ກອງປະຊຸມພົບປະຄະນະປ້ອງກັນພາຍໃນ ອອປສ ຮ່ວມກັບ ຄະນະປ້ອງກັນພາຍໃນ (ກົມ 200) ກະຊວງ ປກສ 17 ສິງຫາ 2018

        ເພື່ອເປັນການຈັດຕັ້ງຜັນຂະຫຍາຍກ່ຽວກັບລະບຽບການປະສານງານ ລະຫວ່າງ ກົມປ້ອງກັນພາຍໃນ ກະຊວງ ປກສ ແລະ ຄະນະປ້ອງກັນພາຍໃນອົງການໄອຍະການປະຊາຊົນສູງສຸດ ສະບັບເລກທີ 005/ອອປສ.ຄປນ ລົງວັນທີ 20 ສິງຫາ 2010;  ໃນຕອນເຊົ້າຂອງວັນທີ 17 ສິງຫາ 2018 ໄດ້ຈັດ ກອງປະຊຸມ ພົບປະ ຄະນະປ້ອງກັນພາຍໃນ ອອປສ ຮ່ວມກັບ ກົມ 200 ກະຊວງ ປກສ ຂຶ້ນຢ່າງເປັນທາງການ ທີ່ຫ້ອງປະຊຸມຊັ້ນ 03 ອອປສ ໂດຍການເປັນປະທານ ຂອງສະຫາຍ ຈັນທີ ໂປລິວັນ ກໍາມະການຄະນະບໍລິຫານງານພັກ, ຜູ້ຊີ້ນໍາວຽກງານປ້ອງກັນພາຍໃນ ອົງການໄອຍະການປະຊາຊົນສູງສຸດ, ທັງເປັນຫົວໜ້າກົມກວດກາຄະດີອາຍາ  ແລະ ໃຫ້ກຽດເຂົ້າຮ່ວມ ທ່ານ ພັທ ສຸລີນ ມະນີພູໃສ ຮອງຫົວໜ້າກົມ 200 ກະຊວງ ປກສ ພ້ອມດ້ວຍຄະນະ ແລະ  ຜູ້ເຂົ້າຮ່ວມທັງໜົດ 08 ທ່ານ.

       ໂດຍການປະຕິບັດຕາມຂໍ້ຕົກລົງຂອງ ທ່ານ ຫົວໜ້າອົງການໄອຍະການປະຊາຊົນສູງສຸດວ່າດ້ວຍການແຕ່ງຕັ້ງຄະນະປ້ອງກັນພາຍໃນ ອອປສ ສະບັບເລກທີ 124/ອອປສ,ລົງວັນທີ 24 ພະຈິກ 2014 ແລະ ການປະສານສົມທົບທັງສອງຝ່າຍໃນໄລຍະຜ່ານມາ ກອງປະຊຸມໄດ້ຖອດຖອນບົດຮຽນ ແລະ ແລກປ່ຽນໃນການເຄື່ອນໄຫວໜ້າທີ່ວຽກງານຂອງຄະນະປ້ອງກັນພາຍໃນ ອອປສ ໃນໄລຍະ 06 ຜ່ານມາເຫັນວ່າມີຄວາມສະຫງົບ,ປອດໄພດີ.

ແລະ ສຶບຕໍ່ຜັນຂະຫຍາຍວຽກງານປ້ອງກັນຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍພາຍໃນສຳນັກງານ ອອປສ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ແລະ ອຍກ ພາກກາງ ໃນ 06 ເດືອນທ້າຍປີ 2018 ໃຫ້ມີຄວາມສະຫງົບປອດໄພ 100% ໃນວັນສໍາຄັນຕ່າງໆ ຂອງຊາດ ແລະ ຂອງສາກົນ.  

     

by:sack

20/08/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ