ກອງປະຊຸມໃຫຍ່ຄັ້ງທີ V ຂອງອົງການໄອຍະການປະຊາຊົນແຂວງອຸດົມໄຊ

      ກອງປະຊຸມໃຫຍ່ຄັ້ງທີ V ຂອງອົງການໄອຍະການປະຊາຊົນແຂວງອຸດົມໄຊ ໄດ້ຈັດຂຶ້ນໃນຕອນເຊົ້າຂອງວັນທີ 10 ມີຖຸນາ 2020 ຜ່ານມາ​ ທີ່ ຫ້ອງປະຊຸມໃຫຍ່ຂອງອົງການໄອຍະການປະຊາຊົນແຂວງ ໂດຍໃຫ້ກຽດເຂົ້າຮ່ວມຂອງ ສະຫາຍ ບຸນລອດ ອ່ອນພະຈັນ ຮອງເລຂາພັກແຂວງ ປະທານສະພາປະຊາຊົນແຂວງ, ສະຫາຍ ບຸນທ່ຽງ ວິໄລວົງ ເລຂາໝ່ວຍພັກ ຫົວໜ້າອົງການໄອຍະການປະຊົນແຂວງອຸດົມໄຊ, ຄະນະຈັດຕັ້ງແຂວງ ແລະ ຕາງໜ້າຈາກບັນດາໜ່ວຍພັກອ້ອມຂ້າງ ສະມາຊິກພັກສົມບູນ ພາຍໃນໝ່ວຍພັກເຂົ້າຮ່ວມຈຳນວນ 50 ສະຫາຍ.

      ກອງປະຊຸມໄດ້ສະຫລຸບຕີລາຄາການເຄື່ອນໄຫວຈັດຕັ້ງປະຕິບັດມະຕິຂອງກອງປະຊຸມໃຫຍ່ຄັ້ງທີ IV ໄລຍະ 5 ປີ ແລະ ທິດທາງແຜນການ 5 ປີ ຕໍ່ໜ້າ. ໝ່ວຍພັກອົງການໄອຍະການປະຊາຊົນແຂວງ ເປັນໝ່ວຍພັກໜຶ່ງທີ່ນອນຢູ່ໃນໝ່ວຍພັກອ້ອມຂ້າງແຂວງພາຍໄຕ້ການຊີ້ນຳໆພາໂດຍກົງຂອງຄະນະບໍລິຫານງານພັກແຂວງ, ມີພາລະບົດບາດໃນການຕິດຕາມກວດກາການເຄົາລົບປະຕິບັດກົດໝາຍໃຫ້ມີຄວາມຖືກຕ້ອງເປັນເອກະພາບໃນຂອບເຂດແຂວງ. ໃນຕະຫລອດໄລຍະ 5 ປີ ຜ່ານມາ, ໝ່ວຍພັກອົງການໄອຍະການປະຊາຊົນແຂວງສາມາດຍາດໄດ້ຜົນງານ ແລະ ໄຊຊະນະໃນຫລາຍໆດ້ານ ເປັນຕົ້ນ ວຽກງານການເມືອງ-ແນວຄິດ, ວຽກງານປ້ອງກັນຄວາມສະຫງົບ, ວຽກງານວິຊາສະເພາະ, ວຽກງານຈັດຕັ້ງ-ພະນັກງານ ແລະ ວຽກງານະໂຍບາຍແກ້ໄຂຊິວິດການເປັນຢູ່, ວຽກງານປັບປຸງກໍ່ສ້າງພັກ ແລະ ວຽກງານກວດກາພັກ.

ຄະນະໝ່ວຍພັກອົງການໄອຍະການປະຊາຊົນແຂວງອຸດົມໄຊ

      ກອງປະຊຸມໄດ້ພ້ອມກັນປ່ອນບັດຄັດເລືອກເອົາຄະນະໝ່ວຍພັກຊຸດໃຫມ່, ຊຶ່ງມີຜູ້ສະໜັກທັງໝົດ 5 ສະຫາຍ, ຍິງ 2 ສະຫາຍ. ຜ່ານການປ່ອນບັດກອງປະຊຸມໄດ້ເຫັນດີເປັນເອກະພາບລົງປະຊາມະຕິຄັດເລືືອກເອົາ ສະຫາຍ ບຸນທ່ຽງ ວິໄລວົງ ເປັນເລຂາໝ່ວຍພັກ, ສະຫາຍ ທອງຄານ ວັດສະດາກອນ ເປັນຮອງເລຂາໝ່ວຍພັກ, ສະຫາຍ ນາງ ປະທຸມພອນ ເພັດວັນຄຳ ເປັນຄະນະໝ່ວຍພັກ ແລະ ໄດ້ເລືອກເອົາປະທານ ແລະ ຮອງປະທານກວດກາ ຈຳນວນ 2 ສະຫາຍ ໃນນັ້ນ ສະຫາຍ ທອງຄານ ວັດສະດາກອນ ເປັນປະທານ ແລະ ສະຫາຍ ນາງ ວຽງແກ້ວ ສີສົມບັດ ເປັນຮອງປະທານກວດກາ. ຈາກນັ້ນ ກໍຍັງໄດ້ຄັດເລືອດເອົາຜູ້ແທນສົມບູນເຂົ້າຮ່ວມກອງປະຊຸມໃຫຍ່ ອົງຄະນະພັກແຂວງອຸດົມໄຊ ຄັ້ງທີ XI ທີ່ຈະໄດ້ໄຂຂຶ້ນໃນມໍ່ໆນີ້ ຈໍານວນໜຶ່ງສະຫາຍ ໂດຍເລືອກເອົາ ສະຫາຍ ບຸນທ່ຽງ ວິໄລວົງ.

      ໂອກາດດັ່ງກ່າວ, ສະຫາຍ ບຸນລອດ ອ່ອນພະຈັນ ຄະນະປະຈຳພັກແຂວງ ປະທານ ສະພາປະຊາຊົນແຂວງ ໄດ້ມີຄຳເຫັນໂອ້ລົມເນັ້ນໜັກບາງບັນຫາໂດຍສະເພາະການຈັດຕັ້ງປະຕິບັດໜ້າທີ່ຂອງອົງການໄອຍະການປະຊາຊົນຕາມກົດໝາຍຢ່າງເຂັ້ມງວດ ມີຈັນຍາບັນ, ຈັນຍາທຳ, ປະຕິບັດໜ້າທີ່ດ້ວຍຄວາມຖືກຕ້ອງ ໂປ່ງໃສ ເຮັດໃຫ້ປະຊາຊົນຮັບຮູ້ເຂົ້າໃຈໜ້າທີ່ຄວາມຮັບຜິດຊອບຂອງຕົນຢ່າງກວ້າງຂວາງເລິກເຊິ່ງ.

by:CLS

26/06/2020

ປະຕິທິນ

Jul-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ