ອົງການໄອຍະການປະຊາຊົນແຂວງບໍ່ແກ້ວ ສໍາເລັດກອງປະຊຸມໃຫ່ຍຄັ້ງທີ II ຂອງໜ່ວຍພັກ.

      ກອງປະຊຸມໃຫຍ່ຄັ້ງທີ II ຂອງໜ່ວຍພັກອົງການ​ໄອ​ຍະ​ການ​ປະຊາຊົນແຂວງບໍ່ແກ້ວ ໄດ້ຈັດຂຶ້ນໃນວັນທີ 10 ມີຖຸນາ 2020 ຢ່າງເປັນທາງການ ໂດຍເປັນປະທານຂອງ ສະຫາຍ ຄໍານວນ ກ້ອນ ເລຂາໜ່ວຍພັກ ອົງການ​ໄອ​ຍະ​ການ​ປະຊາຊົນ​ແຂວງບໍ່ແກ້ວ. ເຂົ້າຮ່ວມ ມີ ສະຫາຍ ສົມ​ລິດ ສີ​ຜາ​ວັນ ຮອງເລຂາພັກ​ແຂວງ, ປະທານ​ສະພາ​ປະຊາຊົນ​​ແຂວງ, ມີ​ແຂກ​ກອງ​ປະຊຸມ​ຈາກ​ພາກສ່ວນ​ກ່ຽວຂ້ອງ, ສະມາຊິກພັກສົມບູນ-ສຳຮອງ ເຂົ້າຮ່ວມ.

      ສະຫາຍ ຄໍານວນ ກ້ອນ ເລຂາໜ່ວຍພັກ ປະທານກອງປະຊຸມກ່າວວ່າ: ກອງປະຊຸມຄັ້ງນີ້ໄດ້ຜ່ານຮ່າງລາຍງານການເມືອງ ແລະ ບົດສໍາຫຼວດການນໍາພາຂອງໜ່ວຍພັກ ໂດຍໄດ້ຕີລາຄາຄືນການຈັດຕັ້ງປະຕິບັດວຽກງານຂອງໜ່ວຍພັກ​ໃນ​ໄລຍະ​ຜ່ານ​ມາມີ ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການຊີ້ນໍາ - ນໍາພາ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງ​ທີ 1 ໃນ​ໄລຍະ 5 ປີຜ່າ​ນມາ, ພ້ອມທັງ ຮັບຮອງເອົາທິດທາງແຜນການ 5 ປີ​ໃນ​ຕໍ່ໜ້າ. ຈາກ​ນັ້ນ​ສະມາຊິກພັກສົມບູນທັງ ໝົດ 17 ສະຫາຍ, ຍິງ 05 ສະຫາຍ ຍັງ​ໄດ້​ໃຊ້​ສິດ​ປະຊາທິປະ​ໄຕ​ຂອງ​ຕົນ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ມີຜູ້ສະໝັກ 05 ສະຫາຍ, ປ່ອນເອົາ 03 ສະຫາຍ. ຜ່ານການປ່ອນບັດ ແລະ ດໍາເນີນກອງປະຊຸມປະຖົມມະລຶກ ​ເລືອກ​ໄດ້ ສະຫາຍ ຄໍານວນ ກ້ອນ ເປັນເລຂາໜ່ວຍພັກ, ສະຫາຍ ທໍ​າມະ ວັນນະ​ແສງ ເປັນຮອງ​ເລຂາ ທັງເປັນປະທານກວດກາ, ສະຫາຍ ວົງ​ເພັດ ນິດ​ສະຫວັດ ເປັນກໍາມະການ​ໜ່ວຍ​ພັກ ແລະ ສະຫາຍ ສຸລິຍະ ຄໍາ​ຊາວ ເປັນຮອງປະທານກວດກາ ໜ່ວຍພັກ.

      ໃນຕອນທ້າຍກອງ​ປະຊຸມ​ໄດ້​ຮັບ​ຟັງ​ການ​ໂອ້​ລົມ​ຈາກ ສະຫາຍ ສົມ​ລິດ ສີ​ຜາ​ວັນ ຮອງ​ເລຂາ​ພັກ​ແຂວງ, ປະທານ​ສະພາ​ປະຊາຊົນ​ແຂວງ​ບໍ່​ແກ້ວ ​ເຊິ່ງ ສະຫາຍ ໄດ້ເນັ້ນໜັກໃຫ້ຄະນະໜ່ວຍພັກຊຸດໃໝ່ຈົ່ງພ້ອມກັນຊີ້ນໍາ - ນໍາພາພະນັກງານ, ສະມາຊິກພັກ, ຜັນຂະຫຍາຍແນວທາງນະໂຍບາຍຂອງພັກ, ເຂົ້າສູ່ການປະຕິບັດປະຕິບັດໜ້າທີ່ການເມືອງທີ່ພັກ-ລັດ ແລະ ປະຊາຊົນມອບໝາຍໃຫ້, ກໍ່ສ້າງ ແລະ ປັບປຸງຕົນຕາມ 5 ຫຼັກການ ແລະ 3 ທິດນໍາຕາມກົດລະບຽບຂອງພັກປະ ຊາຊົນປະຕິວັດລາວ, ກໍ່ສ້າງ ແລະ ປັບປຸງໜ່ວຍພັກ ໃຫ້ປອດ​ໃສ, ​ເຂັ້ມ​ແຂງ, ໜັກແໜ້ນ; ຕ້ອງ​ເປັນ​ແບບຢ່າງ​ນໍາໜ້າໃນ​ດ້ານຄຸນທາດການເມືອງ, ມີ​ຄຸນສົມບັດ​ສິນ​ທໍາ​ປະຕິວັດ, ​ມີ​ແບບ​ແຜນ​ວິທີ​ເຮັດ​ວຽກ ​ແລະ ​ແບບ​ແຜນ​ດໍາລົງ​ຊີວິດ, ທີ່ດີ ແລະ ປອດໃສຂາວສະອາດ ພ້ອມ​ນັ້ນ​ກໍ​ຕ້ອງ​ຍົກ​ສູງ​ຄວາມ​ຮັບຜິດຊອບ​ຂອງ​ຕົນ ​ເພື່ອ​ເຮັດ​ໃຫ້​ວຽກ​ງານ​ຕິດຕາມ​ກວດ ກາ​ການ​ປະຕິບັດ​ກົດໝາຍ ​ແລະ​ ສັ່ງ​ຟ້ອງ​ຄະດີ​ຂື້ນ​ສານໃຫ້​ມີ​ການ​ຫັນປ່ຽນ​ໃໝ່​ທີ່​ຕັ້ງໜ້າກວ່າເກົ່າ.

by:CLS

08/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ