ພິທີ ຍ້ອງຍໍ ແລະ ປະດັບຫຼຽນກາລະນຶກ 30 ປີ ແຫ່ງການສ້າງຕັ້ງອົງການໄອຍະການປະຊາຊົນ ແຫ່ງ ສປປ ລາວ ໃຫ້ແກ່ອົງການໄຈກາ ແລະ ຜູ້ຊ່ຽວຊານຢີ່ປຸ່ນ

      ໂດຍ​ປະ​ຕິ​ບັດ​ຕາມ​ການຕົກ​ລົງ ແລະ ການມອບ​ໝາຍ​ຂອງ​ຄະ​ນະ​ນຳ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ໃນ ຕອນເຊົ້າຂອງວັນທີ 11 ມິຖຸນາ 2020 ທີ່ ອົງການຮ່ວມມືສາກົນຍີ່ປຸ່ນ (JICA), ປະຈໍາ ສ​ປ​ປ ລາວ ໄດ້ມີພິທິຍ້ອງຍໍ ແລະ ປະ​ດັບ​ຫຼຽນ​ກາລະນືກ 30 ປີ ແຫ່ງການສ້າງຕັ້ງອົງການໄອຍະການປະຊາຊົນຂຶ້ນ ໂດຍມີ ທ່ານ ຄຳເພັດ ສົມວໍລະຈິດ ຮອງ ຫົວໜ້າ ກົມແຜນການ ແລະ ຮ່ວມມືກັບຕ່າງປະເທດ ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ແລະ ທ່ານ ໂຢ​ຊິ​ຮາ​ລຸ ໂຍ​ນີ​ຢາ​ມາ ຫົວ​ໜ້າ​ຫ້​ອງ​ການ ອົງການຮ່ວມມືສາກົນຍີ່ປຸ່ນ(JICA) ປະຈໍາລາວ, ຜູ້​ຊ່ຽວ​ຊານ ແລະ ພະ​ນັກ​ງານ​ຂອງ​ທັງ​ສອງ​ຝ່າຍ 6 ທ່ານ ເຂົ້າ​ຮ່ວມ ​ຢ່າງ​ພ້ອມ​ພຽງ.

         ເພື່ອ​ເປັນ​ການຍ້ອງຍໍອົງການໄຈ​ກາ ແລະ ຜູ້​ຊ່ຽວ​ຊານ​ຢີ່​ປຸ່ນ ຄື: ໃບ​ຍ້ອງ​ຍໍ​ໃຫ້ອົງ ການຮ່ວມມືສາກົນ ຍີ່ປຸ່ນ (JICA), ຫຼຽນ​ກາລະນືກ 30 ປີ ແຫ່ງການສ້າງຕັ້ງອົງການໄອຍະການປະຊາຊົນ ໃຫ້ ທ່ານ ໂຢ​ຊິ​ຮາ​ລຸ ໂຢ​ນີ​ຢາ​ມາ ຫົວ​ໜ້າ​ຫ້​ອງ​ການ ອົງການ ຮ່ວມມືສາກົນຍີ່ປຸ່ນ ປະ​ຈຳ ສ​ປ​ປ ລາວ ແລະ ຜູ້​ຊ່ຽວ​ຊານ​ຢີ່​ປຸ່ນ ຄື: ທ່ານ ອາ​ຊຸ​ຊິ ອີ​ໂຕະ (Mr Atsushi Ito), ທ່ານ ຮີ​ໂຕ​ຊິ ກາ​ວະ​ມຸ​ລະ (Mr Hitoshi Kawamura), ທ່ານ ຣິ​ໂອະ ຊາ​ຕາ​ເກ ( Mr Ryo Satake) ແລະ ທ່ານ ກາ​ຊຸ​ໂນ​ຣິ ອີ​ຣີ​ເອະ ( Mr Katsunori lrie) ທີ່ມີຜົນງານດີ ເດັ່ນປະກອບສ່ວນເຂົ້າ ໃນການ ພັດທະນາວຽກ​ງ່ນ​ໄອ​ຍະ​ການ​ປະ​ຊາ​ຊົນ ຂອງ ສປປ ລາວ.

      ໃນໄລຍະ 30 ຜ່ານມາ (1990-2020) ເພື່ອເປັນການສະແດງ ຄວາມ ຮູ້ບຸນຄຸນ ແລະ ຂອບໃຈ ທີ່ລັດຖະບານ ແລະ ປະຊາ ຊົນຢີ່ປຸ່ນ ໄດ້ໃຫ້ການຊ່ວຍເຫຼືອ ສປປ ລາວ ໃນການພັດທະນາຊັບພະຍາກອນ ມະນຸດ ແລະ ວຽກງານຍຸຕິທໍາຂອງ ສ​ປ​ປ ລາວ ກໍ​ຄື ຂອງ​ອົງ​ການ​ໄອ​ຍະ​ການ​ປະ​ຊາ​ຊົນ. ການຊ່ວຍເຫຼືອດັ່ງກ່າວ ໄດ້ປະກອບສ່ວນສໍາ ຄັນ ເຂົ້າໃນການພັດທະນາຊັບພະຍາກອນມະນຸດ ແລະ ວຽກງານຍຸຕິທໍາ, ໃນການສ້າງລັດທີ່ປົກຄອງດ້ວຍກົດໝາຍ ຂອງ ສປປ ລາວ ໄດ້ຮັບຜົນສໍາເລັດຕື່ມອີກບາດກ້າວໜຶ່ງ; ປະກອບສ່ວນເຂົ້າໃນການເພີ່ມພູນຄູນສ້າງມິດຕະພາບໃນການພົວພົນ-ຮ່ວມມື ຂອງສອງປະເທດ ລາວ-ຍີ່ປຸ່ນ ເວົ້າລວມ ເວົ້າ ສະເພາະ ລະ​ຫວ່າງ ອົງການໃຈກ້າປະຈຳ ສປປ ລາວ ແລະ ອົງການ ໄອຍະການປະຊາຊົນ ແຫ່ງ ສປປ ລາວ ໃຫ້​ໄດ້​ຮັບ​ການ​ພັດ​ທະ​ນາຂຶ້ນ ຢ່າງ​ບໍ່​ຢຸດຢັ້ງ.

 

ພາບ-ຂ່າວ: ນັກຂ່າວ ອອປສ

by:sack

11/06/2020

ປະຕິທິນ

Jul-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ