ພິທີມອບ-ຮັບ ໂຄງການກໍ່ສ້າງຫ້ອງການໄອຍະການປະຊາຊົນເຂດ I ເມືອງ ຊຳເໜືອ, ແຂວງ ຫົວພັນ ໃນຄັ້ງວັນທີ 18 ພຶດສະພາ 2018

      ໃນວັນທີ 18 ພຶດສະພາ 2018, ທີ່ ອົງການໄອຍະການປະຊາຊົນ ເຂດ I ເມືອງ ຊຳເໜືອ, ແຂວງ ຫົວພັນ ໄດ້ມີພິທີ ມອບ-ຮັບ ໂຄງການກໍ່ສ້າງຫ້ອງການໄອຍະການປະຊາຊົນເຂດ I ຂື້ນຢ່າງເປັນທາງການ,ໂດຍ ແມ່ນອົງການໄອຍະການປະຊາຊົນ ແຂວງ ຫົວພັນ ເປັນເຈົ້າຂອງໂຄງການ ແລະ ບໍລິສັດວົງນະຄອນກໍ່ສ້າງເປັນຜູ້ຮັບເໜົາກໍ່ສ້າງ, ໃຫ້ກຽດເຂົ້າຮ່ວມ ແລະ ເປັນປະທານ ພິທີດັ່ງກ່າວ ໂດຍ ທ່ານ ຄຳສານ ສຸວົງ ກຳມະການສູນກາງພັກ,ຫົວໜ້າອົງການໄອຍະການປະຊາຊົນສູງສຸດ, ມີ ຫົວໜ້າກົມ-ຮອງກົມ, ຫົວໜ້າຫ້ອງການ ອອປສ, ມີບັນດາແຂກຖືກເຊີນເຂົ້າຮ່ວມຈາກອົງການໄອຍະການປະຊາຊົນພາກເໜືອ, ການນໍາຂອງແຂວງ ແລະ  ພາກສ່ວນທີ່ກ່ຽວຂ້ອງອ້ອມ ແຂວງ ຫົວພັນ  ເຂົ້າຮ່ວມຈຳນວນ 50 ກວ່າຄົນ.

   ໃນພິທີ ທ່ານ ເຄນ ວົງນະຄອນ ຜູ້ອຳນວຍການບໍລິສັດວົງນະຄອນກໍ່ສ້າງ ໄດ້ຂຶ້ນລາຍງານສະພາບລວມກ່ຽວກັບການກໍ່ສ້າງໂຄງການຫ້ອງການໄອຍະການປະຊາຊົນເຂດ I ເມືອງ ຊຳເໜືອ ,ແຂວງ ຫົວພັນ ແລະ ກ່າວມອບໂຄງການກໍ່ສ້າງຫ້ອງການດັ່ງກ່າວໃຫ້ເຈົ້າຂອງໂຄງການໂດຍແມ່ນ ອົງການໄອຍະການປະຊາຊົນ ແຂວງ ຫົວພັນ ເພື່ອນຳໃໍຊ້ເປັນຫ້ອງການຂອງອົງການໄອຍະການປະຊາຊົນເຂດ I ແຂວງ ຫົວພັນ ,ໂຄງການກໍ່ສ້າງດັ່ງກ່າວ ເປັນອາຄານຊັ້ນດຽວມີຂະໜາດລວງຍາວ 36 ແມັດ, ລວງກວ້າງ 15,5 ແມັດ, ມີເນື້ອທີ່ນໍາໃຊ້:   ມີລະບົບແອເຢັນ, ໄຟຟ້າ, ນໍ້າປະປາຄົບຊຸດ,ໂດຍແມ່ນໃຊ້ແຫຼ່ງທຶນງົບປະມານຂອງລັດ 100 % ມູນຄ່າຂອງການກໍ່ສ້າງລວມເປັນເງິນທັງໝົດແມ່ນ: 3.754.964.296.8 ກີບ (ສາມຕື້ເຈັດຮ້ອຍຫ້າສິບສີ່ລ້ານເກົ້າແສນຫົກສິບສີ່ພັນສອງຮ້ອຍເກົ້າສິບຫົກຈຸດແປດ ກີບ), ປັດຈຸບັນຖືວ່າການກໍ່ສ້າງຫ້ອງການໄອຍະການປະຊາຊົນເຂດ I  ເມືອງ ຊໍາເໜືອ, ແຂວງ ຫົວພັນ ແມ່ນສຳເລັດ100%.

      ໃນພິທີ ມອບ-ຮັບໂຄງການ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ໄດ້ມີຄໍາເຫັນໂດຍໄດ້ຍົກໃຫ້ເຫັນວ່າໂຄງການກໍ່ສ້າງຫ້ອງການອົງການໄອຍະການປະຊາຊົນເຂດ I  ແຂວງ ຫົວພັນ ນີ້ແມ່ນໜື່ງໃນຈັດຕັ້ງປະຕິບັດໂຄງການກໍ່ສ້າງສຳນັກງານອົງການໄອຍະການປະຊາຊົນເຂດໃນຂອບເຂດທົ່ວປະເທດເພື່ອໃຫ້ມີບ່ອນເຮັດວຽກຖາວອນ ພ້ອມທັງຮຽກຮ້ອງມາຍັງຖັນແຖວພະນັກງານຈົ່ງພ້ອມກັນປົກປັກຮັກສາບູລະນະ ແລະ ນຳໃຊ້ຫ້ອງການດັ່ງກ່າວເຂົ້າໃນການເຄື່ອນໄຫວປະຕິບັດພາລະບົດບາດ, ສິດໜ້າທີ່ຂອງຕົນໃຫ້ມີປະສິດທິພາບ, ປະສິທິຜົນ; ແລະ ຕາງໜ້າຄະນະພັກ-ຄະນະນໍາ ອົງການໄອຍະການປະຊາຊົນສູງສຸດ ສະແດງຄວາມຂອບໃຈມາຍັງ ຄະນະພັກ-ຄະນະນຳ ແຂວງ ຫົວພັນ ທຸກພາກສ່ວນທີ່ກ່ຽວຂ້ອງ ທີ່ໄດ້ໃຫ້ການຮ່ວມມື ແລະ ສະແດງຄວາມຊົມເຊີຍມາຍັງ ບໍລິສັດ ວົງນະຄອນກໍ່ສ້າງ ທີ່ໄດ້ຈັດຕັ້ງປະຕິບັດໂຄງການດັ່ງກ່າວສຳເລັດ ແລະ ໄດ້ມອບຮັບຢ່າງເປັນທາງການ.

by:sack

23/05/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ