ຝຶກອົບຮົມ ເຕັກນິກເອົາຄໍາໃຫ້ການ ບຸກຄົນໃນຄະດີຄ້າມະນຸດ ແລະ ການເກັບກໍາສະຖິຕິຄະດີຄ້າມະນຸດ ໃນລະຫວ່າງ ວັນທີ 26-28 ກຸມພາ 2020 ທີ່ ນະຄອນ-ປາກເຊ, ແຂວງ ຈໍາປາສັກ

         ໃນ​ລະ​ຫວ່າງວັນ​ທີ 26-28 ກຸມພາ 2020 ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ໂດຍ​ການ​ສະ​ໜັບ​ສະ​ໜູນ​ຈາກ ອົງ​ການ ຈັດຕັ້ງສາກົນເພື່ອການເຄື່ອນຍ້າຍຖິ່ນຖານ (IOM) ປະຈໍາ ສປປ ລາວ ໄດ້​ຈັດ​ຕັ້ງ​ຊຸດຝຶກອົບຮົມ ເຕັກນິກເອົາຄໍາໃຫ້ການບຸກຄົນໃນຄະດີຄ້າມະນຸດ ແລະ ການເກັບກໍາສະຖິຕິຄະດີຄ້າມະນຸດ ໂດຍ​ການ​ເປັນ​ປະ​ທານ​ຂອງ​ ທ່ານ ບຸນຍັງ ຈັນດາລະສານ​ຮອງຫົວ​ໜ້າ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ. ໂດຍມີຜູ້ເຂົ້າຮ່ວມຈາກ​ພາກ​ສ່ວນ​ຕ່າງໆຄື: ອົງ​ການ​ໄອ​ຍະ​ການ​ປະ​ຊາ​ຊົນ ແລະ ເຈົ້າໜ້າທີ່ ປກສ ຈາກບັນດາແຂວງ ຈໍາປາສັກ, ສະຫວັນນະເຂດ, ສາລະວັນ, ອັດຕະປື ແລະ ແຂວງເຊກອງ, ພ້ອມທັງ ນັກວິທະຍາກອນທີ່ມີຈາກ ອົງການໄອຍະການປະຊາຊົນສູງສຸດ ແລະ ກົມຕໍາຫຼວດສືບສວນສອບສວນ ກະຊວງ ປກສ, ຜູ້ຕາງໜ້າຈາກໂຄງການ ໄອໂອເອັມ ​ລວມທັງ​ໝົດ 52 ທ່ານ.

         ການຝຶກອົບຮົມໃນຄັ້ງນີ້ ມີຈຸດປະສົງຄື: 1) ເພື່ອແນໃສ່ສ້າງຄວາມເຂັ້ມແຂງໃຫ້ພະນັກງານ ກໍຄື ເຈົ້າໜ້າທີ່ສອບສວນ ຂອງ ປກສ ທີ່ເຮັດໜ້າທີ່ ກ່ຽວກັບ ການສືບສວນ-ສອບສວນ ແລະ ການດໍາເນີນຄະດີຄ້າມະນຸດ ໄດ້ຮັບຄວາມຮູ້ ຄວາມເຂົ້າໃຈ ກ່ຽວກັບ ເຕັກນິກການເອົາຄໍາໃຫ້ການ ແລະ ສໍາພາດບຸກຄົນໃນຄະດີຄ້າມະນຸດ ເປັນຕົ້ນແມ່ນ ຜູ້ຖືກເຄາະຮ້າຍ, ພະຍານ ຫຼື ຜູ້ກ່ຽວຂ້ອງກັບການຄ້າມະນຸດ, ສ້າງໃຫ້ພະນັກງານໄອຍະການ ແລະ ເຈົ້າໜ້າທີ່ ປກສ ທີ່ເຮັດວຽກກ່ຽວຂ້ອງກັບະດີຄ້າມະນຸດ ໄດ້ມີການແລກປ່ຽນ ຖອດຖອນບົດຮຽນ ແລະ ມີກົນໄກປະສານງານໃຫ້ມີປະສິດທິພາບສູງຂຶ້ນ. 2) ການເຜີຍແຜ່ຮ່າງເກັບກໍາສະຖິຕິຕິ ໃນການຕິດຕາມຄະດີຄ້າມະນຸດ, ເພື່ອເຮັດໃຫ້ວຽກງານເກັບກໍາສະຖິຕິຄະດີຄ້າມະນຸດມີຄວາມ ຄົບຖ້ວນສົມບູນ ແລະ ມີຄວາມເປັນເອກະພາບກັນ ໃນຂອບເຂດທົ່ວປະເທດ, ພ້ອມນີີ້ ບັນດາທ່ານ ສາມາດປະກອບຄໍາຄິດຄໍາເຫັນ ຕໍ່ກັບການເກັບກໍາສະຖິິຕິຕິດັ່ງກ່າວ ໃຫ້ມີຄວາມສົມບູນຍິ່ງຂຶ້ນ.

      ການຝຶກອົບຮົມໃນຫົວຂໍ້ດັ່ງກ່າວນີ້ ໃນໄລຍະຜ່ານມາ ແມ່ນໄດ້ຈັດຕັ້ງຂຶ້ນ 4 ຄັ້ງແລ້ວ ໂດຍໄດ້ຈັດຢູ່ບັນດາແຂວງ ພາກເໜືອ ແລະ ພາກກາງ, ຊຶ່ງການຝຶກອົບຮົມໃນຄັ້ງນີ້ ແມ່ນເປັນຄັ້ງທີ 5 ໂດຍມີຜູ້ເຂົ້າຮ່ວມຈາກບັນດາແຂວງພາກໃຕ້, ການຝຶກອົບຮົມດັ່ງກ່າວນີ້ ໄດ້ຮັບຜົນສໍາເລັດໃນການສ້າງຄວາມເຂັ້ມແຂງໃຫ້ແກ່ພະນັກງານໄອຍະການ ແລະ ເຈົ້າໜ້າທີ່ທີ່ກ່ຽວຂ້ອງ ໃນການເອົາຄໍາໃຫ້ການບຸກຄົນໃນຄະດີຄ້າມະນຸດ ແລະ ການເກັບກໍາສະຖິຕິຄະດີຄ້າມະນຸດ ຫຼາຍກວ່າ 150 ທ່ານ ນັບແຕ່ປີ 2019 ເປັນຕົ້ນມາ.

by:sack

05/03/2020

ປະຕິທິນ

Apr-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ