ການເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 05 ຂອງພັກ

       ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມເຊື່ອມຊຶມເອກະສານມະຕິກອງປະຊຸມຄົບຄະນະ ຄັ້ງທີ 5 ຂອງຄະນະບໍລິຫານງານສູນກາງພັກ ຄັ້ງທີ X ຂື້ນໃນຄັ້ງວັນທີ 17 ພະຈິກ 2017 ໂດຍໃຫ້ກຽດເປັນປະທານຂອງ ທ່ານ ຄຳສານ ສຸວົງ ກຳມະການສູນກາງພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ, ເຂົ້າຮ່ວມມີຄະນະພັກ, ຄະນະນຳອົງການໄອຍະການປະຊາຊົນສູງສຸດ, ບັນດາຫົວໜ້າກົມ, ຫ້ອງການ, ອົງການໄອຍະການປະຊາຊົນພາກກາງ ແລະ ສະຖາບັນຄົ້ນຄ້ວາ ແລະ ຝຶກອົບຮົມໄອຍະການພ້ອມດ້ວຍພະນັກງານ, ເຂົ້າຮ່ວມ100 ກ່ວາຄົນ.

       ການຈັດຕັ້ງເຊື່ອມຊຶມເອກະສານຄັ້ງນີ້ແມ່ນເຮັດໃຫ້ຄະນະພັກ,ພະນັກງານ-ສະມາຊິກພັກຂັ້ນຕ່າງໆໃນທົ່ວອົງການໄອຍະການປະຊາຊົນສູງສຸດມີຄວາມຮັບຮູ້ເຂົ້າໃຈ,ກຳແໜ້ນ,ເຊື່ອມຊຶມ ແລະ ເປັນເອກະພາບສູງຕໍ່ບັນດາເນື້ອໃນສຳຄັນຂອງມະຕິກອງປະຊຸມຄົບຄະນະຄັ້ງທີ V ຂອງຄະນະບໍລິຫານງານສູນກາງ  ສະໄຫມທີ X (ເອີ້ນຫຍໍ້ວ່າ ມະຕິ 5  ສະໄຫມທີ X), ບົນພື້ນຖານເພຶ່ອຫັນມະຕິດັ່ງກ່າວເປັນທິດທາງ, ວຽກງານ ແລະ ແຜນປະຕິບັດງານລະ ອຽດຂອງອົງຄະນະພັກແຕ່ລະຂັ້ນ, ຍົກສູງຄວາມເປັນເຈົ້າການ ແລະ ຄວາມສາມາດໃນການນຳພາທົ່ວພັກ, ທົ່ວກຳລັງປະກອບອາວຸດ ແລະ ທົ່ວປວງຊົນຈັດຕັ້ງປະຕິບັດໃຫ້ມີຜົນສຳເລັດຢ່າງຈົບງາມ. ພ້ອມກັນນັ້ນຍັງເປັນການຈັດຕັ້ງຜັນຂະຫຍາຍມະຕິ 5 ສະໄຫມ ທີ່ X ແມ່ນໄດ້ຕິດພັນກັບການສຶບຕໍ່ຈັດຕັ້ງປະຕິບັດມະຕິ 4 ສະໄຫມທີ X ເພື່ອຊຸກຍູ້ແຮງຂະບວນການຮອບດ້ານຢູ່ບັນດາຂະແໜງການ ແລະ ທ້ອງຖິ່ນຟົດຟື້ນ, ແຂງແຮງ,ຕໍ່ເນື່ອງ ແລະ ເຂົ້າສູ່ລວງເລິກ ແລະ ສຶບຕໍ່ຜັນຂະຫຍາຍເບື້ອງຕົ້ນຂອງການດຳເນີນຊີວິດການເມືອງປົວແປງພັກປີ 2017 ຕິດພັນກັບການປັບປຸງບູລະນະກົງຈັກການຈັດຕັ້ງຂັ້ນຕ່າງໆ

     ປັບປຸງລະບອບນຳພາແບບແຜນວິທີເຮັດວຽກ ແລະ ແບບແຜນການດຳລົງຊີວິດ,ແກ້ໄຂປາກົດການຫຍໍ້ທໍ້ໃນການຈັດຕັ້ງກໍຄືໃນຖັນແຖວສະມາຊິກພັກ, ພະນັກງານ ຫັນໄປສູ່ອັນໃໜ່ຢ່າງຖືກຕ້ອງ ແຂງແຮງ ເລິກເຊິ່ງ ໃນຂະບວນການຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ X ຂອງພັກ, ກະກຽມໃຫ້ແກ່ການດຳເນີນກອງປະຊຸມໃຫ່ຍ 3 ຂັ້ນຂອງພັກດ້ວຍຈິດໃຈບຸກທະລຸ

by:anousack

27/11/2017

ປະຕິທິນ

Oct-2018
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ