ມອບໃບກຽດຕິຄຸນ ແລະ ຫຼຽນກາລະນຶກ 30 ປີ ວັນສ້າງຕັ້ງອົງການໄອຍະການປະຊາຊົນໃຫ້ແກ່ອົງການ UNICEF

        ເນື່ອງ​ໃນ​ໂອ​ກາດ​ວັນ​ສັ້ງ​ຕັ້ງ​ອ​ົງ​ການ​ໄອ​ຍະ​ການ​ປະ​ຊາ​ຊົນ ຄົບ​ຮອບ 30 ປີ (9 ມັງ​ກອ​ນ 1990-9 ມັງ​ກອນ 2020) ຄະ​ນະ​ນຳ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ໄດ້​ຕົກ​ລົງ​ມອບ​ໃບ​ກຽດ​ຕິ​ຄຸນ​ໃຫ້​ແກ່​ອົງ​ການ​ສະ​ຫະ​ປະ​ຊາ​ຊາດ ກອງ​ທືນ​ສຳ​ລັບ​ເດັກ (UNICEF) ແລະ ມອບ​ຫຼຽນ​ກາ​ລະ​ນຶກ 30 ປີ ແຫ່ງ ອົງ​ການ​ໄອ​ຍະ​ການ​ປະ​ຊາ​ຊົນ ໃຫ້ບຸກ​ຄົນ 2 ທ່ານ ທີ່​ຮັບ​ຜິດ​ຊອບ​ວຽກ​ງານ​ສິດ​ທິ​ເດັກ​ຂອງ​ອົງ​ການ​ສະ​ຫະ​ປະ​ຊາ​ຊາດ.

         ພິ​ທີ​ດັ່ງ​ກ່າວ​ໄດ້​ຈັດ​ຂື້ນ​ໃນ​ວັນ​ທີ 6 ກໍ​ລະ​ກົດ 2020 ຢູ່​ທີ່​ຫ້ອງ​ຮັບ​ແຂກ ຂອງອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ເປັນ​ກຽດ​ມອບ​ໃບ​ກຽດ​ຕິ​ຄຸນ ແລະ ຫຼຽນ​ກາ​ລະ​ນຶກ 30 ປີ ແຫ່ງ​ການ​ສ້າງ​ຕັ້ງ​ອົງ​ການ​ໄອ​ຍະ​ການ​ປະ​ຊາ​ຊົນ​ໃນ​ຄັ້ງ​ນີ້ ໂດຍ ທ່ານ ໄຊ​ຊະ​ນະ ໂຄດ​ພູ​ທອນ ຮອງ​ຫົວ​ໜ້າ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ  ແລະ ຮັບ​ໂດຍ  ທ່ານ ນາງ ບີ​ອາ​ເຕ່  ດາ​ສ​ເຕລ ວ່າ​ການ​ຫົວ​ໜ້າ​ຫ້ອງ​ການ (UNICEF)  ປະ​ຈຳ ສ​ປ​ປ ລາວ ພ້ອມ​ນັ້ນ, ໄດ້​ມີ​ພະ​ນັກ​ງານ​ຂອງ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ແລະ ຂອງອົງ​ການ UNICEF ປະ​ຈຳ ສ​ປ​ປ ລາວ ຈຳ​ນວນໜຶ່ງ​ເຂົ້າ​ຮ່ວມ.

       ການມອບ​ໃບ​ກຽດ​ຕິ​ຄຸນ ແລະ ຫຼຽນ​ກາ​ລະ​ນຶກ 30 ປີ ແຫ່ງ​ການ​ສ້າງ​ຕັ້ງ​ອົງ​ການ​ໄອ​ຍະ​ການ​ປະ​ຊາ​ຊົນ​ໃນ​ຄັ້ງ​ນີ້ ທ່ານ ໄຊ​ຊະ​ນະ ໂຄດ​ພູ​ທອນ ຮອງ​ຫົວ​ໜ້າ​ອົງ​ການ​ໄອ​ຍະ​ການ​ປະ​ຊາ​ຊົນ​ສູງ​ສຸດ ໄດ້​ໃຫ້​ຮູ້​ວ່າ:  ເປັນ​ການ​ຢັ້ງ​ຢືນ​ເຖິງ​ການ​ປະ​ກອບ​ສ່ວນ​ອັນ​ສຳ​ຄັນ​ໃນ​ການ​ພັດ​ທະ​ນາ​ວຽກ​ງານ​ໄອ​ຍະ​ການ​ປະ​ຊາ​ຊົນ ໂດຍ​ສະ​ເພາະ​ການ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ, ສ້າງ​ຄວາມ​ເຂັ້ມ​ແຂງ​ໃຫ້​ພະ​ນັກ​ງານ​ວິ​ຊາ​ການ, ເຮັດ​ໃຫ້​ການ​ຊ່ວຍ​ເຫຼືອ​ທາງ​ດ້ານ​ກົດ​ໝາຍ​ແກ່​ເດັກ ແລະ ສັງ​ຄົມເຂົ້ນ​ເຖິງ​ຊຸມ​ຊົນ​ຂັ້ນ​ເມືອງ ແລະ ຂັ້ນ​ບ້ານ​ຢ່າງ​ມີ​ປະ​ສິດ​ທິ​ພາບ ແລະ ປະ​ສິດ​ທິ​ຜົນເປັນ​ການ​ປົກ​ປ້ອງ ແລະ ຊ່ວຍ​ເຫຼືອ​ເດັກ​ກະ​ທຳ​ຜິດ, ເດັກ​ຖືກ​ເຄາະ​ຮ້າຍ ແລະ ເດັກ​ທີ່​ເປັນ​ພະ​ຍານ.   ໄດ້​ສ້າງ​ປື້ມ​ຄູ່​ມື​ການ​ຕິດ​ຕາມກວດ​ກາ​ການ​ດຳ​ເນີນ​ຄະ​ດີ​ເດັກ, ສ້າງ ແລະ ຈັດ​ພີມ​ແຜ່ນ​ພັບ, ໂປ​ສະ​ເຕີ ເພື່ອ​ນຳ​ໃຊ້​ເຂົ້າ​ໃນ​ການ​ຝຶກ​ອົບ​ຮົມ ແລະ ເຜີຍ​ແຜ່​ຄວາມ​ຮູ້​ກ່ຽວ​ກັບ​ການ​ປົກ​ປ້ອງ​ເດັກ​ໃນ​ຊຸມ​ຊົນ​ຢ່າງ​ມີ​ຜົນ​ສຳ​ເລັດ.

 

ພາບ-ຂ່າວ ອາ​ນຸ​ສັກ

by:sack

13/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ