ພິທີມອບ - ຮັບໂຄງການກໍ່ສ້າງສຳນັກງານອົງການໄອຍະການປະຊາຊົນ ເຂດ 1 ທີ່ເມືອງ ໄຊຍະບູລີ ແຂວງ ໄຊຍະບູລີ

       ໃນຕອນເຊົ້າວັນທີ່ 12/2/2016 ໄດ້ຈັດພິທີມອບ-ຮັບໂຄງການກໍ່ສ້າງສຳນັກງານອົງການໄອຍະການປະຊາຊົນ ເຂດ I ທີ່ ເມືອງ ໄຊຍະບູລີ, ແຂວງ ໄຊຍະບູລີ ໂດຍການເປັນກຽດເຂົ້າຮ່ວມຂອງ ທ່ານ ເພັງນິລັນ ຄຳພັນເພັງ ຮອງເຈົ້າແຂວງໆ ໄຊຍະບູລີ, ມີ ທ່ານ ສີສູນທອນ ສໍຜາບມີໄຊ ຄະນະພັກ ຫົວໜ້າ ຫ້ອງການອົງການໄອຍະການສູງສຸດ, ຮອງຫົວໜ້າ ຄະນະຄຸ້ມຄອງໂຄງການຂັ້ນສູນກາງ ແລະ ທ່ານ ອາເມຊົງ ເຢ່ຍເລັງ ກຳມະການພັກແຂວງ, ຫົວໜ້າ ອົງການໄອຍະການປະຊາຊົນ ແຂວງໄຊຍະບູລີ, ມີບັນດາກຳມະການພັກແຂວງ-ກໍາມະການພັກເມືອງ, ຄະນະຄຸ້ມຄອງໂຄງການໄອຍະການປະຊາຊົນສູງສຸດ ແລະ ຄຸ້ມຄອງໂຄງການ ແຂວງ ໄຊຍະບູລີ, ຜູ້ຕາງໜ້າຂະແໜງການຕ່າງໆ ແລະ ບໍລິສັດຮັບເໝົ່ກໍ່ສ້າງພ້ອມດ້ວຍແຂກຖືກເຊີນເຂົ້າຮ່ວມທັງໝົດ 50 ກວ່າຄົນ.

ໃນພິທີ ທ່ານ ພູມມີ ວົງວິໄລ ຕາງໜ້າໂຄງການໄດ້ຂຶ້ນກ່າວມອບ ແລະ ລາຍງານສະພາບລວມກ່ຽວກັບການກໍ່ສ້າງໂຄງການຫ້ອງ ການໄອຍະການປະຊາຊົນເຂດ I ແຂວງ ໄຊຍະບູລີ, ເຊິ່ງກໍ່ສ້າງອາຄານເປັນອາຄານຊັ້ນດຽວມີຂະໜາດລວງຍາວ 35,5 ແມັດ, ລວງກວ້າງ 15,5 ແມັດ, ລວງສູງ 12,3 ແມັດ, ຫໍພັກພະນັກງານໜື່ງຫຼັງມີຂະໜາດ 7,5 x 11 ແມັດ, ຕິດຕັ້ງພັດລົມ ແລະ ແອຄົບຊຸດ ໂດຍແມ່ນໃຊ້ແຫຼ່ງທຶນງົບປະມານຂອງລັດມູນຄ່າຂອງການກໍ່ສ້າງລວມເປັນເງິນທັງໝົດແມ່ນ 1.221.000.000 ກວ່າກີບ (ໜື່ງຕື້ສອງຮ້ອຍຊາວເອັດລ້ານກີບ). ໃນນີ້ປະກອບມີການກໍ່ສ້າງຫໍພັກພະນັກງານ 197.000.000ກວ່າກີບ (ໜື່ງຮ້ອຍເກົ້າສິບເຈັດລ້ານກີບ), ປັດ ຈຸບັນຖືວ່າການກໍ່ສ້າງຫ້ອງການໄອຍະການປະຊາຊົນເຂດ I ແຂວງໄຊຍະບູລີ ແມ່ນສຳເລັດ 100%.
      ຈາກນັ້ນ ທ່ານ ສີສູນທອນ ສໍຜາບມີໄຊ ກໍ່ໄດ້ຍົກໃຫ້ເຫັນໂຄງການນີ້ແມ່ນໜື່ງໃນຈັດຕັ້ງປະຕິບັດໂຄງການກໍ່ສ້າງສຳນັກງານອົງການ ໄອຍະການປະຊາຊົນເຂດຂອບເຂດທົ່ວປະເທດໃຫ້ມີບ່ອນເຮັດວຽກຖາວອນ ພ້ອມທັງຍັງຮຽກຮ້ອງມາຍັງພະນັກງານພ້ອມກັນປົກປັກຮັກສາບູລະນະ ແລະ ນຳໃຊ້ຫ້ອງການດັ່ງກ່າວເຂົ້າໃນການເຄື່ອນໄຫວປະຕິບັດພາລະບົດບາດ, ສິດໜ້າທີ່ຂອງຕົນໃຫ້ມີປະສິດທິພາບ, ປະສິທິຜົນ; ໃນນາມຕາງໜ້າຄະນະພັກ-ຄະນະນໍາ ອົງການໄອຍະການປະຊາຊົນສູງສຸດ ສະແດງຄວາມຂອບໃຈມາຍັງ ຄະນະພັກ-ຄະນະນຳແຂວງ ໄຊຍະບູລີ ທຸກພາກສ່ວນທີ່ກ່ຽວຂ້ອງ ທີ່ໄດ້ໃຫ້ການຮ່ວມມື ແລະ ສະແດງຄວາມຊົມເຊີຍມາຍັງ ບໍລິສັດ ດາວພວນ ກໍ່ສ້າງທີ່ໄດ້ຕັ້ງ ປະຕິບັດໂຄງການດັ່ງກ່າວສຳເລັດ ແລະ ໄດ້ມອບຮັບຢ່າງເປັນທາງການ

by:

24/03/2016

ປະຕິທິນ

Sep-2018
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ