ຄະ​ນະຊາວໜຸ່ມຮາກຖານ ອົງການໄອຍະການປະຊາຊົນແຂວງອຸດົມໄຊ ໄດ້​ຮັບ​ທຸງ​ໄຊນຳ​ໜ້າ​ຂະ​ບວນ​ການ​ແຂ່ງ​ຂັນ 4 ບຸກ

      ຕອນ​ບ່າຍ ເວລາ 14:00 ຂອງວັນ​ທີ 3 ກໍລະກົດ 2020  ຜ່ານມາ ​ທີ່ ​ຫ້ອງ​ປະຊຸມ ຊັ້ນ III ຂອງອົງການ​ໄອ​ຍະ​ການ​ປະຊາຊົນ​ແຂວງ ອຸດົມ​​ໄຊ ​ໄດ້​ຈັດ​ພິທີ ມອບ-ຮັບ ທຸງ​ໄຊ ນໍາ​ໜ້າຂະ​ບວນການ ​ແຂ່ງຂັນ 4 ບຸກຂອງ ຊາວ​ໜູ່ມ ປະຊາຊົນ ປະຕິວັດ​ລາວ ​ໃຫ້​ແກ່​ໜ່ວຍ​ຊາວ​ໜູ່ມຮາກ​ຖານ ອົງການ​ຍະ​ການ ປະຊາຊົນ​ແຂວ​ງ. ​ໂດຍ​ການ​ເປັນ​ກຽດ​ເຂົ້າ​ຮ່ວມ ​ຂອງ ສະຫາຍ ​ສົມ​ດີ​ ​ເຕັງ​ເບຼຍ​ຈື  ຄະນະ​ບໍລິຫານ​ງານ ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ, ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ ​ແລະ ສະຫາຍ ທອງ​ຄານ ວັດ​ສະ​ດາກອນ ຮອງ​ເລຂາ​ໜ່ວຍ​ພັກ ຮອງ​ຫົວໜ້າ​ອົງການ​ໄອ​ຍະ​ການ​ປະຊາຊົນ​ແຂວງ, ມີ​ແຂກ​ຖືກ​ເຊີນ​ຈາກ​ໜ່ວຍ​ອ້ອມ​ຂ້າງ​ ​ແລະ ສະມາຊິກ​ຊາວ​ໜຸ່ມ​ເຂົ້າ​ຮ່ວມ​ທັງ​ໝົດ 23 ສະຫາຍ, ຍິງ 8 ສະຫາຍ.

       ກອງ​ປະຊຸມ​ໄດ້​ຮັບ​ຟັງ​ ການ​ຜ່ານ​ບົດ​ສະຫຼຸບ ການຈັດ​ຕັ້ງ​ປະຕິບັດ ຂໍ້​ແຂ່ງຂັນ 4 ບຸກ​ໄລຍະ 3 ປີ ຜ່ານ​ມາ ສະ​ເໜີ​ໂດຍ​ສະຫາຍ ນາງ ປະທຸມ​ພອນ ​ເພັດ​ວັນ​ຄໍາ ຄະນະ​ໜ່ວຍ​ພັກອົງການ​ໄອ​ຍະ​ການປະຊາຊົນ​ແຂວງ, ຄະນະ​ບໍລິຫານ​ງານ​ຊາວ​ໜຸ່ມ​ແຂວງ, ​ເລຂາໜ່ວຍ​ຊາວ​ໜຸ່ມຮາກ​ຖານອົງການ​ໄອ​ຍະ​ການ​ປະຊາຊົນ​​ແຂວງ. ຈາກ​ນັ້ນ ສະມາຊິກ ​​ພາຍ​ໃນ​ໜ່ວຍ ​ແລະ ​ແຂກ​ເຊີນ​ກໍ​ໄດ້​ພ້ອມ​ກັນ​ປະກອບຄຳ​ຄິດ, ຄຳ​ເຫັນ​ຢ່າງ​ສ້າງສັນ ​ແລະ ​ເຫັນ​ດີ​ເປັນ​ເອກະ​ພາບ​ຕໍ່​ບົດສະຫຼູ​ບດັ່່ງກ່າວ.

      ຕະຫຼອດ​ໄລຍະ 3 ປີຜ່ານມາ ( 2016-2018 ) ໜ່ວຍ​ຊາວ​ໜູ່ມຮາກ​ຖານ​ອົງການ​ໄອ​ຍະ​ການ​ປະຊາຊົນ​ແຂວງ ​ໄດ້​ເອົາ​ໃຈ​​ໃສ່ຈັດ​ຕັ້ງປະຕິບັດ​ຂະ​ບວນການ​ແຂ່ງຂັນ 4 ບຸກ​ ຂອງ​ຊາວ​ໜຸ່ມ​ຢ່າງ​ຕັ້ງ​ໜ້າ ຊຶ່ງ​ສະ​ແດງ​ອອກ​ຜົນງານ​ຫຼາຍ​ດ້ານ ​ເປັນ​ຕົ້ນ ​ແມ່ນ​ການ​ສຶກສາ​ອົບຮົມ​ການ​ເມືອງ​ແນວ​ຄິດ ​ໃຫ້​ສະມາ​ຊິກ​ຊາວ​ໜຸ່ມ​ເປັນ​ປົກກະຕິ ອັນ​ໄດ້​ເຮັດ​ໃຫ້​ຖັນ​ແຖວ​ສະມາຊິກ​ຊາວ​ໜຸ່ມ​ມີ​ແນວ​ຄິດ​ການ​ເມືອງໜັກ​ແໜ້ນ, ມີ​ຄວາ​ມຈູບ​ຈ້າວ​ຫ້າວຫັນ​ໃນ​ການ​ປະຕິບັດ​ໜ້າ​ທີ່​ວຽກ​ງານ​ມີ​ຜົນສຳ​ເລັດ​ຢ່າງ​ຕໍ່​ເນື່ອງ, ດ້ານການຈັດ​ຕັ້ງ​ໄດ້ຮັບ​ການ​ປັບປຸງ​ໃຫ້​ມີ​ຄວາມ​ເຂັ້ມ​ແຂງ, ການ​ປະຕິບັດວຽກ​ງານ​ວິຊາ​ສະ​ເພາະບັນລຸ 97,32% . ການ​ສ້າງ​ເສດຖະກິດ​ຄອບຄົວ ມີ​ຫຼາຍ​ຄອບຄົວ​ທີ່​ພົ້ນ​ເດັ່ນ ​ສະ​ເລ່ຍລາຍ​ຮັບ 29 ລ້ານກີບ​ຕໍ່​ຄົນ​ຕໍ່​ປີ ​ແລະ ດ້ານ​ອື່ນໆ ກໍ​ມີ​ອັນ​ພົ້ນ​ເດັ່ນ ຊຶ່ງ​ຜົນງານ​ດັ່ງກ່າວ​​ໄດ້​ປະກອບສ່ວນຢ່າງ​ຕັ້ງໜ້າ​ເຂົ້າ​ໃນ​​ເຂົ້າ​ໃນ​ຂະ​ບວນການ​​ແຂ່ງຂັນ 4 ບຸກ ຂອງ​ຊາວ​ໜຸ່ມ  3 ປີ​ຕໍ່​ເນື່ອງ ​​ສາມາດ​ຍາດໄດ້​ນາມມະຍົດ ທຸງ​ໄຊ​ນໍາ​ໜ້າ.

      ໃນ​ຕອນ​ທ້າຍກອງ​ປະຊຸມ​ໄດ້​ຮັບ​ຟັງ​ການ​ໂອ້​ລົມ​ຂອງ ສະຫາຍ ​ສົມ​ດີ​ ​ເຕັງ​ເບຼຍ​ຈື  ຄະນະ​ບໍລິຫານ​ງານ ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ, ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ, ຊື່​ງສະຫາຍ​ໄດ້​ຍ້ອງຍໍ​ຊົມ​ເຊີຍ​ຕໍ່​ກັບ​ຜົນງານ​ທີ່​ຄະນະ​ໜ່ວຍ​ຍາດ​ມາ​ໄດ້​ຫຼາຍ​ດ້ານ​ທີ່​ພົ້ນ​ເດັ່ນ ​ໃນ​ນັ້ນ ສະຫາຍ​ກໍ່​ໄດ້​ເນັ້ນ​ໜັກ ຕໍ່​ການຈັດ​ຕັ້ງ​ປະຕິບັດ ຂໍ້​ແຂ່ງຂັນ 4 ບຸກ ທີ່​ໜ່ວຍ​ຊາວ​ໜຸ່ມ​ຮາກ​ຖານ​ເຮົາ​ຍາດ​ມາ​ໄດ້ ພ້ອມ​ດຽວ​ກັນ​ນັ້ນສະຫາຍ​ຍັງ​ໄດ້​ຮຽກຮ້ອງ​ມາ​ຍັງ​ສະມາຊິກ​ຊາວ​ໜຸ່ມ ທຸກ​ສະຫາຍ​ຈົ່ງ​ສືບຕໍ່ຈັດ​ຕັ້ງ​ປະຕິບັດຂະ​ບວນການ​ຂໍ້​ແຂ່ງຂັນ 4 ບຸກຂອງ​ຊາວ​ໜຸ່ມ​ໃຫ້​ເປັນ​ຂະ​ບວນການ​ຟົດ​ຟື້ນ ​ແລະ ​ແຂງ​ແຮງ​ກ່ວາ​ເກົ່າ ​ເພື່ອ​ຮັກສາ​ມູນ​ເຊື້ອ,ເອົາ​ໃຈ​ໃສ່​ຊ່ວຍ​ກັນ​ຕີ​ຕ້ານ ​ແລະ ສັກ​ກັ້ນ​ປະກົດ​ການ​ຫຍໍ້​ຍໍ້​ໃນ​ສັງຄົມ ​ໃຫ້​ນັບ​ມື້​ຫຼຸດ​ນ້ອຍ​ຖອຍ​ລົງ ​ໂດຍ​ສະ​ເພາະ​ກໍ່​ແມ່ນ​ບັນ​ຫັາຢາ​ເສບ​ຕິດ, ການ​ຫຼີ້ນກິນ​ຟຸມ​ເຟືອຍ,ການ​ໃຊ້​ສັງຄົມ​ອອນ​ລາຍ​​​ໄປ​ໃນ​ທາງ​ທີ່​ຜິດ ຂີ້ລັກ​ງັດ​ແງະ ​ແລະ​ປະຕິບັດ​ມາດ​ຕະການ​ຕ້ານ ການລະບາດ​ຂອງ​ພະຍາດ​ໂຄ​ວິດ19 ​ ຂອງ​ລັດຖະບານ​ຢ່າງ​ເຂັ້ມ​ງວດ. ກອງ​ປະຊຸມ​ໄດ້​ດໍາ​ເນີນ​ເປັນ​ເວລາ 1 ຕອນ​ດ້ວຍ​ຜົນ​ສໍາ​ເລັດ​ອັນ​ຈົບງາມ.

ຂ່າວ ໂດຍ ເລຂາຊາວໜຸ່ມ

by:CLS

08/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ