ສຳມະນາກ່ຽວກັບຄວາມເຂົ້າໃຈພື້ິນຖານການລົງທຶນໃນຮຸູ້ນ

        ອົງການໄອຍະການປະຊາຊົນສູງສຸດ ຮ່ວມກັບຄະນະກໍາມະການຄຸມຄອງຕະຫລາດຫຼັກຊັບທະນາຄານ ແຫ່ງ ສປປ ລາວ ໄດ້ຈັດກອງປະຊຸມສຳມະນາວຽກງານຕະຫລາດທືນ, ພາຍໃຕ້ ຫົວຂໍ້ ຄວາມເຂົ້າໃຈພື້ນຖານກ່ຽວກັບການລົງທຶນໃນຮຸ້ນ ຂຶ້ນໃນຕອນບ່າຍຂອງວັນທີ 15 ພະຈິກ 2017 ທີ່ ອົງການໄອຍະການປະຊາຊົນສູງສຸດ ໂດຍພາຍໃຕ້ການເປັນປະທານ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ, ທ່ານ ນາງ ນະຄອນສີ ມະໂນທຳ ຮອງຫົວໜ້າສຳນັກງານຄະນະກຳມະການຄຸ້ມຄອງຫຼັກຊັບ, ພ້ອມດ້ວຍພະນັກງານທິ່ກ່ຽວຂ້ອງອ້ອມຂ້າງອົງການເຂົ້າຮ່ວມ.

       

        ກອງປະຊຸມໃນຄັ້ງນີ້ບັນດາຜູ້ເຂົ້າຮ່ວມໄດ້ຮັບຟັງການລາຍງານກ່ຽວກັບຄະນະກໍາມະການຄຸ້ມຄອງຫຼັກຊັບທະນາຄານແຫ່ງ ສປປ ລາວ, ບໍລິສັດລ້ານຊ້າງມະຫາຊົນ, ບໍລິສັດຫຼັກຊັບ ລາວ-ຈີນ ຈຳກັດ ແລະບໍລິສັດອື່ນໆທີ່ໄດ້ເຮັດວຽກກັບຕະຫຼາດຫຼັກຊັບ. ພ້ອມກັນນັ້ນຍັງໄດ້ຮັບຟັງການນຳສະເໜີພາບລວມຂອງຕະຫຼາດທືນລາວ, ຕະຫຼາດຫຼັກຊັບລາວທາງເລືອກໄໜ່ຂອງການລະດົມທືນ ແລະ ລົງທືນຜົນປະໂຫຍດແລະຂັ້ນຕອນການລົງທືນໃນຕະຫຼາດຫຼັກຊັບ.

 

ການຈັດກອງປະຊຸ່ມດັ່ງກ່າວເພື່ອເຮັດໃຫ້ຜູ້ເຂົ້າຮ່ວມໄດ້ມີຄວາມຮູ້ ແລະ ຄວາມເຂົ້າໃຈກ່ຽວກັບວຽກງານຕະຫຼາດທືນ.

2017-11-27

ປະຕິທິນ

Feb-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ