ອ່ານຕໍ່ >>>

          ໃນລະຫວ່າງວັນທີ 22-24 ມິຖຸນາ 2013 ຄະນະຜູ້ແທນຂັ້ນສູງອົງການໄອຍະການປະຊາຊົນສູງສຸດ ແຫ່ງ ສປປ ລາວ ນໍາໂດຍ ທ່ານ ລັງສີ ສີບຸນເຮືອງ ຮອງຫົວໜ້າອົງການໄອຍະການປະຊາຊົນສູງສຸດ ໄດ້ເດີນທາງໄປຮ່ວມກອງປະຊຸມສໍາມະນາວຽກງານຕ້ານການສໍ້ລາດບັງຫຼວງ ຄັ້ງທີ V ທີ່ ນະຄອນຊານຕົງ ມົນທົນຈີນານ ຂອງ ສ.ປ ຈີນ ໂອກາດດຽວກັນທ່ານຮອງຫົວໜ້າອົງການໄອຍະການປະຊາຊົນສູງສຸດກໍ່ໄດ້ເຂົ້າຢຽມຢາມພົບປະກັບ ທ່ານ ກ່າວ ຈ້ຽນມິງ ຫົວໜ້າອົງການໄອຍະການປະຊາຊົນສູງສຸດ ຂອງ ສ.ປ ຈີນ ເພື່ອປຶກສາຫາລືກ່ຽວກັບການແລກປ່ຽນຄະນະຜູ້ແທນຂັ້ນລະດັບວິຊາການຂອງສອງອົງການໄອຍະການປະຊາຊົນສູງສຸດ ລາວ-ສ.ປ ຈີນ, ສ.ປ ຈີນ-ລາວ ແລະ ເຊື່ອເຊີນຄະ ນະຜູ້ແທນຂັ້ນສູງຂອງອົງການໄອຍະການປະຊາຊົນຂອງລາວເຂົ້າຮ່ວມກອງປະຊຸມທູກໆຄັ້ງໃນຂົງເຂດວຽກງານທີ່ມີການພົວພັນຮ່ວມມືນຳກັນ.

      ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມປັບປຸງຮ່າງລັດຖະບັນຍັດຂອງປະທານປະເທດ ແຫ່ງ ສປປ ລາວ ວ່າດ້ວຍການອະໄພຍະໂທດ ຂຶ້ນໃນຕອນເຊົ້າວັນທີ 19 ມິຖຸນາ 2013 ທີ່ທ່າລາດ ແຂວງວຽງຈັນ ພາຍໃຕ້ການເປັນປະທານຂອງທ່ານ ຄໍາສານ ສຸວົງ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ, ເຂົ້າຮ່ວມມີຜູ້ຕ່າງໜ້າຈາກ ຫ້ອງວ່າການປະທານປະເທດ, ຫ້ອງວ່າການດຖະບານ, ສະພາແຫ່ງຊາດ, ສູນກາງແນວລາວສ້າງຊາດ, ກະຊວງປ້ອງກັນຄວາມສະຫງົບ, ກະຊວງປ້ອງກັນປະເທດ, ກະຊວງຍຸຕິທຳ, ສານປະຊາຊົນສູງສຸດ, ສານທະຫານຂັ້ນສູງ, ໄອຍະການປະຊາຊົນສູງສຸດ ພ້ອມດ້ວຍພາກສ່ວນ ທີ່ກ່ຽວຂ້ອງຈຳນວນໜຶ່ງ.

          ວັນທີ 26 ກຸມພາ 2013 ຜູ້ແທນສຳນັກງານສານປົກຄອງ ລາດຊະນາຈັກໄທ ໄດ້ຢ້ຽມຢາມອົງການໄອຍະການປະຊາຊົນສູງສຸດ ແຫ່ງ ສ ປ ປ ລາວ ຢ່າງເປັນທາງການເພື່ອແລກປ່ຽນບົດຮຽນ ເຊິ່ງກັນ ແລະ ກັນ.

        ທ່ານ ລັງສີ ສີບຸນເຮືອງ ຮອງຫົວໜ້າອົງການໄອຍະການປະຊາຊົນສູງສຸດ, ຫົວ ໜ້າບັນນາທິການ ເວບໄຊ ແລະ ຂ່າວສານໄດ້ມີຄຳເຫັນໃນການເປີດໃຊ້ເວບໄຊຂອງອົງການໄອຍະການປະຊາຊົນ ໂດຍຍົກໃຫ້ເຫັນຄວາມໝາຍສຳຄັນ ແລະ ຈຸດປະສົງໃນການນຳໃຊ້ເວບໄຊພ້ອມນັ້ນທ່ານໄດ້ຮຽກຮ້ອງໃຫ້ທູກພາກສ່ວນໃນການນຳໃຊ້ເວບໄຊ ແລະ ມີສ່ວນຮ່ວມໃນການພັດທະນາເວບໄຊໄປສູ່ຄຸນນະພາບໃໝ່.