ພິທີມອບຮັບຫ້ອງການອົງການໄອຍະການປະຊາຊົນ ແຂວງໄຊສົມບູນ

      ໂດຍປະຕິບັດຕາມຂໍ້ຕົກລົງວ່າດ້ວຍການແຕ່ງຕັ້ງພະນັກງານລົງເຄື່ອນໄຫວເຮັດວຽກທາງລັດຖະການຢູ່ແຂວງໄຊສົມບູນ ສະບັບເລກທີ 269/ອອປສ, ລົງວັນທີ 18/05/2020, ໃນວັນທີ 27 ພຶດສະພາ 2020 ຜ່ານມາ.  ຄະນະຮັບຜິດຊອບ, ຊຶ່ງນໍາໂດຍ ທ່ານ ນາງ ບຸນໄທ ປັນແກ້ວ ຫົວໜ້າກົມແຜນການ ແລະ ຮ່ວມມືກັບຕ່າງປະເທດ ພ້ອມ ດ້ວຍຄະນະ: 07  ທ່ານ. 

        ໃນວັນທີ 27 ພຶດສະພາ 2020 ຜ່ານມາ. ຄະນະຮັບຜິດຊອບໄດ້ເດີນທາງໄປເຖິງແຂວງໄຊສົມບູນ, ວັນທີ 28 ພຶດ ສະພາ  2020 ໄດ້ລົງກວດກາ 100 % ໂຄງການກໍ່ສ້າງຫ້ອງການອົງການໄອຍະການປະຊາຊົນແຂວງໄຊສົມບູນຮ່ວມກັບຄະນະຮັບຜິດຊອບໂຄງການຂັ້ນສູນກາງ, ແຂວງ ແລະ ບໍລິສັດ ດາວເໜືອພັດທະນາຄົບວົງຈອນ ແລະ ຕໍ່ມາວັນທີ  29   ພຶດສະພາ 2020 ແມ່ນໄດ້ຈັດພິທີມອບ-ຮັບຫ້ອງການອົງການໄອຍະການປະຊາຊົນແຂວງໄຊສົມບູນ ໂດຍໄດ້ຮັບກຽດເຂົ້າຮ່ວມເປັນປະທານຂອງ ທ່ານ ບຸນສຸກ ຈອມວິສານ ຮອງເລຂາພັກແຂວງ, ປະທານສະພາປະຊາຊົນແຂວງໄຊສົມບູນ​,  ມີບັນດາຜູ້ຕາງໜ້າຈາກພະແນກການກ່ຽວຂ້ອງຂອງແຂວງ, ພະນັກງານ-ລັດຖະກອນ ອົງການໄອຍະການປະຊາຊົນແຂວງເຂົ້າຮ່ວມຫຼາຍກວ່າ 50 ທ່ານ.

        ສະຫຼຸບແລ້ວການລົງເຄື່ອນໄຫວກວດກາ 100 % ແລະ ມອບ-ຮັບ ຫ້ອງການອົງການໄອຍະການປະຊາຊົນແຂວງໄຊສົມບູນຄັ້ງນີ້ແມ່ນໄດ້ຮັບຜົນສໍາເລັດຕາມລະດັບຂາດໝາຍທີ່ວາງໄວ້ທຸກປະການໂດຍສະເພາະພິທີມອບຮັບແມ່ນກະທັດຮັດແຕ່ມີວິທີການ, ຂັ້ນຕອນ ແລະ ເນື້ອໃນທີ່ສົມບູນ, ຄະນະນຳຂັ້ນແຂວງ  ແລະ ພາກສ່ວນທີ່ເຂົ້າຮ່ວມໃນພິທີກໍມີຄວາມເພິ່ງພໍໃຈ.

by:sack

01/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ