ໃນຕອນເຊົ້າຂອງວັນທີ 1 ມິຖຸນາ 2018 ອົງການໄອຍະການປະຊາຊົນສູງສຸດໄດ້ສ້າງຂະບວນການອອກແຮງງານເພື່ອຂ່ຳນັບຮັບຕ້ອນ ວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ຂື້ນ ທີ່ ບໍລິເວນດີນປຸກສ້າງສະຖາບັນຄົ້ນຄວ້າ ແລະ ຝືກອົບຮົມໄອຍະການ (ຢູ່ທີ່ ບ້ານ ຊຽງດາ, ເມືອງ ໄຊເສດຖາ ແຂວງ ນະຄອນຫຼວງວຽງຈັນ) ໂດຍ ການເຂົ້າຮ່ວມຂະບວນການດັ່ງກ່າວ ທ່ານ ຄຳສານ ສຸງວົງ ຫົວໜ້າ ອົງການໄອຍະການປະຊາຊົນສູງສຸດ, ມີຄະນະພັກ-ຄະນະນຳ,ຫົວໜ້າກົມ-ຮອງກົມ, ຫົວໜ້າຫ້ອງການ, ສະຖາບັນຄົ້ນຄ້ວາ ແລະ ຝືກອົບຮົມໄອຍະການ ແລະ ພະນັກງານລັດຖະກອນເຂົ້າຮ່ວມ ຈຳນວນ 150 ກວ່າທ່ານ.

     ໃນວັນທີ 31 ພຶດສະພາ 2018 ທີ່ ຫ້ອງການອົງການໄອຍະການປະຊາຊົນສູງສຸດ ໄດ້ຈັດພິທີ ມອບ-ຮັບ ການຊ່ວຍເຫລືອ ລະຫວ່າງ ບໍລິສັດ ເຄບີ ໂຄລາວ ເຊົ່າສິນເຊື່ອຈຳກັດ ແລະ ຫ້ອງການ ອົງກາານໄອຍະການປະຊາຊົນສູງສຸດ. ໂດຍການເຂົ້າຮ່ວມເປັນປະທານຂອງ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ, ມີບັນດາທ່ານໃນຄະນະນໍາຫ້ອງການ, ຜູ້ຕາໜ້າບັນດາກົມກ່ຽວຂ້ອງ ແລະ ຕາງໜ້າ ບໍລິສັດ ເຄບີໂຄລາວ ເຊົ່າສິນເຊື່ອຈຳກັດ ແລະ ອາສາສະໜັກ ຊ່ຽວຊານໄອຊີທີ ສາທາລະນະລັດເກົາຫລີ ເຂົ້າຮ່ວມໃນພິທີດັ່ງກ່າວ.

       ເພື່ອເປັນການຫວນຄືນມູນເຊື້ອປະຫວັດຄວາມເປັນມາ ລະຫວ່າງ ສາຍພົວພັນສອງຊາດ ລາວ-ກໍາປູເຈຍ ຢູ່ທີ່ ອົງການໄອຍະການປະຊາຊົນສູງສຸດ (ອອປສ) ໄດ້ຈັດຕັ້ງກາເຜີຍແຜ່ເອກກະສານສະພາບລາວ-ກໍາປູເຈຍ ຂື້ນ ໃນຄັ້ງວັນທີ 31 ພຶດສະພາ 2018, ໂດຍ ການໃຫ້ກຽດຂື້ນເຜີຍແຜ່ເອກະສານໃນຄັ້ງນີ້ ທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີ ກະຊວງການຕ່າງປະເທດ,ໃຫ້ກຽດເຂົ້າຮ່ວມຮັບຟັງມີ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ, ມີ ຄະນະພັກ-ຄະນະນຳ(ອອປສ), ບັນດາຫົວໜ້າກົມ, ຮອງຫົວໜ້າກົມ - ຫ້ອງການ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ພ້ອມດ້ວຍພະນັກງານ-ລັດຖະກອນທັງໜົດເຂົ້າຮ່ວມຈໍານວນ 100 ກ່ວາທ່ານ.

      ໃນວັນທີ 18 ພຶດສະພາ 2018, ທີ່ ອົງການໄອຍະການປະຊາຊົນ ເຂດ I ເມືອງ ຊຳເໜືອ, ແຂວງ ຫົວພັນ ໄດ້ມີພິທີ ມອບ-ຮັບ ໂຄງການກໍ່ສ້າງຫ້ອງການໄອຍະການປະຊາຊົນເຂດ I ຂື້ນຢ່າງເປັນທາງການ,ໂດຍ ແມ່ນອົງການໄອຍະການປະຊາຊົນ ແຂວງ ຫົວພັນ ເປັນເຈົ້າຂອງໂຄງການ ແລະ ບໍລິສັດວົງນະຄອນກໍ່ສ້າງເປັນຜູ້ຮັບເໜົາກໍ່ສ້າງ, ໃຫ້ກຽດເຂົ້າຮ່ວມ ແລະ ເປັນປະທານ ພິທີດັ່ງກ່າວ ໂດຍ ທ່ານ ຄຳສານ ສຸວົງ ກຳມະການສູນກາງພັກ,ຫົວໜ້າອົງການໄອຍະການປະຊາຊົນສູງສຸດ, ມີ ຫົວໜ້າກົມ-ຮອງກົມ, ຫົວໜ້າຫ້ອງການ ອອປສ, ມີບັນດາແຂກຖືກເຊີນເຂົ້າຮ່ວມຈາກອົງການໄອຍະການປະຊາຊົນພາກເໜືອ, ການນໍາຂອງແຂວງ ແລະ  ພາກສ່ວນທີ່ກ່ຽວຂ້ອງອ້ອມ ແຂວງ ຫົວພັນ  ເຂົ້າຮ່ວມຈຳນວນ 50 ກວ່າຄົນ.

      ໃນຕອນເຊົ້າວັນທີ່ 21 ພຶດສະພາ 2018 ຢູ່ທີ່ສະຖາບັນຄົ້ນຄ້ວາ ແລະ ຝຶກອົບຮົມໄອຍະການໄດ້ເປີດຊຸດຝຶກອົບຮົມວຽກງານໄອຍະການ ໃຫ້ແກ່ ພະນັກງານວິຊາການຂອງອົງການໄອຍະການປະຊາຊົນສູງສຸດ, ອົງການໄອຍະການປະຊາຊົນນະຄອນຫຼວງວຽງຈັນ ແລະ ອົງການໄອຍະ ການທະຫານ (ພາຍໃນນະຄອນຫຼວງວຽງຈັນ) ພາຍໃຕ້ການເຂົ້າຮ່ວມເປັນປະທານໂດຍ ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ ແລະ ພະນັກງານເຂົ້າຮ່ວມທັງໝົດຈໍານວນ 63 ທ່ານ, ຍິງ 19 ທ່ານ.

         ກອງປະຊຸມເຊື່ອມຊຶມ ລັດຖະບັນຍັດ ປະທານປະເທດ ວ່າດ້ວຍການໃຫ້ອະໄພຍະໂທດ, ໃຫ້ຄະນະກໍາມະການອະໄພຍະໂທດ ທົ່ວປະເທດ ໄດ້ໄຂຂຶ້ນໃນວັນທີ 9 ເມສາ 2018 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງ ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ປະທານຄະນະກໍາມະການອະໄພຍະໂທດ ລະດັບຊາດ, ເຂົ້າຮ່ວມກອງປະຊຸມມີບັນດາທ່ານຄະນະກໍາມະການອະໄພຍະໂທດ ລະດັບຊາດ, ລະດັບກະຊວງ ແລະ ລະດັບແຂວງ-ນະຄອນຫຼວງຈໍານວນ 150 ທ່ານ.

       ຕອນບ່າຍຂອງວັນທີ 21 ກຸມພາ 2018 ທີ່ອົງການໄອຍະການປະຊາຊົນສູງສຸດ, ທ່ານ ໄຊຊະນະ ໂຄດພູທອນ ຮອງຫົວໜ້າ ອົງການໄອຍະການປະຊາຊົນສູງສຸດ ພ້ອມດ້ວຍພະນັກງານຫຼັກແຫຼ່ງຂອງ ກົມຕິດຕາມກວດກາ ຄະດີອາຍາ ໄດ້ຕ້ອນຮັບການເຂົ້າຢ້ຽມຄ່ຳນັບຂອງຄະນະຜູ້ແທນອົງການໄອຍະການສູງສຸດ ແຫ່ງ ສ. ສິງກະໂປ ຊື່ນຳພາໂດຍ: ທ່ານ Mr. Luck, SC Solicilor-Genral ( ຜູ້ຊ່ວຍຫົວໜ້າອົງການໄອຍະການສູງສຸດ ), ຈາກນັ້ນທັງສອງຝ່າຍກໍ່ໄດ້ແລກປ່ຽນບົດຮຽນຫຼາຍບັນຫາ ຊຶ່ງຕ່າງຝ່າຍກໍມີຄວາມສົນໃຈກັບພາລະບົດບາດສິດໜ້າທີ່ຂອງອົງການໄອຍະການແຕ່ລະປະເທດ ຊື່ງມີບັນຫາຍົກຂື້ນສົນທະນາດັ່ງນີ້:

      ໃນຕອນບ່າຍຂອງວັນທີ 27 ມີນາ 2018 ທີ່ ສະໂມສອນໃຫ່ຍຂອງກະຊວງຍຸຕິທຳ ໂດຍພາຍໃຕ້ ເປັນປະທານ ຂອງ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸຸດ, ທ່ານ ໂຢເນຢາມາ ຜູ້ຕາງໜ້າ ອົງການ ໄຈກາ ປະຈຳລາວ, ທ່ານ ຮສ. ປອ. ພຸດ ສິມມະລາວົງ ຮອງອະທິການບໍດີ ມະ ຫາວິທະຍາໄລແຫ່ງຊາດ ພ້ອມດ້ວຍຜູ້ເຂົ້າຮ່ວມຈາກສີ່ພາກສ່ວນເຊັ່ນ: ກະຊວງຍຸຕິທຳ, ສານປະຊາຊົນສູງສຸດ, ອົງການໄອຍະການປະຊາຊົນສູງສຸດ, ມະຫາວິທະຍາ ໄລແຫ່ງຊາດ ແລະ ບັນດາຊ່ຽວຊານຈາກອົງການໄຈກາ ປະຈຳ ສປປ ລາວ. ໄດ້ຈັດພິທີລົງນາມບົດບັນທຶກການປຶກສາຫາລືໂຄງການໃໝ່ ພາຍໃຕ້ ຊື່ໂຄງການ ສົ່ງເສີມ ແລະ ພັດທະນາຄວາມເຂັ້ມແຂງທາງດ້ານກົດໝາຍໃນຂົງເຂດຍຸຕິທຳ ຂອງ ສ ປ ປ ລາວ.