ພິທີປະກາດສ້າງຕັ້ງອົງການໄອຍະການປະຊາຊົນເຂດ 2 ແຂວງໄຊສົມບູນ

      ໃນວັນທີ 05 ມິຖຸນາ 2020 ຜ່ານມາ, ຢູ່ທີ່ ສະໂມສອນປົກຄອງເມືອງລອງຊານ ແຂວງໄຊສົມບູນ, ໄດ້​ຈັດພິທີປະກາດສ້າງຕັ້ງອົງການໄອຍະການປະຊາຊົນເຂດ 2 ແຂວງໄຊສົມບູນ. ພາຍໃຕ້ການເປັນປະທານຮ່ວມຂອງ ທ່ານ ໄຊຊະນະ ໂຄດພູທອນ ຮອງເລຂາຄະ​ນະ​ບໍ​ລິ​ຫານ​ງານພັກ, ຮອງຫົວໜ້າອົງການໄອຍະການປະຊາຊົນສູງສຸດ ແລະ ທ່ານ ບຸນສຸກ ຈອມວິສານ ຮອງເລຂາຄະ​ນະ​ບໍ​ລິ​ຫານ​ງານພັກແຂວງ, ປະທານສະພາປະຊາຊົນແຂວງໄຊສົມບູນ, ຊຶ່ງມີຜູ້ຕາງໜ້າຈາກຫ້ອງການ, ກົມ ອົງ​ການ​ໄອ​ຍະ​ການ​ປະ​ຊາ​ຊົນ​ສູ​ງ​ສຸດ ອົງການໄອຍະການປະຊາຊົນແຂວງ, ອົງການໄອຍະການປະຊາຊົນເຂດ1, ເຈົ້າເມືອງລອງຊານ, ເຈົ້າເມືອງຮົ່ມ, ສານ​ປະ​ຊາ​ຊົນ​ເຂດ 2 ແລະ ບັນດາຫ້ອງການອ້ອມຂ້າງເມືອງລອງຊານ ເຂົ້າຮ່ວມທັງໝົດ 75 ທ່ານ.

      ໃນພິທີດັ່ງກ່າວ, ທ່ານ ສົມບູນ ລາດສະບົວສີ ຄະ​ນະ​ພັກ, ຫົວໜ້າກົມຈັດຕັ້ງ-ພະນັກງານ ອົງການໄອຍະການປະຊົນສູງສຸດ ໄດ້ຂຶ້ນຜ່ານຂໍ້ຕົກລົງວ່າດ້ວຍການສ້າງຕັ້ງອົງການໄອຍະການປະຊາຊົນເຂດ 2 ແຂວງໄຊສົມບູນ ສະບັບເລກທີ 274/ອອປສ, ລົງວັນທີ 20/05/2020 ແລະ ຂໍ້ຕົກລົງແຕ່ງຕັ້ງພະນັກງານ ສະບັບເລກທີ 275 ຫາ 279/ອອປສ, ລົງວັນທີ 20/05/2020.

      ອົງການໄອຍະການປະຊາຊົນເຂດ 2 ແຂວງໄຊສົມບູນ ແມ່ນຕັ້ງຢູ່ເມືອງາລອງຊານ ແຂວງໄຊສົມບູນ, ມີຄວາມຮັບຜິດຊອບ 2 ເມືອງ ຄື ເມືອງລອງຊານ ແລະ ເມືອງຮົ່ມ ແຂວງໄຊສົມບູນ, ​​ໃນ​ການປະ​ຕິ​ບັດ​ພາ​ລະ​ບົດ​ບາດ ​ຕິດ​ຕາມກວດ​ກາ​ການ​ເຄົາ​ລົບ ແລະ ປະ​ຕິ​ບັດ​ກົດ​ໝາຍ ໃຫ້​ຖືກຕ້ອງ ແລະ ເອ​ກະ​ພາບ ຢູ່​ໃນ​ຂອບ​ເຂດ​ຄວາມ​ຮັ​ບ​ຜິດ​ຊອບ​ຂອງ​ຕົນ ແລະ ສັ່ງ​ຟ້ອງ​ຜູ້​ຖືກ​ຫາ​ຂຶ້ນ​ສານ.

      ໃນໂອກາດດັ່ງກ່າວ ທ່ານ ໄຊຊະນະ ໂຄດພູທອນ ຮອງເລຂາ​ຄະ​ນະ​ບໍ​ລິ​ຫານ​ງານພັກ, ຮອງຫົວໜ້າອົງການໄອຍະການປະຊາຊົນສູງສຸດ ກໍ່ໄດ້ໂອ້ລົມ ແລະ ເນັ້ນໜັກໃຫ້ເອົາໃຈໃສ່ ຊີ້ນຳ-ນຳພາ ວຽກ​ງານ​ຮອບ​ດ້ານ​ໃນ​ຂອບ​ເຂດ​ຄວາມ​ຮັບ​ຜິດ​ຊອບ, ຮັດ​ແໜ້ນຄວາມສາມາຄີ, ແລກ​ປ່ຽນ, ຖອດຖອນບົດຮຽນ, ​ປະ​ຕິ​ບັດ​ລະ​ບອບ​ສ່ອງ​ແສງການ​ລາຍ​ງານ, ຂໍ​ຄຳ​ເຫັນ​ຈາກ​ຄະ​ນະ​ພັກ​ເມືອງ ແລະ ແບບັດຮອບ​ດ້ານ​ໃນ​ຂອບ​ເຂດ​ຄວາມ​ຮັບ​ຜິດ​ຊອບຍວາມ​ຮັ​ບ​ຜິດ​ຊອບ​ຂອງ​ຕົນ ແລະ ສັ່ງ​ຟ້ອງ​ຜູ້​ຖືກ​ຫາ​ຂຶ້ນ​ສານອົງການໄອຍະການປະຊາຊົນແຂວງ ຢ່າງ​ເປັນ​ປົກ​ກະ​ຕິ.

      ເພື່ອ​ຕອ​ບ​ສະ​ໜອງ​ໃຫ້​ແກ່ການ​ເຄື່ອນ​ໄຫວ​ວຽກ​ງານ ອັນ​ຈຳ​ເປັນ ໃຫ້​ອົງ​ການ​ໄອ​ຍະ​ການ​ປະ​ຊາ​ຊົນ​ສ້າງ​ຕັ້ງ​ໃໝ່ ອົງການໄອຍະການປະຊາຊົນສູງສຸດ ໄດ້ມອບເງິນ ແລະ ອຸປະກອນເຄື່ອງໃຊ້ຫ້ອງການ​ຈຳ​ນວນ​ໜຶ່ງ ໃຫ້ແກ່ ອົງການໄອຍະການປະຊາຊົນເຂດ 2 ແຂວງໄຊສົມບູນ, ຕ່າງໜ້າຄະນະ ມອບໂດຍ ທ່ານ ສີສຸພັນ ສີວັນທອງ ຫົວໜ້າກົມການເງິນ, ອົງການໄອຍະການປະຊາຊົນສູງສຸດ ແລະ ຮັບໂດຍ ທ່ານ ພອນວິໄລ ໂພທິສາສາດ, ຮັກສາການຫົວໜ້າອົງການໄອຍະການປະຊາຊົນເຂດ 2 ແຂວງໄຊສົມບູນ.

ຂ່າວ ແລະ ພາບ: ຈະເລີນສີນ ສີພັນດອນ

by:CLS

09/06/2020

ປະຕິທິນ

Jul-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ