ເຂົ້າສູ່ລະບົບ

  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert
  • Desert

ກອງປະຊຸມປຶກສາຫາລືກ່ຽວກັບການສ້າງກົດໝາຍວ່າດ້ວຍການປົກຄອງ

         ກອງປະຊຸມປຶກສາຫາລືກ່ຽວກັບການສ້າງກົດໝາຍວ່າດ້ວຍການປົກຄອງ ໄດ້ໄຂຂຶ້ນໃນວັນທີ 23-24 ກໍລະກົດ 2019 ທີ່ ໂຮງແຮມເມືອງແທງ, ນະຄອນຫຼວງວຽງຈັນ ໂດຍພາຍໃຕ້ການເປັນປະທານ ຮ່ວມ ທ່ານ ໄຊຊະນະ ໂຄດພູທອນ ຮອງຫົວໜ້າອົງການ ໄອຍະການປະຊາຊົນສູງສຸດ ແລະ ທ່ານ ປອ. ທອງຈັນ ມະນີໄຊ ຮອງລັດຖະມົນຕີກະຊວງພາຍໃນ ໂດຍມີຜູ້ເຂົ້າຮ່ວມທີ່ມາຈາກສຳນັກງານປະທານປະເທດ, ຫ້ອງວ່າການສູນກາງພັກ, ສະພາແຫ່ງຊາດ, ສຳນັກງານນາຍົກລັດຖະມົນຕີ, ກະຊວງປ້ອງກັນຄວາມສະຫງົບ, ກະຊວງພາຍໃນ, ກະຊວງຊັບພະຍາກອນທຳມະຊາດ ແລະ ສິ່ງ ແວດລ້ອມ, ກະຊວງຍຸຕິທຳ, ກະຊວງການຕ່າງປະເທດ, ກະຊວງການເງິນ, ກະຊວງກະສິກໍາ ແລະ ປ່າໄມ້, ກະ ຊວງໂຍທາທິການ ແລະ ຂົນສົ່ງ,  ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ກະຊວງແຜນການ ແລະ ການລົງທຶນ, ກະຊວງອຸດສະຫະກໍາ ແລະ ການຄ້າ, ສານປະຊາຊົນສູງສຸດ, ສະພາວິທະຍາສາດສັງຄົມແຫ່ງຊາດ, ຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ, ອົງການໄອຍະການປະຊາຊົນສູງສຸດ ຈໍານວນ 80 ທ່ານ.  

ອ່ານຕໍ່ >>>

ຜົນສຳເລັດຝຶກອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ

    ວັນທີ 25 ກໍລະກົດ 2019 ເວລາ 1: 30  ທີ່ ອົງການໄອຍະການປະຊາຊົນສູງສຸດ ໄດ້ປິດຊຸດຝຶກອົບຮົມທິດສະດີການເມືອງ-ການປົກຄອງ 45ວັນ (ຊຸດທີ X)  ຢ່າງເປັນທາງການ ໂດຍ ໃຫ້ກຽດເປັນປະທານ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ, ມີອາຈານຮັບເຊີນຕາງໜ້າສະຖາບັນການເມືອງ ແລະ ການປົກຄອງແຫ່ງຊາດ ມີ ນັກສໍາມະນາກອນອົງການໄອຍະການປະຊາຊົນ ແລະ ອົງການໄອຍະການທະຫານ ລວມທັງສູນກາງ ແລະ ທ້ອງຖີ່ນ ທັງໜົດ 100 ສະຫາຍ, ຍິງ 30 ສະຫາຍ.

ອ່ານຕໍ່ >>>

ຄະນະຖ່າຍທໍາຮູບເງົາອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ເດີນທາງມາເຮັດວຽກ ຢູ່ ສປປ ລາວ

      ໂດຍຕອບສະໜອງຕາມການເຊື້ອເຊີນຂອງອົງການໄອຍະການປະຊາຊົນສູງສຸດ ແຫ່ງ ສປປ ລາວ ໃນລະ ຫວ່າງ ວັນທີ 8 ຫາ 12 ກໍລະກົດ 2019 ນີ້ ຄະນະຖ່າຍທໍາຮູບເງົາອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ຊຶ່ງນຳໂດຍ ທ່ານ ຫງວຽນຢື ຮຸ່ງ ບັນນາທິການໃຫ່ຍວາລະສານໄອຍະການ ອົງການໄອຍະການປະຊາ ຊົນສູງສຸດ ແຫ່ງ ສສ ຫວຽດນາມ ພ້ອມດ້ວຍຄະນະ 6 ທ່ານ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ເພື່ອສໍາຫຼວດສະຖານທີ່ຖ່າຍທໍາຮູບເງົາ ຢູ່ ສປປ ລາວ.

ອ່ານຕໍ່ >>>

ມອບ-ຮັບໂຄງການກໍ່ສ້າງຫ້ອງການໄອຍະການປະຊາຊົນເຂດ IV ນະຄອນຫຼວງວຽງຈັນ

        ໃນຕອນເຊົ້າວັນທີ 02 ກໍລະກົດ 2019 ທີ່ ຫ້ອງການອົງການໄອຍະການປະຊາຊົນ ເຂດ IV ນະຄອນຫຼວງ ໄດ້ຈັດພິທີມອບ-ຮັບໂຄງການກໍ່ສ້າງສໍານັກງານຫ້ອງການ ອົງການໄອຍະການປະຊາຊົນ ເຂດ IV (ຫຼັງໃໝ່) ທີ່ເມືອງ ຫາດຊາຍຟອງ, ນະຄອນຫຼວງວຽງຈັນ ຂື້ນຢ່າງເປັນທາງການ ໂດຍການເປັນກຽດເຂົ້າຮ່ວມ ຂອງ ທ່ານ ສົມບູນ ລາດສະບົວສີ ຫົວໜ້າກົມຈັດຕັ້ງ-ພະນັກງານ ຕາງໜ້າໃຫ້ແກ່ຄະນະພັກ-ຄະນະນໍາ ອົງການໄອຍະການປະຊາຊົນສູງສຸດ ມີທ່ານ ຮອງເຈົ້າເມືອງ ຫາດຊາຍຟອງ, ບັນດາທ່ານຫົວໜ້າກົມ-ຮອງກົມຈາກອົງການໄອຍະການປະຊາຊົນສູງສຸດ, ຫົວໜ້າອົງການໄອຍະການນະຄອນຫຼວງ-ອົງການໄອຍະການປະຊາຊົນເຂດ, ຜູ້ຕາງໜ້າຂະແໜງການຕ່າງໆ ແລະ ບໍລິສັດ ຮັບເໜົາກໍ່ສ້າງພ້ອມດ້ວຍແຂກຖືກເຊີນເຂົ້າຮ່ວມທັງໝົດ 50 ກວ່າຄົນ.

ອ່ານຕໍ່ >>>

ຕິດຕາມຊຸກຍູ້ວຽກງານຫ້ອງການຢູ່ອົງການໄອຍະການປະຊາຊົນທ້ອງຖິ່ນ

    ໂດຍເປັນການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ່ IV ຂອງອົງຂະນະພັກອົງການໄອຍະການປະຊາຊົນສູງສຸດ, ມະຕິກອງປະຊຸມໃຫຍ່ ຄັ້ງທີ V ຂອງໜ່ວຍພັກຫ້ອງການ ມີ 05 ແຜນງານ ແລະ 21 ໂຄງການ ໃນນັ້ນການປັບປຸງລະບົບຂໍ້ມູນ ຂ່າວສານ ແມ່ນໜຶ່ງໃນ 21 ໂຄງການ ທີ່ໄດ້ຮັບການຊີ້ນໍາຢ່າງໃກ້ສິດຈາກຄະນະພັກ-ຄະນະນຳ ອົງການໄອຍະການປະຊາຊົນສູງສຸດ ໂດຍສະເພາະແມ່ນການສ້າງຖານຂໍ້ມູນ, ສ້າງລະບົບເຄືອຂ່າຍຢູ່ອົງການໄອຍະການປະຊາຊົນສູງສຸດ ແລະ ກ້າວໄປຮອດການປະຕິ ບັດ. ສະນັ້ນ, ໃນລະຫວ່າງວັນທີ 24-28 ມິຖຸນາ 2019 ຄະນະນຳຫ້ອງການ ອົງການໄອຍະການປະຊາຊົນສູງສຸດ ໄດ້ລົງເຄື່ອນໄຫວ ຕິດ ຕາມຊຸກຍູ້ວຽກງານຫ້ອງການ ຕາມຂໍ້ຕົກລົງຂອງ ທ່ານຫົວໜ້າອົງການໄອຍະການປະຊາຊົນສູງສຸດ ເປົ້າໝາຍໃນການ ເຄື່ອນໄຫວ ຢູ່ 03 ແຂວງພາກເໜືອ ຄື: ອົງການໄອຍະການປະຊາຊົນ ແຂວງອຸດົມໄຊ, ຫຼວງນໍ້າທາ ແລະ ບໍ່ແກ້ວ. ໂດຍ ທ່ານ ຈັນທະບູນ ເພັງຄໍາໃສ ຮອງຫົວໜ້າຫ້ອງການ ອົງການໄອຍະການປະຊາຊົນສູງສຸດ ພ້ອມດ້ວຍພະແນກເຕັກນິກ-ຂໍ້ມູນ ແລະ ຂ່າວສານ ຮ່ວມກັບ ຊ່ຽວຊານໄອທີ ຈາກມູນນິທິ ຄົ້ນຄວ້າແຫ່ງຊາດ ສ.ເກົາຫຼີ ທີ່ມາປະຈຳຢູ່ ອົງການໄອຍະການປະຊາຊົໍນສູງ ສຸດ ລວມ 06 ທ່ານ.

ອ່ານຕໍ່ >>>

ພິທີມອບ-ຮັບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ

   ວັນ​ທີ 05 ມິຖຸນາ 2019 ເວລາ 14:30 ໂມງ, ​ໜ່ວຍ​ພັກ ​ອົງການ​ໄອ​ຍະ​ການ​ປະຊາຊົນ​ ແຂວງຫຼວງພະບາງ ​ໄດ້​ຈັດພິທີ ​ມອບ-ຮັບ ໃບ​ຢັ້ງ ຢືນ​ ເປັນ​ໜ່ວຍ​ພັກປອດໃສ, ເຂັ້ມແຂງ, ໜັກແໜ້ນ ສະ​ໄໝ​ທີ I ປະຈຳ​ປີ 2018, ທີ່​ຫ້ອງ​ປະຊຸມ​ຂອງ​ອົງການ​ໄອຍະການປະຊາຊົນແຂວງ ຫຼວງພະບາງ, ​ເປັນ​ກຽດ​​ເຂົ້າ​ຮ່ວມ​​ໂດຍ ສະຫາຍ ບົວທອງ​ ແພງ​ສະຫວັນ ​ຮອງເລຂາພັກແຂວງ ປະທານ​ກວດກາ ​ພັກ-ລັດ​ ແຂວງ​ຫຼວງ​ພະ​ບາງ ພ້ອມ​ດ້ວຍ​ຜູ້ຕ່າງ​ໜ້າ​ຈາກ​ພະແນ​ກການ​ອ້ອມ​ຂ້າງຕະຫຼອດ​ຮອດ​ ຫົວໜ້າ ​ອົງການ​ໄອ​ຍະ​ການປະຊາຊົນເຂດ ​ແລ​ະ ສະ​ມາ​ຊິກ​ພັກ ພາຍ​ໃນ​​ອົງການ​ໄອ​ຍະ​ການ​ປະຊາຊົນ​ແຂວງ.

ອ່ານຕໍ່ >>>

ຄະນະຜູ້ແທນອົງການໄອຍະການປະຊາຊົນເຂດປົກຄອງຕົນເອງ ເຜົ່າຈ້ວາງກວາງຊີ ສປ ຈີນ ເດີນທາງມາຢ້ຽມຢາມ ແລະ ເຮັດວຽກຢູ່ ອົງການໄອຍະການປະຊາຊົນ ແຫ່ງ ສປປລາວ

          ໃນຕອນເຊົ້າຂອງວັນທີ 26 ມີຖຸນາ 2019, ທີ່ ຫ້ອງຮັບແຂກ ອົງການໄອຍະການປະຊາຊົນສູງສຸດ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງຄະນະຜູ້ແທນອົງການໄອຍະການປະຊາຊົນເຂດປົກຄອງຕົນເອງ ເຜົ່າຈ້ວາງກວາງຊີ ສປ ຈີນ.  ຊື່ງນໍາໂດຍ ທ່ານ     ເໝິ້ງ ຢ້າວຈຸ່ນ ຮອງຫົວໜ້າອົງການໄອຍະການປະຊາຊົນ ເຂດປົກຄອງຕົນເອງ ເຜົ່າຈ້ວາງກວາງຊີ. ໃນໂອກາດດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ສະແດງຄວາມຍ້ອງຍໍຊົມເຊີຍ ແລະ ຍີນດີຕ້ອນຮັບ  ທ່ານ ເໝິ້ງ ຢ້າວຈຸ່ນ ພ້ອມດ້ວຍຄະນະທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ກໍເພື່ອເປັນການເສີມຂະຫຍາຍສາຍພົວພັນຮ່ວມມືຮອບດ້ານ ລະຫວ່າງສອງພັກ-ລັດ ແລະ ປະຊາຊົນລາວ-ຈີນ, ຈີນ-ລາວ ໂດຍ ການແລກປ່ຽນການຢ້ຽມຢາມເຮັດວຽກທາງການ, ການຝຶກອົບຮົມ, ການສຳມະນາ ແລະ ອື່ນໆ ໃຫ້ແຕກດອກອອກຜົນຍິ່ງຂື້ນ.

ອ່ານຕໍ່ >>>

ການສໍາມະນາລຽກປ່ຽນບົດຮຽນ ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ອົງການໄອຍະການສູງສຸດ ແຫ່ງ ສ. ສິງກະໂປ

         ຕອນເຊົ້າຂອງວັນທີ 12 ມິຖຸນາ 2019 ທີ່ ອົງການໄອຍະການປະຊາຊົນສູງສຸດ ໄດ້ເປີດການສໍາມະນາ ແລກປ່ຽນບົດຮຽນ ລະຫວ່າງ ອົງການໄອຍະການປະຊາຊົນສູງສຸດ ແຫ່ງ ສປປ ລາວ  ແລະ ອົງການໄອຍະການສູງສຸດ ແຫ່ງ ສ. ສິງກະໂປ ໃນຫົວຂໍ້ “ ອົງການໄອຍະການສູງສຸດ ປະຕິບັດດູນພິນີດໄອຍະການ ຢູ່ປະເທດ ສິງກະໂປ ແລະ  ເຕັກນິກການສືບສວນ- ສອບສວນ ອາຊະຍາກຳຊາຍເບີ ” ໂດຍ ໄອຍະການອາວຸໂສສໍານານງານ ອົງການໄອຍະການສູງສຸດ ແຫ່ງ ສ. ສີງກະໂປ ໃຫ້ກຽດເປັນປະທານຮ່ວມໂດຍ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ ແລະ ທ່ານ ລູເຊີນ ວັອງ ຫົວໜ້າອົງການໄອຍະການສູງສຸດ ແຫ່ງ ສ. ສິງກະໂປ, ມີບັນດາ ຫົວໜ້າກົມ, ຫົວໜ້າຫ້ອງການ, ສະຖາບັນຄົ້ນຄ້ວາ ແລະ ຝຶກອົບຮົບໄອຍະການ ພ້ອມດ້ວຍພະນັກງານອົງການໄອຍະການປະຊາຊົນສູງສຸດ ເຂົ້າຮ່ວມທັງໜົດ 100 ກວ່າທ່ານ.

ອ່ານຕໍ່ >>>



                                                     

ແຈ້ງການ

ວາລະສານ

ປະຕິທິນ

Dec-2019
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ວິດີໂອ
25 ປີ ອົງການໄອຍະການ
ມິດຕະພາບລາວ-ຫວຽດນາມ
ໜ້າທີ່ໄອຍະການ

ຈຳນວນຜູ້ເຂົ້າຊົມ

»  1   ອອນໄລ
»  1 ມື້ນີ້
»  18 ມື້ວານນີ້
»  53 ອາທິດນີ້
»  60 ເດືອນນີ້
»  4529 ປີນີ້
»  12270 ທັງໜົດ

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ