້ແລກປ່ຽນບັນຫາອື່ນໆ ທີ່ຕິດພັນກັບວຽກງານຂອງສອງອົງການໄອຍະການ ໂດຍສະເພາະແມ່ນຂໍ້ສະດວກ ແລະ ຂໍ້ຫຍຸ້ງຍາກໃນການຈັດຕັ້ງປະຕິບັດຕົວຈິງຢູ່ແຕ່ລະປະເທດລວມທັງຂອດການປະສານສົມທົບລະຫວ່າງໄອຍະການ ແລະ ເຈົ້າໜ້າທີ່ຕຳຫຼວດ.

     ການພົບປະແລກປ່ຽນບົດຮຽນຄັ້ງນີ້ ມີຄວາມໝາຍຄວາມສຳຄັນຫຼາຍ ຊື່ງເປັນຂໍ້ມູນໃນການນຳໄປພັດທະນາວຽກງານໄອຍະການ, ລະບົບກົດໝາຍ, ລະບົບຄວາມຍຸຕິທຳທາງອາ ຍາ ແລະ ວຽກງານດ້ານອື່ນໆໃຫ້ເກີດຜົນດີໃນຕໍ່ໜ້າ.

by:sack

04/04/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ