ການເຜີຍແຜ່ວຽກງານຂອງພັກ

      ອົງການໄອຍະການປະຊາຊົນນະຄອນຫຼວງວຽງຈັນ ໄດ້ຈັດຕັ້ງພິທີເຜີຍແຜ່ວຽກງານຂອງພັກການກໍານົດພະນັກງານນໍາພາ-ຄຸ້ມຄອງຂື້ນໃນວັນທີ 22 ພະຈິກ 2017 ທີ່ ອົງການໄອຍະການປະຊາຊົນສູງສຸດ ໂດຍການເຂົ້າຮ່ວມເປັນປະທານ  ທ່ານ ໄຊຊະນະ ໂຄດພູທອນ ຮອງເລຂາຄະນະພັກ, ຮອງຫົວໜ້າອົງການໄອຍະການປະຊາຊົນສູງສຸດ, ມີບັນດາຄະນະພັກ-ຄະນະນໍາ, ພະນັກງານລັດຖະກອນພາຍໃນອົງການໄອຍະການນະຄອນຫຼວງວຽງຈັນເຂົ້າຮ່ວມ.

        ການຈັດຕັ້ງເຜີຍແຜ່ວຽກງານດັ່ງກ່າວຂື້ນໃນຄັ້ງນີ້ກໍ່ເພື່ອໃຫ້ຄະນະພັກ-ຄະນະນໍາ,ພະນັກງານຫຼັກແຫຼ່ງແລະພະນັກງານທີ່ເຮັດວຽກເປັນເສນາທິການໃຫ້ຄະນະພັກໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງເປັນເອກະພາບຕໍ່ບັນດາເນື້ອໃນທີ່ໄດ້ກໍານົດໃນຄໍາສັ່ງເລກທີ 8 ຂອງກົມການເມືອງສູນກາງພັກ ວ່າດ້ວຍການຂື້ນແຜນກໍານົດພະນັກງານນໍາພາ-ຄຸ້ມຄອງ.ແຜນກໍານົດພະນັກງານໝາຍເຖິງແຜນຄາດຄະເນໄລຍະຍາວກ່ຽວກັບເປົ້າໝາຍບຸກຄະລາກອນສືບທອດປ່ຽນແທນບັນດາຕໍາແໜ່ງງານນໍາພາ-ຄຸ້ມຄອງຢູ່ແຕ່ລະຂັ້ນ,ເປັນແຜນຍຸດທະສາດທີ່ມີຄວາມສໍາຄັນຂອງວຽກງານພະນັກງານເພາະວ່າແມ່ນແຜນກໍານົດພະນັກງານເປັນບ່ອນອິງສໍາຄັນໃຫ້ແກ່ການວາງແຜນບໍາລຸງ-ກໍ່ສ້າງພະນັກງານ ແລະ ການຕີລາຄາ, ການຊັບຊ້ອນຈັດວາງພະນັກງານໃຫ້ສອດຄອງກັບໂຄງປະກອບຄຸນລັກສະນະຂອງຖັນແຖວພະພະນັກງານ.

by:anousack

28/11/2017

ປະຕິທິນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ