ກອງປະຊຸມວຽກງານໄອຍະການປະຊາຊົນທົ່ວພາກກາງ ປະຈຳປີ 2017

       ກອງປະຊຸມວຽກງານໄອຍະການປະຊາຊົນທົ່ວພາກກາງ ປະຈຳປີ 2017 ໄດ້ຈັດຂື້ນ ໃນຄັ້ງວັນທີ 14 ທັນວາ 2017 ທີ່ອົງການໄອຍະການພາກກາງ ໂດຍການໃຫ້ກຽດເປັນປະທານ ຂອງ ທ່ານ ຄໍາສານ ສຸວົງ ຫົວໜ້າອົງການໄອຍະການປະຊາຊົນສູງສຸດ ເຂົ້າຮ່ວມມີ ບັນດາຫົວໜ້າກົມ,ຄະນະນຳອົງການໄອຍະການປະຊາຊົນພາກກາງ, ຫົວໜ້າອົງການໄອຍະການປະຊາຊົນແຂວງ ແລະ ແຂກທີ່ຖືກເຊີນເຂົ້າຮ່ວມ 50 ກ່ວາທ່ານ.

       ອົງການໄອຍະການປະຊາຊົນພາກກາງໄດ້ສ້າງຕັ້ງຂື້ນໃນປີ 2004, ປັດຈຸບັນ ມີ 06 ແຂວງ ຂື້ນກັບຄື: ແຂວງ ຊຽງຂວາງ, ແຂວງ ໄຊສົມບູນ, ແຂວງ ວຽງຈັນ, ແຂວງ ບໍລິຄຳໄຊ, ແຂວງ ຄຳມ່ວນ  ແລະ ແຂວງ ນະຄອນຫຼວງວຽງຈັນ ໃນການປະຕິບັດໜ້າທີ່ຕາມພາລະບົດບາດແມ່ນໄດ້ຕັ້ງໜ້າເຄື່ອນໄຫວປະຕິບັດໜ້າທີ່ຂອງຕົນຢ່າງເປັນເຈົ້າການ ແລະ ມີຄວາມຮັບຜິດຊອບສູງ.

     ກອງປະຊຸມໃນຄັ້ງໃນແມ່ນໄດ້ມີການປະກອບຄຳເຫັນແນ່ໃສ່ໄດ້ສະຫຼຸບຕີລາຄາປະເມີນຜົນການຈັດຕັ້ງເຄື່ອນໄຫວວຽກງານໃນ 1 ປີ ຜ່ານມາ ຈຸດອ່ອນ-ຂໍ້ຄົງຄ້າງ ແລະ ທິດທາງແຜນການພັດທະນາວຽກງານອົງການໄອຍະການທົ່ວພາກກາງປະຈຳປີ 2018. ເຊີ່ງໃນນັ້ນຈະໄດ້ພ້ອມກັນຖອດຖອນ ແລະ ແລກປ່ຽນບົດຮຽນ, ປະສົບການໃນການປະຕິບັດວຽກງານໃຫ້ນັບມື້ນັບດີຂື້ນເປັນກ້າວໆ ກອງປະຊຸມໃນຄັ້ງນີ້ຍັງໄດ້ຮັບຟັງການໂອ້ລົມຂອງ ທ່ານ ຫົວໜ້າອົງການໄອຍະການປະຊາຊົນສູງສຸດເພື່ອເປັນເຂັມຊີ້ທິດທາງເຍືອງໃນການຈັດຕັ້ງປະຕິບັດວຽກງານໃນຕໍ່ໜ້າໃຫ້ມີຜົນສຳເລັດເປັ້ນກ້າວໆ ໃນການປັບປຸງກໍ່ສ້າງອົງການໄອຍະການປະຊາຊົນໃຫ້ສັງຄົມມີຄວາມຍຸຕິທຳ,ສະເໜີພາບຕໍ່ໜ້າກົດໜາຍ,ແກ້ໄຂບັນຫາ ຫລື ຄະດີຢ່າງວ່ອງໄວ ຖືກຕ້ອງຕາມຄວາມເປັນຈິງ ແລະ ຖືກຕ້ອງຕາມກົດໜາຍ.

ຮູບລວມ ຄະນະນຳອົງການໄອຍະການປະຊາຊົນສູງສຸດ ແລະ ໄອຍະການປະຊາຊົນພາກກາງທົ່ວປະເທດ

                                                                                                                                      ນັກຂ່າວ ອອປສ

by:anousack

18/12/2017

ປະຕິທິນ

Aug-2018
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ