ກອງປະຊຸມເຊື່ອມຊຶມລັດຖະບັນຍັດປະທານປະເທດວ່າດ້ວຍການໃຫ້ອະໄພຍະໂທດ, ໃຫ້ຄະນະກໍາມະການອະໄພຍະໂທດທົ່ວປະເທດ

         ກອງປະຊຸມເຊື່ອມຊຶມ ລັດຖະບັນຍັດ ປະທານປະເທດ ວ່າດ້ວຍການໃຫ້ອະໄພຍະໂທດ, ໃຫ້ຄະນະກໍາມະການອະໄພຍະໂທດ ທົ່ວປະເທດ ໄດ້ໄຂຂຶ້ນໃນວັນທີ 9 ເມສາ 2018 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງ ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ປະທານຄະນະກໍາມະການອະໄພຍະໂທດ ລະດັບຊາດ, ເຂົ້າຮ່ວມກອງປະຊຸມມີບັນດາທ່ານຄະນະກໍາມະການອະໄພຍະໂທດ ລະດັບຊາດ, ລະດັບກະຊວງ ແລະ ລະດັບແຂວງ-ນະຄອນຫຼວງຈໍານວນ 150 ທ່ານ.

      ກອງປະຊຸມໄດ້ພ້ອມກັນຄົ້ນຄວ້າເຊື່ອມຊຶມ ເນື້ອໃນລັດຖະບັນຍັດ ຂອງປະທານປະເທດ ວ່າດ້ວຍການໃຫ້ອະໄພຍະໂທດ ແລະ ບັນດານິຕິກໍາກ່ຽວຂ້ອງການອະໄພຍະໂທດ ຈາກກະຊວງປ້ອງກັນຄວາມສະຫງົບ, ກະຊວງຍຸຕິທໍາ ແລະ ສານປະຊາຊົນສູງສຸດ, ຜູ້ເຂົ້າຮ່ວມກອງປະຊຸມຍັງແລກປ່ຽນຄໍາຄິດເຫັນ ເພື່ອສ້າງຄວາມຮັບຮູ້ ແລະ ເປັນເອກະພາບໃນການຈັດຕັ້ງ ລັດຖະບັນຍັດ ຂອງປະທານປະເທດ ວ່າດ້ວຍການໃຫ້ອະໄພຍະໂທດ ຄື: ຈຸດປະສົງ, ນະໂຍບາຍ, ຫຼັກການ, ເງື່ອນໄຂ, ວິທີ, ຂັ້ນຕອນການຄົ້ນຄວ້າໃຫ້ອະໄພຍະໂທດ ແລະ ບັນຫາອື່ນໆ...

      ໃນຕອນທ້າຍຂອງກອງປະຊຸມໄດ້ຟັງການຊີ້ນໍາຈາກທ່ານ ປອ ສອນໄຊ ສີພັນດອນ ຮອງນາຍົກ ລັດຖະມົນຕີ ປະທານຄະນະກໍາມະການອະໄພຍະໂທດ ລະດັບຊາດ ເຊິ່ງທ່ານໄດ້ເນັ້ນໜັກຫຼາຍບັນຫາເປັນຕົ້ນ ລັດຖະບັນຍັດ ຂອງປະທານປະເທດ ວ່າດ້ວຍການໃຫ້ອະໄພຍະໂທດ ແມ່ນແນວທາງນະໂຍບາຍອັນຖືກຕ້ອງດ້ານມະນຸດສະທໍາຂອງພັກ-ລັດຖະບານ ສປປ ລາວ

       

      ສະນັ້ນ ຄະນະກໍາມະການອະໄພຍະໂທດ ລະດັບຕ່າງໆ ຕ້ອງຍົກສູງຄວາມຮັບຜິດຊອບຂອງຕົນຕໍ່ພັກ-ລັດຖະບານ ໃນການຈັດຕັ້ງປະຕິບັດ ລັດຖະບັນຍັດ ຂອງປະທານປະເທດ ວ່າດ້ວຍການໃຫ້ອະໄພຍະໂທດ ແລະ ການຈັດຕັ້ງຜັນຂະຫຍາຍ ລັດຖະບັນຍັດ ຂອງປະທານປະເທດ ວ່າດ້ວຍການໃຫ້ອະໄພຍະໂທດ.

ຕ້ອງປະຕິບັດລະບອບເຮັດວຽກເອກະພາບ, ເປັນໝູ່ຄະນະ, ຮັບປະກັນຄວາມຖືກຕ້ອງ, ຍຸຕິທໍາ, ໂປ່ງໃສ ແລະ ທັນເວລາ, ປະຕິບັດກົນໄກປະສານສົມທົບ ລະຫວ່າງສາຍຕັ້ງ, ສາຍຂວາງ ພ້ອມກັນນັ້ນ ຕ້ອງເອົາໃຈໃສ່ເຮັດວຽກໂຄສະນາ ລັດຖະບັນຍັດ ຂອງປະທານປະເທດ ວ່າດ້ວຍການໃຫ້ອະໄພຍະໂທດ ໃຫ້ແກ່ນັກໂທດ ແລະ ທົ່ວສັງຄົມທຸກຊັ້ນຄົນຢ່າງກວ້າງຂວາງ ໃຫ້ເຫັນໄດ້ແນວທາງອັນຖືກຕ້ອງດ້ານມະນຸດສະທໍາຂອງ ພັກ-ລັດຖະບານ ສປປ ລາວ.

 

by:sack

11/04/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ