ກອງປະຊຸມໃຫຍ່ ສະມາຊິກສະຫະພັນແມ່ຍິງ ອົງການໄອຍະການປະຊາຊົນສູງສຸດ ຄັ້ງທີ V

ກອງປະຊຸມຄັ້ງໃຫຍ່ທີ V ຂອງສະຫະພັນແມ່ຍິງ ອົງການໄອຍາການປະຊາຊົນສູງສຸດ ໄຂຂຶ້ນໃນຕອນເຊົ້າຂອງວັນທີ 23 ກໍລະກົດ 2020 ຢູ່ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC) ຫຼັກ 5 ນະຄອນຫຼວງວຽງຈັນ, ພາຍໃຕ້ການເປັນປະທານຂອງ ສະຫາຍ ນາງ ພອນເພັດ   ອຸ່ນແກ້ວ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງ ອົງການໄອຍາການປະຊາຊົນສູງສຸດ, ໂດຍການເຂົ້າຮ່ວມເປັນກຽດ ຂອງ ສະຫາຍ ຄຳສານ ສຸວົງ ກຳມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ, ສະຫາຍ ນາງ ບົວຈັນ ສີຫານາດ ຄະນະບໍລິຫານງານພັກ, ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ, ມີແຂກຖືກເຊີນ ແລະ ສະມາຊິກສະຫະພັນແມ່ຍິງ ຂອງອົງການໄອຍະການປະຊາຊົນສູງສຸດ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ ມີສະມາຊິກແມ່ຍິງເຂົ້າຮ່ວມທັງໝົດ 95 ສະຫາຍ ແລະ ແຂກຖືກເຊີນ 22 ສະຫາຍ.

ກອງປະຊຸມໃຫຍ່ຄັ້ງນີ້, ໄດ້ພິຈາລະນາເນື້ອໃນຄື: 1. ຄົ້ນຄວ້າ ແລະ ຮັບຮອງບົດລາຍງານການເມືອງຂອງຄະນະບໍລິຫານງານສະຫະພັນແມ່ຍິງ ອົງການໄອຍະການປະຊາຊົນສູງສຸດຄັ້ງທີ V ແລະ ທິດທາງແຜນການ 5 ປີຕໍ່ໜ້າ, 2. ກອງປະຊຸມໄດ້ເລືອກຕັ້ງເອົາຄະນະບໍລິຫານງານສະຫະພັນແມ່ຍິງ ອົງການໄອຍະການປະຊາຊົນສູງສຸດ ຊຸດໃໝ່ ຄັ້ງທີ V ໂດຍເລືອກໄດ້ 7 ສະຫາຍ ເພື່ອຊີ້ນຳ ນຳພາວຽກງານສະຫະພັນແມ່ຍິງ ອົງການໄອຍະການປະຊາຊົນສູງສຸດໃນ 5 ປີຕໍ່ໜ້າ.

ຈາກນັ້ນບັນດາສະຫາຍສະມາຊິກສະຫະພັນແມ່ຍິງ ທີ່ເຂົ້າຮ່ວມກອງປະຊຸມຍັງໄດ້ຮັບຟັງການໂອ້ລົມຂອງ ສະຫາຍຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ ເຊິ່ງທ່ານໄດ້ເນັ້ນຫຼາຍບັນຫາທີ່ສຳຄັນ ທີ່ສະຫະພັນແມ່ຍິງ ອົງການໄອຍະການປະຊາຊົນສູງສຸດ ຈະຕ້ອງໄດ້ເອົາໃຈໃສ່ເປັນຕົ້ນ ການເພີ່ມທະວີການສຶກສາອົບຮົມການເມືອງ-ແນວຄິດ ໃຫ້ສະມາຊິກສະຫະພັນແມ່ຍິງ ແລະ ພະນັກງານ-ລັດຖະກອນໃນຂອບເຂດຄວາມຮັບຜິດຊອບຂອງຕົນຢ່າງເປັນປົກກະຕິ, ສະມາຊິກສະຫະພັນແມ່ຍິງທຸກສະຫາຍ ຕ້ອງຕັ້ງໜ້າຝຶກຝົນຫຼໍ່ຫຼອມຕົນເອງຢ່າງຮອບດ້ານ ດ້ວຍວິທີການຊອກຮູ້ຮໍ່າຮຽນຈາກປະສົບການຕົວຈິງ ແລະ ຮຽນຈາກສະຖາບັນຕ່າງໆ, ເອົາໃຈໃສ່ປັບປຸງລະບອບແບບແຜນວິທີເຮັດວຽກຂອງຕົນ, ມີຄວາມເປັນເອກະພາບພາຍໃນຄະນະເຮັດວຽກຕາມຫຼັກການລວມສູນປະຊາທິປະໄຕ, ຕັດສິນບັນຫາເປັນໝູ່ຄະນະ, ບຸກຄົນຮັບຜິດຊອບ,

ການເຄື່ອນ ໄຫວວຽກງານຕ້ອງມີແຜນການ, ມີຈຸດສຸມ, ມີການຕິດຕາມກວດກາ, ມີການສະຫຼຸບຖອດຖອນບົດຮຽນ, ເຄື່ອນໄຫວວຽກງານຢ່າງເອົາຈິງເອົາຈັງ ແລະ ຮັບປະກັນທາງດ້ານປະສິດທິຜົນ ຂອງວຽກງານທີ່ຕົນຮັບຜິດຊອບ, ຄະນະບໍລິຫານງານ, ຄະນະໜ່ວຍ ແລະ ສະມາຊິກສະຫະພັນແມ່ຍິງທຸກສະຫາຍ ຕ້ອງເປັນເຈົ້າການໃນ ການໃນການຜັນຂະຫຍາຍເນື້ອໃນແຜນການເຄື່ອນໄຫວວຽກງານຂອງສະຫະພັນແມ່ຍິງເຂົ້າສູ່ການປະຕິບັດຕົວຈິງ ໃນຂົງເຂດວຽກງານທີ່ຕົນຮັບຜິດຊອບໃຫ້ມີຜົນສຳເລັດ, ເປັນເຈົ້າການຈັດຕັ້ງປະຕິບັດເນື້ອໃນ ຂໍ້ແຂ່ງຂັນ 3 ດີ ຕິດພັນກັບຂະບວນການສ້າງຫໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 03 ມີ 04 ຮັບປະກັນ ຂອງອົງການໄອຍະການປະຊາຊົນຢ່າງເປັນຂະບວນຟົດຟື້ນ.

ກອງປະຊຸມດຳເນີນໄປເປັນເວລາ ເຄິ່ງ ວັນ ແລະ ອັດລົງດ້ວຍຜົນສຳເລັດອັບຈົບງາມ

by:ແສງພະຈັນ

23/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ