ກອງປະຊຸມໃຫ່ຍ ຄັ້ງທີ VII ຂອງສະຫະພັນກຳມະບານ ອົງການໄອຍະການປະຊາຊົນສູງສຸດ

          ກອງປະຊຸມໃຫ່ຍຄັ້ງທີ VII ຂອງສະຫະພັນກຳມະບານ ອົງການໄອຍະການປະຊົນສູງສຸດ ໄຂຂື້ນໃນຕອນເຊົ້າ ວັນທີ 21 ກໍລະກົດ 2020  ທີ່ ສູນການຮ່ວມມືສາກົນ ແລະ ຝືກອົບຮົມ ຫຼັກ 06 ທີ່ນະຄອນຫຼວງວຽງຈັນ, ພາຍໃຕ້ການເປັນປະທານຂອງ ສະຫາຍ ບຸນທັນ ບຸນທະວິໄລ ຄະນະພັກ ຮອງຫົວໜ້າອົງການໄອຍະການປະຊາຊົນສູງສຸດ ປະທານສະຫະພັນກໍາມະບານອົງການໄອຍະການປະຊາຊົນສູງສຸດ ໂດຍການເຂົ້າຮ່ວມເປັນກຽດຂອງ ສະຫາຍ ຄໍາສານ ສຸວົງ ກໍາມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ, ສະຫາຍ ນາງ ອາລີ ວົງໜໍ່ບຸນທໍາ ຮອງປະທານສູນກາງສະຫະພັນກໍາມະບານລາວ, ມີແຂກຖືກເຊີນ ແລະ ສະມາຊິກກໍາມະບານ ອົງການໄອຍະການປະຊາຊົນສູງສຸດ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການເຂົ້າຮ່ວມ 223 ສະຫາຍ, ຍິງ 97 ສະຫາຍ.

        ກອງປະຊຸມໃຫຍ່ຄັ້ງນີ້, ໄດ້ພິຈາລະນາເນື້ອໃນສໍາຄັນຄື: 1 ຄົ້ນຄ້ວາ ແລະ ຮັບຮອງບົດລາຍງານການເມືອງຂອງຄະນະບໍລິຫານງານສະຫະພັນກໍາມະບານໄອຍະການປະຊາຊົນສູງສຸດ ຄັ້ງທີ 06 ແລະ ທິດທາງແຜນການ 05 ປີໃນຕໍ່ໜ້າ, 2 ກອງປະຊຸມໄດ້ຄັດເລືອກຕັ້ງເອົາຄະນະບໍລິຫານງານສະຫະພັນກໍາມະບານ ໄອຍະການປະຊາຊົນສູງສຸດໃໝ່ຄັ້ງທີ VII ໂດຍເລືອກໄດ້ 07 ສະຫາຍ.  ເພື່ອຊີ້ນໍາ-ນໍາພາວຽກງານກໍາມະບານ ອົງການໄອຍະການປະຊາຊົນສູງສຸດ ໃນ 05 ປີຕໍ່ໜ້າ   ພ້ອມດຽວກັນນັ້ນກໍໄດ້ມີການຍ້ອງຍໍຜົນງານ 05 ປີຜ່ານມາ ໂດຍສູນກາງສະຫະພັນກໍາມະບານລາວໄດ້ມອບທຸງໄຊ, ໃບຮັບຮອງເອົາສະຫະພັນກຳມະບານ ອົງການໄອຍະການປະຊາຊົນສູງສຸດ ເປັນສະຫະພັນກຳມະບານ 05 ເປັນເຈົ້າ ສະໄໝທີ 07,  ມອບຫຼຽນກາກາໍມະບານ ເຊີ່ງເປັນຫຼຽນສູງສຸດ ຂອງສະຫະພັນກຳມະບານໃຫ້ແກ່ 29 ສະຫາຍ ແລະ ມອບໃບຍ້ອງຍໍໃຫ້ 223 ສະຫາຍ ທີ່ມີຜົນງານດີເດັ່ນໃນການເຄື່ອນໄຫວວຽກງານກຳມະບານ ໃນ 05 ປີ ຜ່ານມາ.

       ຈາກນັ້ນບັນດາສະມາຊິກກຳມະບານທີ່ເຂົ້າຮ່ວມກອງປະຊຸມຍັງໄດ້ຮັບການໂອ້ລົມ ຂອງສະຫາຍ ຮອງປະທານສູງກາງສະຫະພັນກຳມະບານລາວ ເຊີ່ງໄດ້ເນັ້ນຫຼາຍບັນຫາທີ່ສຳຄັນທີ່ສະຫະພັນກຳມະບານອົງການໄອຍະການປະຊາຊົນສູງສຸດ ຈະຕ້ອງເອົາໃຈໃສ່ເປັນຕົ້ນ ການເພີ້ມທະວີການສືກສາອົມຮົມການເມືອງ-ແນວຄິດໃຫ້ສະມາຊິກກຳມະບານ ແລະ ພະນັກງານລັດຖະກອນໃນຂອບເຂດຄວາມຮັບຜິດຊອບຂອງຕົນຢ່າງເປັນປົກກະຕິ, ສະມາຊິກກຳມະບານຕ້ອງຕັ້ງໜ້າຝຶກຝົນຫຼໍ່ຫຼອມຕົນເອງຢ່າງຮອບດ້ານດ້ວຍວິທີການຊອກຮູ້ຮໍ່າຮຽນຈາກປະສົບການຕົວຈິງ ແລະ ຈາກສະຖາບັນຕ່າງໆ.

    ເອົາໃຈໃສ່ປັບປຸງລະບອບເຮັດວຽກຂອງຕົນ, ມີຄວາມເປັນເອກະພາບພາຍໃນຄະນະເຮັດວຽກຕາມຕາມຫລັກການລວມສູນປະຊາທິປະໄຕ, ຕັດສີນບັນຫາເປັນໝູ່ຄະນະ, ບຸກຄົນຮັບຜິດຊອບ, ການເຄື່ອນໄຫວວຽກງານຕ້ອງມີແຜນການ, ຈຸດສຸມ, ມີການຕິດຕາມກວດກາ, ມີການສະຫຼຸບຖອດຖອນບົດຮຽນ, ເຄື່ອນໄຫວວຽກງານຢ່າງເອົາຈິງເອົາຈັງ ແລະ ຮັບປະກັນທາງດ້ານປະສິດທິຜົນຂອງວຽກງານທີ່ຕົນຮັບຜິດຊອບ, ຄະນະບໍລິຫານງານ, ຄະນະໜ່ວຍ ແລະ ສະມາຊິກກຳມະບານທຸກສະຫາຍຕ້ອງເປັນເຈົ້າການໃນການຜັນຂະຫຍາຍເນື້ອໃນແຜນການເຄື່ອນໄຫວວຽກງານກຳມະບານເຂົ້າສູ່ການປະຕິບັດຕົວຈິງໃນຂົງເຂດວຽກງານທີ່ຕົນຮັບຜິດຊອບໃຫ້ມີຜົນສຳເລັດ.

        ເປັນເຈົ້າການປະຕິບັດເນື້ອໃນຂໍ້ແຂ່ງຂັນ 05 ເປັນເຈົ້າ ຕິດພັນກັບຂະບວນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 03 ມີ 04 ຮັບປະກັນ ຂອງອົງການໄອຍະການປະຊາຊົນສູງສຸດຢ່າງເປັນຂະບວນການຟົດຟື້ນ.

 

 

 

by:sack

21/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ