ເພື່ອເປັນການຮ່ວມມື ແລະ ພົວພັນຮອບດ້ານໃນຂົງເຂດກົດໜາຍ ແລະ  ສາຍພົວພັນມິດຕະພາບ ລະຫວ່າງ     ສ ປປ ລາວ ແລະ ສສ ຫວຽດນາມ, ໃນຕອນເຊົ້າຂອງວັນທີ 29  ມີນາ 2018 ທີ່ ອົງການໄອຍະການປະຊາຊົນສູງສຸດ ໄດ້ຈັດ ປາຖະກະຖາ ຂື້ນ ໂດຍ ການເປັນປະທານຮ່ວມຂອງ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ແລະ ທ່ານ ນາງ ຫງວຽນທິທຸຍ ຄຽມ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ, ໂດຍການ ປາຖະກະຖາ ຄັ້ງນີ້ ແມ່ນ ຄະນະຜູ້ແທນຂັ້ນສູງຂອງອົງການໄອຍະການປະຊາຊົນສູງສຸດ ສສ ຫວຽດນາມ 2 ທ່ານ ເປັນຜູ້ຂື້ນກ່າວປະຖະກະຖາ ໂດຍ ທ່ານ  ເວືອງວັນ ແບບ ຮອງກົມຕິດຕາມກວດກາແກ້ໄຂຄະດີປົກຄອງ ແລະ ທ່ານ ນາງ ຟ້າມຮ່ວງຢຽວ ລິງ ຮອງກົມນິຕິກຳ ແລະ ຄຸມຄອງວິທະຍາດສາດ ໃນນັ້ນ ຂື້ຫົວຂໍ້ ບາງບັນຫາປັບປຸງໃໜ່ກ່ຽວກັບປະມວນກົດໜາຍແພ່ງ ແລະ ກົດໜາຍວ່າດ້ວຍການດຳເນີນຄະດີປົກຄອງ ແຫ່ງ ສສ ຫວຽດນາມ, ເຂົ້າຮ່ວມ ມີ ຄະນະພັກ-ຄະນະນຳ ອອປສ, ບັນດາຫົວໜ້າກົມ-ຮອງກົມ,ຫົວໜ້າຫ້ອງການ,ຫົວໜ້າພະແນກ ແລະ ພະນັກງານທີ່ກ່ຽວຂ້ອງເຂົ້າຮ່ວມ ຈຳນວນ 100 ກວ່າທ່ານ.

       ໃນຕອນບ່າຍຂອງວັນທີ 28 ມີນາ 2018 ທີ່ ຫ້ອງຮັບແຂກຊັ້ນ II  ອົງການໄອຍະການປະຊາຊົນສູງສຸດ, ຄະນະຜູ້ແທນຂັ້ນສູງອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ  ນຳໂດຍ ຫົວໜ້າຄະນະ ທ່ານ ນາງ ຫງວຽນທິທຸຍ ຄຽມ ຮອງ ຫົວໜ້າອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ພ້ອມດ້ວຍຄະນະ ຈຳນວນ 11 ທ່ານ. ໄດ້ເຂົ້າຢ້ຽມຂໍ່ານັບ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ໂດຍ ການຕ້ອນຮັບຂອງ ຄະນະນຳ ອົງການໄອຍະການປະຊາຊົນສູງສຸດ ພ້ອມດ້ວຍຄະນະເຂົ້າຮ່ວມ.

        ໃນຕອນເຊົ້າຂອງ  ວັນທີ 27 ມີນາ 2018 ທີ່ ອົງການໄອຍະການປະຊາຊົນສູງສຸດ ໄດ້ຈັດປາຖະກະຖາເລົ່າຫວນຄືນມູນເຊື້ອວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 63ປີ ຂື້ນ ໃຫ້ກຽດເປັນປະທານ ໂດຍ ທ່ານ ຄຳສານ ສຸວົງ ກຳມະການສູນກາງພັກ,ເລຂາຄະນະພັກ,ຫົວໜ້າອົງການໄອຍະການປະຊາຊົນສູງສຸດ, ມີຄະນະພັກ-ຄະນະນຳ ອອປສ, ບັນດາກົມ,ຫ້ອງການ,ສະຖາບັນຄົ້ນຄ້ວາ ແລະ ຝືກອົບຮົມວຽກງານໄອຍະການ,ພ້ອມດ້ວຍພະນັກງານ-ລັດຖະກອນພາຍໃນອົງການໄອຍະການປະຊາຊົນສູງສຸດ ເຂົ້າຮ່ວມທັງໜົດ 200 ກວ່າທ່ານ.

       ໂດຍຕອບສະໜອງ ຕາມການເຊື້ອເຊີນ ຂອງທ່ານ ດາຣິໂອ ເດນກາໂດ ກູຣາ ຫົວໜ້າອົງການໄອຍະການປະຊາຊົນສູງສຸດ ແຫ່ງ ສ.ກຸຍບາ ໃນວັນທີ 11 ມີນາ 2018 ທ່ານ ຄໍາສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ ພ້ອມດ້ວຍຄະນະ ໄດ້ເດີນທາງໄປເຄື່ອນໄຫວເຮັດວຽກຢູ່ ສ.ກຸຍບາ ຢ່າງເປັນທາງການ ແລະ ໄດ້ເດີນທາງກັບຄືນປະເທດ ໃນຕອນບ່າຍຂອງວັນທີ 20 ມີນາ 2018 ນີ້.

    ໃນຕອນບ່າຍຂອງວັນທີ 09 ມີນາ 2018 ເລລາ 14 ໂມງ. ທີ່ຫ້ອງຮັບແຂກຊັ້ນ II ອົງການໄອຍະການປະຊາຊົນສູງສຸດ  ໂດຍ ທ່ານ ຄໍາສານ ສຸວົງ ຫົວໜ້າອົງການໄອຍະການປະຊາຊົນສູງສຸດ, ຫົວໜ້າຫ້ອງການ ແລະ ຄະນະນຳຫ້ອງການ, ກົມແຜນການ ແລະ ຮ່ວມມື ກັບຕ່າງປະເທດ, ຫົວໜ້າພະແນກເຕັກນິກ-ຂໍ້ມູນ ແລະ ຂ່າວສານ ໄດ້ເຂົ້າຮ່ວມຕ້ອນຮັບ ທ່ານ ຊິນຊຸງ ຊຸນ (Shin Sung-Soon) ເອກອັກຄະລັດຖະທູດ ແຫ່ງສາທາລະນະລັດ ເກົາຫຼີ ປະຈຳ ສປປ ລາວ ພ້ອມດ້ວຍຄະນະ.

        ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມຈັດຕັ້ງຜັນຂະຫຍາຍເນື້ອໃນຈິດໃຈກອງປະຊຸມໃຫຍ່ ວຽກງານກວດກາທົ່ວປະເທດ ປະຈໍາປີ 2017, ພ້ອມທັງສະຫຼຸບຖອດຖອນບົດຮຽນວຽກງານກວດກາ ປະຈໍາປີ 2017 ແລະ ທິດທາງແຜນການ ປີ2018 ຂອງ ຄະນະກວດກາ ອົງການໄອຍະການປະຊາຊົນສູງສຸດ ຂຶ້ນໃນວັນທີ 14 ມີນາ 2018 ທີ່ ທ່າລາດ ແຂວງ ວຽງຈັນ, ພາຍໃຕ້ການເປັນ ປະທານ ຂອງ ທ່ານ ບຸນຍັງ ຈັນດາລະສານ ຄະນະປະຈໍາພັກ, ປະທານກວດກາ, ຮອງຫົວໜ້າ ອົງການໄອຍະການປະຊາຊົນສູງສຸດ, ມີເລຂາ, ຮອງເລຂາໜ່ວຍພັກ ແລະ ພາກສວ່ນກ່ຽວຂ້ອງເຂົ້າຮ່ວມທັງໝົດ 37 ສະຫາຍ.

      ເນື່ອງໃນໂອກາດສຳຄັນ ວັນທີ 8 ມີນາ  2018  ສະຫະພັນແມ່ຍິງຂອງອົງການໄອຍະການປະຊາຊົນສູງສຸດ ໄດ້ຈັດກິດຈະກຳຂື້້ນເພື່ອຂ່ຳນັບຮັບຕ້ອນວັນແມ່ຍິງສາກົນຄົບຮອບ 108 ປີ ຂື້ນທີ່ ເມືອງ ວັງວຽງ ແຂວງ ວຽງຈັນ ໂດຍການເຂົ້າຮ່ວມເປັນປະທານ ກິດຈະກຳດັ່ງກ່າວ ທ່ານ ນ ພອນເພັດ ອຸນແກ້ວ ປະທານສະຫະພັນແມ່ນຍິງ ອອປສ  ແລະ ໄດ້ຮັບກຽດເຂົ້າຮ່ວມ ທ່ານ ບຸນທັນ ບຸນທະວິໄລ  ປະທານກຳມະບານ ອອປສ ພ້ອມດ້ວຍ ອ້າຍນ້ອງຍິງ-ຊາຍ ເຂົ້າຮ່ວມ 100 ກ່ວາທ່ານ.

         ໃນລະຫວ່າງວັນທີ 07 ມີນາ 2018 ຄະນະກໍາມະການອະໄພຍະໂທດ ລະດັບຊາດ ໄດ້ເປີດກອງປະຊຸມສະຫຼຸບວຽກງານອະໄພຍະໂທດ ປະຈໍາປີ 2017 ແລະ ກໍານົດທິດທາງແຜນການອະໄພຍະໂທດປະຈໍາປີ 2018 ຢູ່ທີ ອົງການໄອຍະການປະຊາຊົນສູງສຸດ ໂດຍພາຍໃຕ້ການເປັນປະທານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ປະທານຄະນະກໍາມະການອະໄພຍະໂທດ ລະດັບຊາດ, ມີ : ຮອງປະທານ, ຄະນະກໍາມະການ ແລະ ກອງເລຂາ ຄະນະກໍາມະການອະໄພຍະໂທດ ລະດັບຊາດ ເຂົ້າຮ່ວມທັງໝົດຈໍານວນ 33  ທ່ານ.