ອົງການໄອຍະການປະຊາຊົນສູງສຸດ ຫວນຄືນມູນເຊື້ອ ວັນສ້າງຕັ້ງ ເມືອງ ວຽງໄຊ ແຂວງ ຫົວພັນ ຄົບຮອບ 50 ປີ.

         ອົງການໄອຍະການປະຊາຊົນສູງສຸດ (ອອປສ) ໄດ້ຈັດພິທີປາຖະກະຖາຫວນຄືນມູນເຊື້ອວັນສ້າງຕັ້ງເມືອງ ວຽງໄຊ ຖານທີ່ໜັ້ນຂອງການປະຕິວັດລາວ ຄົບຮອບ 50 ປີ (30 ພະຈິກ 1968-30 ພະຈິກ 2018) ເຊີ່ງໄດ້ຈັດຂື້ນໃນວັນທີ 21 ພະຈິກ 2018 ທີ່ຫ້ອງປະຊຸມໃຫ່ຍຊັ້ນ 01 ອົງການໄອຍະການປະຊາຊົນສູງສຸດ ໂດຍ ໃຫ້ກຽດ ປາຖະກະຖາ ຂອງ ທ່ານ ກິແກ້ວ ໄຂຄໍາພິທູນ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ. ເຂົ້າຮ່ວມມີ ບັນດາ ທ່ານ ຄະນະພັກ-ຄະນະນໍາ, ບັນດາຫົວໜ້າກົມ, ຫ້ອງການ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານລັດຖະກອນເຂົ້າຮ່ວມທັງໜົດແມ່ນ 150 ກວ່າທ່ານ.

 

         ທ່ານ ກິແກ້ວ ໄຂຄໍາພິທູນ ກໍຍັງໄດ້ເນັ້ນຈຸດປະສົງ ແລະ ໄດ້ຍົກໃຫ້ເຫັນຄວາມໜາຍຄວາມສໍາຄັນ ຂອງ​ການ​ສ້າງ­ຕັ້ງ​ເມືອງ​ວຽງ​ໄຊ ຖານ​ທີ່​ໝັ້ນ​ຂອງ​ການ​ປະ­ຕິ­ວັດ​ລາວ ມູນ­ເຊື້ອ​ຄວາມ​ປີ​ຊາ​ສາ­ມາດ ຄວາມ​ສະ­ຫຼາດ​ສ່ອງ​ໃສ​ຂອງ​ພັກ​ປະ­ຊາ­ຊົນ​ປະ­ຕິ­ວັດ​ລາວ ໃນ​ການ​ນຳ­ພາ​ການ​ປະ­ຕິ­ວັດ ເປັນ​ການ​ລະ­ນຶກ​ຈົດ​ຈຳ​ລ້ຳ​ລຶກ​ໄຊ­ຊະ­ນະ​ອັນ​ຍິ່ງ​ໃຫຍ່​ຂອງ​ກອງ­ທັບ ແລະ ປະ­ຊາ­ຊົນ​ບັນ­ດາ­ເຜົ່າ ກໍ່​ຄື​ ຜົນ­ງານ​ອັນ​ລ້ຳ​ເລີດ ແລະ ຄຸນ­ງາມ­ຄວາມ­ດີ​ອັນ​ໃຫຍ່​ຫຼວງ​ຂອງ​ການ​ນຳ​ຮຸ່ນ​ກ່ອນ ໂດຍ​ສະ­ເພາະ ​ປະ­ທານ ໄກ­ສອນ ພົມ­ວິ­ຫານ ແລະ ຜູ້­ນຳ​ອື່ນໆ​ທີ່​ນຳ­ພາ​ພາ­ລະ­ກິດ​ປະ­ຕິ­ວັດ​ຕໍ່­ສູ້​ປົດ​ປ່ອຍ​ຊາດ ການ​ສ້າງ ​ເມືອງ​ ວຽງ​ໄຊ ​ເປັນ​ຖານ​ທີ່​ໝັ້ນ ​ອັນ​ແຂງ​ແກ່ນ ເພື່ອ​ເຮັດ​ສຳ­ເລັດ​ການ​ປະ­ຕິ­ວັດ​ ປະ­ຊາ­ທິ­ປະ­ໄຕ ນຳ​ເອົາ​ປະ­ເທດ​ຊາດ​ກ້າວ​ສູ່​ສັງກາດ​ໃໝ່ທີ່ໄດ້ກໍານົດໄວ້ຢ່າງມີໄຊ.

 

       ເພື່ອ​ເປັນ​ການ​ສຶກ​ສາ​ອົບ­ຮົມ​ພະ­ນັກ­ງານ ສະ­ມາ­ຊິກ​ພັກ ນັກ­ຮົບ ກໍ່​ຄື​ປະ­ຊາ­ຊົນ​ລາວ​ບັນ­ດາ­ເຜົ່າ ໂດຍ​ສະ­ເພາະ​ຄົນ​ຮຸ່ນ​ໜຸ່ມ ໃຫ້​ຮັບ​ຮູ້​ເຂົ້າ­ໃຈ​ຢ່າງ​ເລິກ­ເຊິ່ງ​ກ່ຽວ​ກັບ​ເສັ້ນ­ທາງ​ກ້າວ​ເດີນ​ອັນ​ລະ​ອິດ​ລະ​ອ້ຽວ​ຂອງ​ການ​ປະ­ຕິ­ວັດ ມູນ­ເຊື້ອ​ຕໍ່­ສູ້​ມີ​ໄຊ ແລະ ການ​ນຳ­ພາ​ອັນ​ສະ­ຫຼາດ​ສ່ອງ​ໃສ​ຂອງ​ພັກ​ປະ­ຊາ­ຊົນ​ປະ­ຕິ­ວັດ​ລາວ ກໍ່​ຄື​ຄົ້ນ­ຄວ້າ​ຮ່ຳ­ຮຽນ​ເອົາ​ແບບ­ຢ່າງ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ​ຂອງ​ບັນ­ດາ​ທ່ານ​ຜູ້­ນຳ​ປະ­ຕິ­ວັດ​ຮຸ່ນ​ກ່ອນ ແລະ ເສີມ​ຂະ­ຫຍາຍ​ມູນ­ເຊື້ອ​ແຫ່ງ​ການ​ຊີ້​ນຳ-ນຳ­ພາຢ່າງ​ຮອບດ້ານ​ຂອງ​ພັກ ມູນ­ເຊື້ອ​ຕໍ່­ສູ້​ພິ­ລະ​ອາດ​ຫານ​ຂອງ​ກອງ­ທັບ ແລະ ປະ­ຊາ­ຊົນ​ບັນ­ດາ­ເຜົ່າ. ຄວາມ​ສາ­ມັກ­ຄີ​ປອງ​ດອງ​ຊາດ ຄວາມ​ດຸ­ໝັ່ນ​ຂະ­ຫຍັນ​ພຽນ​ໃນ​ການ​ອອກ­ແຮງ​ງານ​ສ້າງ­ສາພັດ­ທະ­ນາ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ລາວ ແລະໃນ​ພາລະກິດ​ປົກ​ປັກ​ຮັກ­ສາ - ສ້າງ­ສາ​ພັດ­ທະ­ນາ​ປະ­ເທດ​ຊາດ​ໃຫ້ເປັນປະເທດ ສັນຕີພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ.

      

by:sack

21/11/2018

ປະຕິທິນ

Jan-2019
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ