ກອງປະຊຸມໃຫ່ຍຄັ້ງທີ II ຂອງໝ່ວຍພັກ ອົງການໄອຍະການປະຊາຊົນແຂວງຫລວງນໍ້າທາ

         ວັນທີ 4 ມີຖຸນາ 2020 ໝ່ວຍພັກອົງການໄອຍະການປະຊາຊົນແຂວງຫລວງນໍ້າທາ ໄດ້ຈັດກອງປະຊຸມໃຫຍ່ຄັ້ງທີ 2 ຂອງຕົນຂຶ້ນຢ່າງເປັນທາງການຢູ່ທີ່ຫ້ອງປະຊຸມຂອງສະພາປະຊາຊົນແຂວງຫລວງນໍ້າທາ ໂດຍການເປັນປະທານຂອງ ສະຫາຍ ສົມສັກ ຈັນທະວິໄລ ເລຂາພັກໝ່ວຍພັກອົງການໄອຍະການປະຊາຊົນແຂວງຫລວງນໍ້າທາ ໃຫ້ກຽດເຂົ້າຂອງ ສະຫາຍ ໄຊພອນ ພົນສີລິເຮືອງ ຮອງເລຂາພັກແຂວງ ປະທານປະຊາຊົນແຂວງຫລວງນໍ້າທາ ມີເລຂາໝ່ວຍພັກອ້ອມຂ້າງ ສາມອົງການຈັດຕັ້ງພັກຕະຫລອດຮອດສະມາຊິກພາຍໃນໝ່ວຍເຂົ້າຮ່ວມ ສະຫາຍ ນາງ ວອນແສງ ບົວດອກທອງ ຮອງເລຂາພັກອົງການໄອຍະການປະຊາຊົນແຂວງຫລວງນໍ້າທາ ໄດ້ຜ່ານຮ່າງບົດລາຍງານການເມືອງໃນໄລຍະ 5 ປີຜ່ານມາ ແລະ ທິດທາງໃນຕໍ່ໜ້າ ໝ່ວຍພັກອົງການໄອຍະການປະຊາຊົນແຂວງຫລວງນໍ້າ ເປັນໝ່ວຍພັກເອກະລາດທີ່ຂຶ້ນກັບການຊີ້ນຳໆພາຂອງຄະນະປະຈຳພັກແຂວງດ້ານການເມືອງ-ແນວຄິດ ແລະ ການຈັດຕັ້ງ ໝ່ວຍພັກຂອງອົງການປະຊາຊົນແຂວງມີສະມາຊິກພັກທັງໝົດ 17 ສະຫາຍ, ຍິງ 6 ສະຫາຍ ໃນນັ້ນໄດ້ມີຄະນະພັກ 3 ສະຫາຍ, ຍິງ 01 ສະຫາຍ ກວມເອົາ 71% ຂອງພະນັກງານທັງໝົດ.

       ຕະຫລອດໄລຍະທີ່ຜ່ານມາ ຄະນະພັກໄດ້ເອົາໃຈໃສ່ໃນການຊີ້ນຳໆພາຈັດຕັ້ງປະຕິບັດໜ້າທີ່ວຽກງານຕາມພາລະບົດບາດ ສິດ ແລະ ໜ້າທີ່ ສຶກສາອົບຮົມດ້ານການເມືອງ-ແນວຄິດໃຫ້ແກ່ພະນັກງານສະມາຊິກມີແນວຄິດອຸ່ນອ່ຽງ,​ ທຸ່ນທ່ຽງຕໍ່ກັບໜ້າທີ່ວຽກງານຂອງແຕ່ລະສະຫາຍ ແລະ ເຄື່ອນໄຫວຕາມແນວທາງຂອງພັກ ຕາມແນວຄິດສວຍໃຊ້ໂອກາດໃນການຍົກສູງນໍ້າໃຈຮັກຊາດ, ຮັກລະບອບໃໝ່, ມີຄວາມສາມັກຄີຮັກແພງເປັນເອກະພາບສູງ ຕໍ່ກັບແນວທາງຂອງພັກ.

         ການຕີລາຄາຈັດແບ່ງປະເພດສະມາຊິກພັກແຂງ 15 ສະຫາຍ ກວມເອົາ 88 % ກາງ 2 ສະຫາຍ ກວມເອົາ 11% ຢັ້ງຢືນໝ່ວຍພັກແຂງຮູ້ນໍາພາຮອບດ້ານຕິດຕໍ່ກັບຄັ້ງທີ VIII ຮອບທີ່ VIII ແລະ ປີ 2018 ໄດ້ຢັ້ງຢືນເປັນໝ່ວຍພັກປອດໃສເຂັ້ມແຂງໝັກແໜ້ນ ຄັ້ງທີ I ຮອບ ທີ I ແລະ ຕີລາຄາຈັດແບ່ງປະເພດຂອງໝ່ວຍພັກໄດ້ປະເພດແຂງ ພ້ອມທັງການປະເມີນຜົນສໍາເລັດປະຈຳປີ 2019 ເປັນຄັ້ງ II ຮອບທີ II ວຽກງານທີ່ພົ້ນເດັ່ນອີກຫລາຍດ້ານ.

        ໂອກາດດັ່ງກ່າວກໍຍັງໄດ້ມີການປ່ອນບັດເລືອກຕັ້ງເອົາເລຂາ ແລະ ຮອງເລຂາຊຸດໃໝ່ ຊຶ່ງມີຜູ້ສະໜັກ 05 ສະຫາຍ ແລະ ເລືອກເອົາ 03 ສະຫາຍ ໃນກອງປະຊຸມຮອດປະຖົມມະລຶກເລືອກເອົາ ສະຫາຍ ສົມສັກ ຈັນທະວິໄລ ເປັນເລຂາຊຸດໃໝ່ ແລະ ພ້ອມດ້ວຍຄະນະອີກ 02 ສະຫາຍ ເພື່ອເປັນການຊີ້ນໍາໆພາວຽກງານງານພັກໃນຕໍ່ໜ້າ ແລະ ປ່ອນບັດຄັດເລືອກຜູ້ແທນສະບຸນ ແລະ ສຳຮອງ ເຂົ້າຮ່ວມກອງປະຊຸມຂອງອົງຄະນະພັກແຂວງຄັ້ງທີ VIII ຕື່ມອີກ.

by:sack

05/06/2020

ປະຕິທິນ

Jul-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ