ອົງການໄອຍະການປະຊາຊົນສູງສຸດ ເປີດຊຸດຝືກອົບຮົມໃນຫົວຂໍ້ ‘ໄມໂຄຊ໋ອບ ເອັກເຊວ 2010’

     ເພື່ອເປັນການປະຕິບັດຂໍ້ຕົກລົງວ່າດ້ວຍການແຕ່ງຕັ້ງ ຄະນະຮັບຜິດຊອບເຮັດວຽກຮ່ວມກັບ ອາສາສະໜັກ ຊ່ຽວຊານໄອຊີທີ ສາທາລະນະລັດ ເກົາຫລີ. ຂໍ້ຕົກລົງວ່າດ້ວຍການອະນຸມັດໄຂຊຸດຝຶກອົບຮົມກ່ຽວກັບການນຳໃຊ້ ໄມໂຄຊ໋ອບ ເອັກເຊວ 2010 ຢູ່ ອົງການໄອຍະການປະຊາຊົນສູງສຸດ ເລກທີ 476/ອອປສ ລົງວັນທີ 21/08/2018 ແລະ ຂໍ້ຕົກລົງວ່າດ້ວຍການອະນຸມັດໃຫ້ພະນັກງານເຂົ້າຮ່ວມຊຸດຝຶກອົບຮົມກ່ຽວກັບການນໍາໃຊ້ ໄມໂຄຊ໋ອບ ເອັກເຊວ 2010 ເລກທີ 477/ອອປສ ວັນທີ 21/08/2018 ໃນລະຫວ່າງວັນທີ 18 ກັນຍາ ຫາ 01 ພະຈິກ 2018. 

 

      ໃນຕອນເຊົ້າຂອງ ວັນທີ 18 ກັນຍາ 2018, ເວລາ 9:30 ເຊົ້າ ທີ່ ຫ້ອງການ ອົງການໄອຍະການປະຊາຊົນສູງສຸດ, ໄດ້ເປີດຝຶກອົບຮົມວຽກງານໄອທີ ໃນຫົວຂໍ້ ‘ໄມໂຄຊ໋ອບ ເອັກເຊວ 2010’ ຂຶ້ນຢ່າງເປັນທາງການ ໂດຍເປັນກຽດຂອງ ທ່ານ ຈັນທະບູນ ເພັງຄຳໃສ ຮອງຫົວໜ້າຫ້ອງການອົງການໄອຍະການປະຊາຊົນສູງສຸດ, ຕາງໜ້າບັນດາກົມ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ອົງການໄອຍະການປະຊາຊົນພາກກາງ, ອົງການໄອຍະການປະຊາຊົນ ນະຄອນຫລວງ, ອົງການໄອຍະການປະຊາຊົນ ເຂດ 1,2,3 ແລະ 4 ນະຄອນຫລວງ ຈຳນວນ 09 ທ່ານ.

     ໃນນັ້ນ ມີຄະນະຮັບຜິດຊອບໂດຍແມ່ນ ພະແນກ ເຕັກນິກຂໍ້ມູນ ແລະ ຂ່າວສານ ແລະ ຊ່ຽວຊານ ຄູຝຶກຈາກ ມູນນິທິຄົ້ນຄວ້າ ສາທາລະນະເກົາຫລີ ໃນຄັ້ງນີ້.  ຈຸດປະສົງໃນການຝຶກອົບຮົມໃນຄັ້ງນີ້ ເພື່ອເປັນການຍົກລະດັບຄວາມຮູ້ ຄວາມສາມາດ ທັກສະຂອງອ້າຍນ້ອງພະນັກງານ-ລັດຖະກອນ ໃຫ້ຮູ້ຈັກນຳໃຊ້ລະບົບໄອທີ ເວົ້າລວມ,ເວົ້າສະເພາະ ແມ່ນການນໍາໃຊ້ຂັ້ນພື້ນຖານຂອງ ໄມໂກຊ໋ອບ ເອັກເຊວ 2010

    ໃຫ້ມີຄວາມຄ່ອງແຄ້ວດີຂຶ້ນເທື່ອລະກ້າວ ແລະ ສາມາດໝູນໃຊ້ເຂົ້າສູ່ວຽກງານທຸກໆຂະແໜງການໄດ້ເປັນຢ່າງດີ. ນອກຈາກນັ້ນກໍໄດ້ຮັບຮູ້ ແລະ ເຂົ້າທາງດ້ານລະບຽບຫລັກການ ແລະ ເຕັກນິກທາງດ້ານວິຊາການ ໃນລະດັບໃດໜຶ່ງ.

by:sack

18/09/2018

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ