ກອງປະຊຸມໃຫ່ຍ ຄັ້ງທີ IV ຂອງຄະນະບໍລິຫານງານຊາວໝຸ່ມ ອົງການໄອຍະການປະຊົນສູງສຸດ

         ກອງປະຊຸມໃຫ່ຍຄັ້ງທີ IV ຂອງຄະນະບໍລິຫານງາຍຊາວໝຸ່ມ ອົງການໄອຍະການປະຊົນສູງສຸດ ໄຂຂື້ນໃນຕອນເຊົ້າ ວັນທີ 22 ກໍລະກົດ 2020  ທີ່ ສູນການຮ່ວມມືສາກົນ ແລະ ຝືກອົບຮົມ ຫຼັກ 06 ທີ່ນະຄອນຫຼວງວຽງຈັນ, ພາຍໃຕ້ການເປັນປະທານຂອງ ສະຫາຍ ອານຸສອນ ວິດາວົງ ເລຂາຄະນະບໍລິຫານງານຊາວໝຸ່ມ ອົງການໄອຍະການປະຊາຊົນສູງສຸດ ໂດຍການເຂົ້າຮ່ວມເປັນກຽດຂອງ ສະຫາຍ ຄໍາສານ ສຸວົງ ກໍາມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າອົງການໄອຍະການປະຊາຊົນສູງສຸດ, ສະຫາຍ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໝຸ່ມ ມີແຂກຖືກເຊີນ ແລະ ສະມາຊິກກໍາມະບານ ອົງການໄອຍະການປະຊາຊົນສູງສຸດ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການເຂົ້າຮ່ວມ 177 ສະຫາຍ, ຍິງ 84 ສະຫາຍ.

      ກອງປະຊຸມໃຫ່ຍຊາວໝຸມ ອົງການໄອຍະການປະຊາຊົນ ຄັ້ງທີ IV ມີຈຸດປະສົງຄືດັ່ງນີ້: 1 ກອງປະຊຸມຈະໄດ້ຮັບຟັງລາຍງານການເມືອງຈະໄດ້ຕີລາຄາການປະຕິບັດມະຕິກອງປະຊຸມໃຫ່ຍຄັ້ງທີ III ແລະ ທິດທາງແຜນການວຽກງານຈຸດສຸມ ໄລຍະ 5 ປີ  ແຕ່ປີ 2020-2024 ;   2  ກອງປະຊຸມຈະດໍາເນີນປ່ອນບັດເລືອກຕັ້ງຄະນະບໍລິຫານງານຊາວໝຸ່ມຊຸດໃໝ່ຂອງຄະນະບໍລິຫານງານຊາວໝຸ່ມ ອົງການໄອຍະການປະຊາຊົນສູງສຸດ;  3  ກອງປະຊຸມຈະໄດ້ຮັບຟັງການໂອ້ລົມ ຈາກສະຫາຍ ອາລຸນໄຊ ສູນນະລາດກຳມະການສຳຮອງສູນກາງພັກ,  ສະມາຊິກສະພາແຫ່ງຊາດ ຊຸດທີ 8, ເລຂາຄະນະບໍລິຫານງານສູນກາງຊາວໝຸ່ມ.

     ກອງປະຊຸມໄດ້ຄັດເລືອກຕັ້ງເອົາຄະນະບໍລິຫານງານຊາວໝຸ່ມ ໄອຍະການປະຊາຊົນສູງສຸດໃໝ່ຄັ້ງທີ IV ໂດຍເລືອກໄດ້ 7 ສະຫາຍ.  ເພື່ອຊີ້ນໍາ-ນໍາພາວຽກງານຊາວໝຸ່ມ ໄອຍະການປະຊາຊົນສູງສຸດໃນ 05 ປີຕໍ່ໜ້າ   ພ້ອມດຽວກັນນັ້ນກໍໄດ້ມີການຍ້ອງຍໍຜົນງານ 05 ປີຜ່ານມາ  ມອບໃບຍ້ອງຍໍໃຫ້  ບຸກຄົນ 160 ສະຫາຍ, ມອບໃບຍ້ອງຍໍໃຫ້ໝ່ວຍຮາກຖານຊາວໝຸມ ອອປສ 7 ໜ່ວຍ  ທີ່ມີຜົນງານດີເດັ່ນໃນການເຄື່ອນໄຫວວຽກງານຊາວໝຸ່ມໄອຍະການປະຊາຊົນສູງສຸດໃນ 05 ປີ ຜ່ານມາ.

       ຈາກນັ້ນບັນດາສະມາຊິກຊາວໝຸ່ມທີ່ເຂົ້າຮ່ວມກອງປະຊຸມຍັງໄດ້ຮັບການໂອ້ລົມ ຂອງສະຫາຍ ເລຂາຄະນະບໍລິຫານງານສູນກາງຊາວໝຸ່ມ ເຊີ່ງໄດ້ເນັ້ນຫຼາຍບັນຫາທີ່ສຳຄັນທີ່ຊາວໜຸ່ມອົງການໄອຍະການປະຊາຊົນສູງສຸດ ຈະຕ້ອງເອົາໃຈໃສ່ເປັນຕົ້ນ ການເພີ້ມທະວີການສືກສາອົມຮົມການເມືອງ-ແນວຄິດໃຫ້ສະມາຊິກຊາວໝຸ່ມ ແລະ ພະນັກງານລັດຖະກອນໃນຂອບເຂດຄວາມຮັບຜິດຊອບຂອງຕົນຢ່າງເປັນປົກກະຕິ, ສະມາຊິກຊາວໝຸ່ມຕ້ອງຕັ້ງໜ້າຝຶກຝົນຫຼໍ່ຫຼອມຕົນເອງຢ່າງຮອບດ້ານດ້ວຍວິທີການຊອກຮູ້ຮໍ່າຮຽນຈາກປະສົບການຕົວຈິງ ແລະ ຈາກສະຖາບັນຕ່າງໆ, ເອົາໃຈໃສ່ປັບປຸງລະບອບເຮັດວຽກຂອງຕົນ, ມີຄວາມເປັນເອກະພາບພາຍໃນຄະນະເຮັດວຽກຕາມຕາມຫລັກການລວມສູນປະຊາທິປະໄຕ, ຕັດສີນບັນຫາເປັນໝູ່ຄະນະ, ບຸກຄົນຮັບຜິດຊອບ, ການເຄື່ອນໄຫວວຽກງານຕ້ອງມີແຜນການ, ຈຸດສຸມ, ມີການຕິດຕາມກວດກາ, ມີການສະຫຼຸບຖອດຖອນບົດຮຽນ, ເຄື່ອນໄຫວວຽກງານຢ່າງເອົາຈິງເອົາຈັງ ແລະ ຮັບປະກັນທາງດ້ານປະສິດທິຜົນຂອງວຽກງານທີ່ຕົນຮັບຜິດຊອບ, ຄະນະບໍລິຫານງານ, ຄະນະໜ່ວຍ ແລະ ສະມາຊິກຊາວໝຸ່ມທຸກສະຫາຍຕ້ອງເປັນເຈົ້າການໃນການຜັນຂະຫຍາຍເນື້ອໃນແຜນການເຄື່ອນໄຫວວຽກງານຊາວໝຸ່ມ ອົງການໄອຍະການປະຊາຊົນເຂົ້າສູ່ການປະຕິບັດຕົວຈິງໃນຂົງເຂດວຽກງານທີ່ຕົນຮັບຜິດຊອບໃຫ້ມີຜົນສຳເລັດ, ເປັນເຈົ້າການປະຕິບັດເນື້ອໃນຂໍ້ແຂ່ງຂັນ 4 ບຸກ ຕິດພັນກັບຂະບວນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຂອງອົງການໄອຍະການປະຊາຊົນສູງສຸດຢ່າງເປັນຂະບວນການຟົດຟື້ນ.

by:sack

22/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ