ພິທີມອບ-ຮັບໜ່ວຍພັກ ປີ 2017

       ພິທີມອບ-ຮັບ ໜ່ວຍພັກອົງການໄອຍະການປະຊາຊົນພາກກາງຂື້ນກັບອົງຄະນະພັກນະຄອນຫຼວງວຽງຈັນໄດ້ຈັດຂື້ນໃນວັນທີ 21 ທັນວາ 2017 ທີ່ຫ້ອງປະຊຸມໃຫ່ຍ ອົງການໄອຍະການປະຊາຊົນສູງສຸດ ໂດຍການໃຫ້ກຽດເຂົ້າຮ່ວມຂອງ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ,ມີຄະນະພັກ,ຄະນະນຳອອປສ,ຫົວໜ້າກົມ,ຫົວໜ້າຫ້ອງການ,ຕາງໜ້າຄະນະນຳສານປະຊາຊົນພາກາງ,ສະມາຊີກພັກ,ພະນັກງານ-ລັດຖະກອນ ອົງການໄອຍະການປະຊາຊົນເຂົ້າຮ່ວມ.

     

ໃນພິທີມອບ-ຮັບດັ່ງກ່າວ ທ່ານ ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ ຕາງໜ້າອົງຄະນະພັກອົງການໄອຍະການປະຊາຊົນສູງສຸດເປັນຜູ້ມອບ ແລະ ທ່ານ ບຸນທອງ ພົມມະຈັນ ຄະນະປະຈຳພັກ,ຫົວໜ້າຄະນະຈັດຕັ້ງນະຄອນຫຼວງວຽງຈັນ ຕາງໜ້າອົງຄະນະພັກນະຄອນຫຼວງວຽງຈັນ ເປັນຜູ້ຮັບ ພາຍໃຕ້ການເປັນສັກຂີພິຍານ ຂອງ ທ່ານ ຫົວໜ້າອົງການໄອຍະການປະຊາຊົນສູງສຸດ. ໜ່ວຍພັກອົງການໄອຍະການປະຊາຊົນພາກກາງ ແມ່ນໜ່ວຍພັກທີ່ຂື້ນກັບຄະນະພັກ ອົງການໄອຍະການປະຊາຊົນສູງສຸດ ນັບແຕ່ປີ 2005, ປັດຈຸບັນ ແມ່ນມີສະມາຊີກພັກທັງໜົດ 15 ສະຫາຍ, ຍິງ 4 ສະຫາຍ,ສຳຮອງ 3 ສະຫາຍ, ຍິງ 1 ສະຫາຍ ບຳນານ 1 ສະຫາຍ.

    ອົງການໄອຍະການປະຊາຊົນພາກກາງແມ່ນອົງການໄອຍະການປະຊາຊົນທ້ອງຖິ່ນມີພາລະບົດບາດຕິດຕາມກວດກາການປະຕິບັດກົດໜາຍໃຫ້ຖືກຕ້ອງ ແລະ ເປັນເອກະພາບໃນຂອບເຂດຄວາມຮັບຜິດຊອບຂອງຕົນ ເຊິ່ງມີ 6 ແຂວງ ຂື້ນກັບຄື: ແຂວງ ຊຽງຂວາງ,ແຂວງ ໄຊສົມບູນ,ແຂວງ ວຽງຈັນ, ແຂວງ ນະຄອນຫລວງວຽງຈັນ, ແຂວງ ບໍລິຄຳໄຊ ແລະ ແຂວງ ຄຳມ່ວນ.

2017-12-28

ປະຕິທິນ

Feb-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28

ລິຂະສິດ © 2017
ອົງການໄອຍະການປະຊາຊົນສຸງສຸດສະຫງວນລິຂະສິດໄວ້ທັງໜົດ