ກອງປະຊຸມຮ່ວມສີ່ພາກສ່ວນ ອອປສ ແຂວງໄຊສົມບູນ, ປກສ ແຂວງ, ສານປະຊາຊົນແຂວງ ແລະ ພະແນກຍຸຕິທຳແຂວງ

ກອງປະຊຸມຮ່ວມສີ່ພາກສ່ວນລະຫວ່າງອົງການໄອຍະການປະຊາຊົນແຂວງໄຊສົມບູນ, ກອງບັນຊາການແຂວງ, ສານປະຊາຊົນແຂວງ ແລະ ພະແນກຍຸຕິທຳແຂວງ ໄດ້ຈັດຂຶ້ນໃນວັນທີ 20 ກໍລະກົດ 2020 ທີ່ຜ່ານມານີ້ ທີ່ຫ້ອງປະຊຸມອົງການໄອຍະການປະຊາຊົນແຂວງ ໂດຍໃຫ້ກຽດ ເປັນປະທານຂອງ ທ່ານ ບຸນສຸກ ເຈົ້າມີສານ ປະທານ ສະພາປະຊາຊົນແຂວງ, ທ່ານ ພັທ ວິໄຊທໍ ເພຍຫຼວງ ຈົງເສີ ຮອງປະທານ ປະຊາຊົນແຂວງ ປະທານຄະນະກຳມະການຍຸຕິທຳ ແລະ ປ້ອງກັນຊາດ ປ້ອງກັນຄວາມສະຫງົບ ແລະ ທ່ານ ຈຸນດາ ຄຳບຸນມີ ຫົວໜ້າອົງການໄອຍະການປະຊາຊົນແຂວງ, ຕາງໜ້າຈາກກອງບັນຊາການ ປກ ແຂວງ, ກອງບັນຊາການ ທະຫານແຂວງ, ກອງພັນໃຫຍ່ ຈ 101 ພ້ອມດ້ວຍພະນັກງານວິຊາ ການພາຍໃນອົງການໄອຍະການປະຊາຊົນແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນໂອກາດເປີດກອງປະຊຸມ ທ່ານ ບຸນສຸກ ເຈົ້າມີສານ ປະທານສະພາປະຊາຊົນແຂວງ ໄດ້ມີຄຳເຫັນຊີ້ນຳ ເຊິ່ງທ່ານໄດ້ເນັ້ນໜັກໃຫ້ຜູ້ ເຂົ້າຮ່ວມຈົ່ງສຸ່ມໃສ່ສະຕິປັນຍາປະກອບໃສ່ຄຳຄິດຄຳເຫັນດ້ວຍຄວາມຮັບຜິດຊອບສູງເພື່ອພ້ອມກັນສັງເກດຕີລາຄາວຽກງານຕິດຕາມກວດກາການຈັດຕັ້ງປະຕິບັດກົດໝາຍຂອງອົງການສຶບສວນ-ສອບສວນ ແລະ ວຽກງານຈັດຕັ້ງປະຕິບັດກົດໝາຍໃນຄ້າຍຄຸມຂັງ-ດັດສ້າງ ຊຶ່ງທັງສອງວຽກນີ້ມີຄວາມໝາຍຄວາມສຳຄັນດັ່ງທີ່ລັດຖະທຳມະນູນໄດ້ ລະບຸວ່າ ມາດຕາ 42 ພົນລະເມືອງລາວມີສິດ ໂດຍບໍ່ມີໃຜຈະລ່ວງລະເມີດໄດ້ທາງດ້ານຊີວິດ ແລະ ຮ່າງກາຍກຽດສັກສີ ແລະ ເຄຫະສະຖານ ຖ້າບໍ່ມີຄຳສັ່ງຂອງອົງການໄອຍະການປະຊາຊົນ ຫລື ສານປະຊາຊົນ ເວັ້ນເສຍແຕ່ຢູ່ໃນກໍລະນີທີ່ກຳນົດໄວ້ໃນກົດໝາຍ ມາດຕາ 2 ວັກ ຂອງກົດໝາຍວ່າດ້ວຍການດຳເນີນຄະດີອາຍາ ເຊິ່ງໄດ້ລະບຸວ່າ ການດຳເນີນຄະດີອາຍາແມ່ນການເຄື່ອນໄຫວອົງການສືບສວນ-ສອບສວນ, ອົງການໄອຍະການປະຊາຊົນ ແລະ ສານປະຊາຊົນ ແລະ ຜູ້ເຂົ້າຮ່ວມອື່ນໆ... ເພື່ອຊອກໃຫ້ເຫັນການກະທຳຜິດຢ່າງຮີບດ່ວນຄົບຖ້ວນ ແລະ ຮອບຄອບ ນຳເອົາຜູ້ກະທຳຜິດມາດຳເນີນຄະດີ ແລະ ຮັບປະກັນການປະຕິບັດກົດໝາຍຢ່າງຖືກຕ້ອງຍຸຕິທຳ ຜູຸ້ກະທຳຜິດຕ້ອງຖືກ ລົງໂທດຕາມກົດໝາຍ ແລະ ຜູ້ບໍ່ໄດ້ກະທຳຜິດ ຈະບໍ່ຖືກລົງໂທດ ຈາກນັ້ນ ຜູ້ເຂົ້າຮ່ວມໄດ້ຮັບຟັງການຜ່ານບົດສະຫລຸບຜົນການເຄື່ອນ ໄຫວການຕິດຕາມກວດກາການຈັດຕັ້ງປະຕິບັດກົດໝາຍຂອງອົງການສືບສວນ-ສວນ ແລະ ການປະຕິບັດກົດໝາຍຢູ່ຄ້າຍຄຸມຂັງ-ດັດ ສ້າງ.

     ທ່ານ ຈຸນດາ ຄຳບຸນມີ ຫົວ ໜ້າອົງການໄອຍະການປະຊາຊົນແຂວງ ເຊິ່ງຜ່ານມາອົງການສືບສວນ-ສອບສວນ ໄດ້ປະຕິບັດລະບຽບ ກົດໝາຍນັບມື້ດີຂຶ້ນ ໂດຍສະເພາະແມ່ນການຈັດຕັ້ງປະຕິບັດຂັ້ນຕອນຂອງການດຳເນີນຄະດີ ຄ່ຽງຄູ່ກັນນັ້ນ ເຈົ້າໜ້າທີ່ຄ້າຍຄຸມຂັງ-ດັດ ສ້າງ, ກອງບັນຊາການ ປກສ ແຂວງ ໄດ້ເປັນເຈົ້າການສູງໃນການຈັດຕັ້ງປະຕິບັດການຄຸ້ມຄອງຜູ້ຖືກສົງໃສ, ຜູ້ຖືກຫາ, ນັກໂທດ, ຜູ້ຖືກ ດັດສ້າງ ໂດຍມີຄວາມຮັບປະກັນດີ ແລະ ຮັດກຸ້ມຂຶ້ນເລື່ອຍໆ ພ້ອມນີ້ ຜູ້ເຂົ້າຮ່ວມໄດ້ມີການພັດປ່ຽນກັນປະກອບຄຳຄິດຄຳເຫັນດ້ວຍບັນ ຍາກາດຄຶກເຄັ່ງ ເຊິ່ງເປັນການຖອດຖອນບົດຮຽນຮ່ວມກັນເພື່ອສ້າງຄວາມເປັນເອກະພາບໃນການຈັດຕັ້ງປະຕິບັດກົດໝາຍໃຫ້ມີຄວາມ ສັກສິດ ແລະ ໜັກແໜ້ນຂຶ້ນກວ່າເກົ່າ ພ້ອມທັງຮັບຟັງການເຜີຍແຜ່ຄຳແນະນຳຮ່ວມລະຫວ່າງອົງການໄອຍະການປະຊາຊົນສູງສຸດ, ກະ ຊວງປ້ອງກັນປະເທດແລະ ກະຊວງປ້ອງກັນຄວາມສະຫງົບຕື່ມອີກ.

by:ແສງພະຈັນ

29/07/2020

ປະຕິທິນ

Aug-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ