ປາຖະກະຖາເຜີຍແຜ່ເອກະສານສະພາບລາວ-ກຳປູເຈຍໃນປັດຈຸບັນ

       ເພື່ອເປັນການຫວນຄືນມູນເຊື້ອປະຫວັດຄວາມເປັນມາ ລະຫວ່າງ ສາຍພົວພັນສອງຊາດ ລາວ-ກໍາປູເຈຍ ຢູ່ທີ່ ອົງການໄອຍະການປະຊາຊົນສູງສຸດ (ອອປສ) ໄດ້ຈັດຕັ້ງກາເຜີຍແຜ່ເອກກະສານສະພາບລາວ-ກໍາປູເຈຍ ຂື້ນ ໃນຄັ້ງວັນທີ 31 ພຶດສະພາ 2018, ໂດຍ ການໃຫ້ກຽດຂື້ນເຜີຍແຜ່ເອກະສານໃນຄັ້ງນີ້ ທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີ ກະຊວງການຕ່າງປະເທດ,ໃຫ້ກຽດເຂົ້າຮ່ວມຮັບຟັງມີ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ, ມີ ຄະນະພັກ-ຄະນະນຳ(ອອປສ), ບັນດາຫົວໜ້າກົມ, ຮອງຫົວໜ້າກົມ - ຫ້ອງການ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານ-ລັດຖະກອນທັງໜົດເຂົ້າຮ່ວມຈໍານວນ 100 ກ່ວາທ່ານ.

       ທ່ານ ຮອງລັດຖະມົນຕີ ກະຊວງການຕ່າງປະເທດ ກ່າວວ່າ: ຈຸດປະສົງ ໃນການເຜີຍແຜ່ເອກະສານໃນຄັ້ງນີ້ກໍເພື່ອໃຫ້ພະນັກງານຫຼັກແຫ່ຼງ ນໍາພາ-ຄຸ້ມຄອງ ໄດ້ຮັບຮູ້ຄວາມເປັນມາທາງດ້ານປະຫວັດສາດ ລະຫວ່າງ ລາວ-ກໍາປູເຈຍ ນັບແຕ່ໄລະຍະການຕໍ່ສູ້ປົດປ່ອຍຊາດເພື່ອເປັນຄວາມເອກະລາດຈົນເຖີງປັດຈຸບັນ. ເຊີ່ງໃນ 1995 ລັດຖະບານສອງປະເທດໄດ້ຕົກລົງກັນເຫັນດີໃຫ້ມີການສໍາຫຼວດ ແລະ ປັກຫຼັກຊາຍແດນຮ່ວມກັນໂດຍອີງໃສ່ 4 ຫຼັກການພື້ນຖານ ທີ່ຕົກລົງກັນຄື: 1. ບົນພື້ນຖານຮັບຮູ້ເຂດແດນຕິດຈອດກັນ,ເຂດແດນທີ່ມີມາແຕ່ຕົກເປັນຫົວເມືອງຂື້ນ ໂດຍອີງຕາມແຜນທີ່ 1/100.000 ແລະ ແຜນທີ່ອື່ນໆທີ່ກ່ຽວຂ້ອງພີມອອກແຕ່ປີ 1933-1953 ໂດຍ ພະແນກແຜນທີ່ອິນໂດຈີນ; 2. ບົນພື້ນຖານຫຼັກການຕ່າງໆທີ່ສາກົນຮັບຮູ້ກ່ຽວກັບການຂີດເສັ້ນຊາຍແດນ; 3.ບົນພື້ນຖານທີ່ຄໍານືງເຖີງເຂດທີ່ປະຊາຊົນຄຸ້ມຄອງຕົວຈິງທີ່ສືບທອດກັນມາຫຼາຍເຊັ່ນຄົນ; 4 ບົນພື້ນຖານຄວາມສະເໜີພາບ, ທ່ຽງທໍາ, ສົມເຫດສົມຜົນ,ຜ່ອນສັ້ນຜ່ອນຍາວໃຫ້ກັນ, ເຄົາລົບສິດ ແລະ ຜົນປະໂຫຍດຕໍ່ກັນ ແລະ ເປັນເອກະພາບຢ່າງສົມບູນ.

        ສະພາບການສໍາຫຼວດບໍລິເວນຫຼັກຊາຍແດນ ແລະ ບັນຫາທີ່ເກີດຂື້ນທີ່ພົວພັນເຖີງຊາຍແດນແມ່ນມີຄວາມຫຍຸ້ງຍາກ ແລະ ໄດ້ສົ່ງຜົນສະທ້ອນໃນການຕົກລົງໃນການປັກຫລັກເຂດຊາຍແດນ. ດັ່ງນັ້ນ, ເພື່ອໃຫ້ພະນັກງານສະມາຊີກພັກ ປະຊາຊົນບັນດາເຜົ່າ ໄດ້ຮັບຮູ້ ແລະ ເຂົ້າໃຈແຈ້ງຕື່ມ ແລະ ເປັນເອກະພາບສູງກ່ຽວກັບທັດສະນະທິດທາງຂອງສູນກາງພັກປະຊາຊົນປະຕິວັດລາວກ່ຽວກັບການແກ້ໄຂບັນຫາດັ່ງກ່າວ, ພັກ-ລັດ ກໍໄດ້ພະຍາຍາມຊອກຫາຊ່ອງທາງເພື່ອແກ້ໄຂສະຖານະການໃຫ້ຜ່ອນຄາຍລົງ ແລະ ຫາທາງອອກຢ່າງສິດເສລິພາບ,ປະຊາທິປະໄຕ ແລະ ມີສະຕິລະວັງຕົວ ເຊື່ອໜັ້ນ ແລະ ກໍາແໜ້ນແນວທາງຂອງ ຄະນະພັກ-ຄະນະນໍາ ສປປ ລາວ ຈົ່ງມີນ້ຳໃຈຮັກຊາດ ແລະ ປົກປັກຮັກສາປະເທດຊາດໃຫ້ມີຄວາມໜັ້ນຄົງຕະຫຼອດໄປ. ທັງໜົດເຫຼົ່ານັ້ນກໍເປັນການປຸກລະດົມໃຫ້ພະນັກງານສະມາຊິກພັກ,ປະຊາຊົນບັນເຜົ່າເຂົ້າໃຈ ໂດຍສະເພາະ ແຂວງ ແລະ ທ້ອງຖີ່ນທີ່ມີຊາຍແດນຕິດຈອດກັບປະເທດ.

by:sack

31/05/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ