ຄະນະຜູ່ແທນຂັ້ນສູງຂອງອົງການໄອຍະການປະຊາຊົນສູງສຸດ ແຫ່ງ ສສ ຫວຽດນາມ ເດີນທາງຢ້ຽມຢາມ ແລະ ເຮັດວຽກຢູ່ ສປປ ລາວ.

ໃນລະຫວ່າງວັນທີ 02 - 04ມີນາ 2016.ຄະນະຜູ່ແທນຂັ້ນສູງຂອງອົງການໄອຍະການປະຊາຊົນສູງສຸດສສຫວຽດນາມ ເຊີ່ງນຳໂດຍ ທ່ານເຈີ້ນ ກົງຟ້ານ ພ້ອມດ້ວຍຄະນະຜູ່ໄດ້ເດີນທາງຢ້ຽມຢາມ ແລະ ເຮັດວຽກຢ່າງເປັນທາງການຮ່ວມກັບອົງການໄອຍະການປະຊາ ຊົນ ແຫ່ງ ສ.ປ.ປ ລາວ,ຊຶ່ງໄດ້ຮັບການຕ້ອນຮັບຈາກທ່ານໄຊຊະນະໂຄດພູທອນຮອງຫົວໜ້າອົງການໄອຍະການປະຊາຊົນສູງສຸດມີພະ ນັກງານຂັ້ນສູງຂອງອົງການໄອຍະການປະຊາຊົນສູງສຸດ, ໃຫ້ກຽດຕ້ອນຮັບຜູ່ແທນດັ່ງກ່າວ ທີ່ ໂຮງແຮມ ລາວພາຊາ, ນະຄອນຫຼວງວຽງຈັນ.

ໃນໂອກາດພົບປະຂອງ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ຕາງໜ້າໃຫ້ຄະນະນຳອົງ ການໄອຍະການປະຊາຊົນສູງສຸດ ສະແດງຄວາມປິຕິຊົມຊື່ນເປັນຢ່າງຍິ່ງ ທີ່ ໄດ້ຮັບຕ້ອນຄະນະຜູ່ແທນຂັ້ນສູງອົງການໄອຍະການປະຊາຊົນສູງສຸດ ແຫ່ງ ສ.ສ ຫວຽດນາມ ທີ່ ໄດ້ມາຢ້ຽມຢາມ ແລະ ແລກປ່ຽນບົດຮຽນໃນຄັ້ງນີ້. ໃນການມາຢ້ຽມຢາມຄັ້ງນີ້ ແມ່ນເປັນການເສີມຂະຫຍາຍສາຍພົວພັນຮ່ວມມືຮອບດ້ານແບບພິເສດ ລະຫວ່າງ ສອງພັກ ສອງລັດ ກໍຄືສອງອົງການໄອຍະການປະຊາຊົນລາວ-ຫວຽດ ນາມ, ຫວຽດນາມ-ລາວ ໃຫ້ແຕກດອກອອກຜົນຍິ່ງຂື້ນ ຊຶ່ງໃນປີລາວໄດ້ຮັບມອບໝາຍໃຫ້ເປັນປະທານອາຊຽນຈະໄດ້ເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 28 ແລະ 29 ພ້ອມກັນນັ້ນ ອົງການໄອຍະການປະຊາຊົນ ແຫ່ງ ສ.ສ.ປ ລາວ ກໍໄດ້ຮັບກຽດເປັນເຈົ້າພາບຈັດກອງປະຊຸມ ຫົວໜ້າອົງການໄອຍະການສູງສຸດ ຈີນ-ອາຊຽນ ຄັ້ງທີ່ X ທີ່ ສ.ປ.ປ ລາວຈາກນັ້ນ ທ່ານ ເຈີ້ນ ກົງຟ້ານ ກໍໄດ້ຕາງໜ້າຄະນະຜູ່ແທນ ອົງການໄອຍະການສູງສຸດ ສ.ສ ຫວຽດນາມ ສະເໜີລະອຽດກ່ຽວກັບຜົນສຳເລັດ ແລະ ບົດຮຽນຈາກ ສ.ສ ຫວຽດນາມໃນການເປັນເຈົ້າພາບຈັດກອງປະຊຸມດັ່ງກ່າວໃນປີ 2009 ແລະ ແລກປ່ຽນບົດຮຽນນຳກັນໃນການຮັບໃຊ້ກອງປະຊຸມຫົວໜ້າອົງການໄອຍະການສູງສຸດ ຈີນ-ອາຊຽນ ຄັ້ງທີ່ X ທີ່ ສ.ປ.ປ ລາວ ແລະ ການຮ່ວມມືຍຸຕິທຳກັບຕ່າງປະເທດ ກ່ຽວກັບການສົ່ງຜູ້ຮ້າຍຂ້າມແດນ ແລະການຮ່ວມມືທາງອາຍາໃນບັນດາ ປະເທດ ອາຊຽນ ແລະ ສປຈີນ ຊຶ່ງກໍ່ເປັນພາຄີສົນທິສັນຍາວ່າດ້ວຍການຕ້ານອາຊະຍາກຳຂ້າມຊາດ ໃນລະຫວ່າງການຢ້ຽມຢາມ ສ.ປ.ປ ລາວ ຄັ້ງນີ້. ຄະນະຜູ້ແທນດັ່ງກ່າວຍັງຈະໄດ້ເຄື່ອນໄຫວຢ້ຽມຂໍໍ່ານັບ ທ່ານ ຄຳສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ ແລະ ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ; ທ່ານ ເຈີ້ນ ກົງຟ້ານ ກໍໄດ້ກ່າວສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນຂອງ ຫົວໜ້າອົງການໄອຍະການປະຊາຊົນສູງສຸດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ໃນນັ້ນຍັງໄດ້ແຈ້ງຈຸດປະສົງ ຂອງ ການມາຢ້ຽມ ຢາມ ສ.ປ.ປ ລາວ ໃຫ້ຮັບຊາບຕື່ມອີກ. ຕອນທ້າຍ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ໃນນາມຕາງໜ້າໃຫ້ຄະນະພັກ-ຄະນະນໍາອົງການໄອຍະການປະຊາຊົນສູງສຸດ ສະແດງຄວາມຍ້ອງຍໍ ແລະ ຊົມເຊີຍຕໍ່ຄະນະຜູ່ແທນຂັ້ນສູງ ອົງການໄອຍະການປະຊາຊົນສູງສຸດ ແຫ່ງ ສ.ສ ຫວຽດນາມ ໄດ້ໃຫ້ການຊ່ວຍເຫລືອໃນການແລກປ່ຽນບົດຮຽນອັນມີຄ່າ ເພື່ອໃນການຈັດກອງປະຊຸມ ຫົວໜ້າອົງການໄອຍະການສູງສຸດ ຈີນ-ອາຊຽນ ຄັ້ງທີ່ X ທີ່ ສ.ປ.ປ ລາວ ແລະ ໝູນໃຊ້ເຂົ້າໃນໜ້າທີ່ວຽກງານ ເພື່ອສ້າງສາຍພົວພັນມິດຕະພາບຄວາມສາ ມັກຄີ ແລະ ການຮ່ວມມືຮອບດ້ານ ລະຫວ່າງ ສອງຊາດ ລາວ-ຫວຽດນາມ ໃຫ້ນັບມື້ນັບດີຂື້ນເລື່ອຍໆ.

by:

24/03/2016

ປະຕິທິນ

Nov-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ